Hagai 1:1 - Amazwi Yakwe Leza 2013

¹ Mu mwaka wakwe ciili uwa kuteeka kwakwe Dalyusi, apa wanda uwakutandika uwa mwezi wakwe mutanda, amazwi yakwe Yawe yafikiile kuli kasema Hagai. Amazwi yali akunena Zelubabeli, umwana umonsi wakwe Syeatieli, umulasi waku mpanga yaku Yuda. Nga alino nakuli Yoswa, umwana umonsi wakwe Yeozadaki, Simapepo Mukulu.

Hagai 1:1 ပူးပေါင်းရင်းမြစ်များ

1 Yamwene 10:15

ukulunda pa misonko ino aculuzi yalipanga, nga nu muzano ukufuma mu uculuzi, nga na mawila yano yamwene aku Alabya na yacilolo amu mpanga ilya yaletanga.

1 Yamwene 14:18

Aina Izlaeli yamuzika, nga yamulosya wakwe muno Yawe wavwangile kupitila muli kasema Aiya.

2 Yamwene 14:25

Yeloboamu umwana wakwe Yeowazi nawe wapokolwile impanga yonsi iyo iyali iya ina Izlaeli mpiti, ukutandikila sile uku nzila yaku Lebo Hamati lwaku katutu, ukufika na kuli Yemba wa Musilya. Ali vino Yawe, Leza wa ina Izlaeli walavile umuomvi wakwe, Yona umwana wakwe Amitai, kasema waku Gati Hefeli.

1 Milandu 3:17

Yakwene ali amu mupanda wakwe Yeoyakini, wino aina Babiloni yasenzile wa munyepwe. Yeoyakini wakweti ana aonsi cinimbali. Amazina yao a Syeatieli,

1 Milandu 3:19

Pedaiya wakweti ana aonsi yaili. Amazina yao a Zelubabeli na Syimei. Zelubabeli wakweti ana aonsi yaili. Amazina yao a Mesyulamu na Hananiya, nga nu mwana umwanaci wino izina lyakwe a Syelomiti.

Ezila 1:8

Kilusi kateeka waku Pesya avipela kuli Mitiledati kasunga wa cipao, nga nawe avipela kuli Syesyibaza intunguluzi yamu mpanga yakwe Yuda.

Ezila 10:18

Yaa ali yano yatwite aci ainamasi. Muli yasimapepo, yano yatwite aci ainamasi aeya: Mu amu mupanda wakwe Yesyua na ina yakwe Yozadaki na ina, a Maaseya, Elieza, Yalibu na Gedaliya.

Ezila 2:2

Yatungulwilwe na Zelubabeli, Yesyua, Neemiya, Selaya, Leelaya, Modekai, Bilisyani, Misipali, Bigivai, Leumu na Baana. Fwandi uwo uli utantiko wa ina Izlaeli, awelulwike. Utantiko uyelile mu nko zyao ni milimo yao, nga alino ni mpendwa yakwe cila luko nanti cila umba:

Ezila 2:63

Nu mulasi ayapeela ilamulo lya kuyalesya ukulya icakulya icili consi icaziliziwa wakwe cimwi, suka sile kuce kuloleke simapepo wakuyuzizya kuli Ulimu na Tumimu.

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Ezila 3:8

Nga alino lyene umu mwezi wakwe ciili uwa mwaka wakwe ciili pacisila ca kufuma mu uzya nu kufika pa cifulo apayelile Ng'anda ikulu yakwe Leza umu Yelusalemu, Zelubabeli umwana wakwe Syeatieli, na Yesyua umwana wakwe Yozadaki, iyatandika umulimo. Yene yazwiliziwe na ina yao asyala (kuli kuti yasimapepo na ina Levi nga na antu yonsi awelulwike ukufuma ku Babiloni ukwiza ku Yelusalemu). Pali pakusonta aina Levi a myaka amakumi yaili nanti ukuluta penepo apakuti yangaya akaangalila ya mulimo wi kuule lya ng'anda ikulu yakwe Yawe.

Ezila 4:2

Acino yiza kuli Zelubabeli nu ku akalamba ya lupwa nga iyayanena iyati, “Lekini tumwazwe uku kuula, pamulandu wakuti naswe kwene tukalondesya Leza winu wakwe vino mukamulonda. Tukaapeela ni mpolelwa kunoli ukutandika sile apa nsita yakwe Esalaadoni mwene wa ina Asilya, wiyo uwatulesile kuno.”

Ezila 4:24

Fwandi avili vino yalesizye umulimo waku kuula Ng'anda yakwe Leza umu Yelusalemu suka ciza cafika nu mwaka wakwe ciili umu uteko wakwe Dalyusi mwene

Ezila 5:1

Apa nsita ilya kusuka kuloleka yakasema yaili, Hagai na Zakaliya umwana wakwe Ido. Iyatandika ukusema umwi zina lyakwe Leza wa ina Izlaeli uku Ayuda aikalanga umu Yuda nu mu Yelusalemu.

Ezila 5:3

Pa nsita ilya Tatenai, umulasi wa muputule wa mpanga uku mbalama ya luzi lwa Yufulate, nga na Syetali Bozenai na aomvi yauze iyaya kunoyali nga iyayuzya yati, “Uzye aweni uwamupeela insambu zya kukuula Ng'anda ii ikulu yakwe Leza nu kumalila vino yali?”

Ezila 6:14

Acino aikolo amu Ayuda nayo kwene yatwalilile uku kuula ndi muno mwene kwene wavwangile. Yakomeleziwanga na yakasema, Hagai na Zakaliya, uwamu mupanda wakwe Ido. Nga iyasuka yamala ukukuula Ng'anda yakwe Leza ndi muno Leza wa ina Izlaeli wayapelile ilamulo nga nu ku cipope cakwe Kilusi, Dalyusi na Alitakisesi, yamwene aku Pesya.

Neemiya 12:1

Yakwene aali yasimapepo na ina Levi yano yawelulwike pamwi na Zelubabeli umwana umonsi wakwe Syeatieli, nga na Simapepo Mukulu Yesyua yali ndi vii: Selaya, Yelemiya, Ezila,

Neemiya 12:10

Yesyua wali a isi wakwe Yoiyakimu, Yoiyakimu wali a isi wakwe Elyasyibu, Elyasyibu wali a isi wakwe Yoiyada.

Neemiya 5:14

Nupya ukutandikila sile lino nasonsilwe ukuya umulasi wa mpanga yakwe Yuda, lilyo ale umwene Alitakisesi ali ni myaka amakumi yaili apa wene, suka wiza wakwata ni myaka amakumi yatatu na yaili nemo pamwi na inane, tutatazile tulye icilyo nanti cimwi ica ulasi.

Neemiya 7:7

Intunguluzi zyao izya tungulwile cila umba a Zelubabeli, Yesyua, Neemiya, Azaliya, Laamiya, Naamani, Modekai, Bilisyani, Misipeleti, Bigivai, Neumu nga na Baana. Utantiko wa mazina ya ina Izlaeli awelulwike ukufuma umu uzya. Fwandi ii ali mpendwa ya onsi amu mutundu wa ina Izlaeli.

Neemiya 8:9

Alino lyene umulasi Neemiya, Ezila simapepo na kalemba, nga na ina Levi nayo ale yakulondolwela antu yonsi. Iyayanena iyati, “Uwanda wilelo upolelelwe, upaatwilwe kuli Yawe, Leza winu. Cisi cakwezya kuti muuzikwe nanti ukulukusya aminsozi.” Pano antu yonsi yalilanga aminsozi lino yuvwa amazwi ya Masunde yayo. Ali cino yavwangile vivyo.

Kufuma 4:13

Lelo Mose aasuka ati, “Awe Yawe, napapata tuma umuntu muze.”

Hagai 1:12

Papo kwene ali pano Zelubabeli umwana umonsi wakwe Syeatieli, Yoswa umwana umonsi wakwe Yeozadaki, simapepo mukalamba, alino na antu yonsi awelulwike uku uzya iyacitila ndi muno Yawe wayapelile ilamulo. Nga antu yonsi iyuvwila malamulo yano Hagai, kasema wakwe Yawe, watungulwile, nga yuvwa intete izikalamba cuze.

Hagai 1:14

Lyene Yawe acincizya umwenzo wakwe Zelubabeli umwana umonsi wakwe Syeatieli, musika waku Yuda, na Yoswa umwana umonsi wakwe Yeozadaki, Simapepo Mukulu nga na antu yonsi pyu. Iyakatuka iyatandika umulimo wa kukuululula Ng'anda ikulu yakwe Leza Wa maka Onsi, Leza wao,

Hagai 1:15

pa wanda walenga amakumi yaili na yani, uwa mwezi wakwe mutanda uwa mwaka wakwe ciili uwa kuteeka kwakwe Dalyusi.

Hagai 1:2

Yawe Wamaka Onsi wanena Hagai wati, “Antu yaa yakuvwanga yati, ‘Ndakai isi nsita ya kukuula cipya cipya Ng'anda ikulu yakwe Leza.’ ”

Hagai 1:3

Fwandi ali cino Yawe wavwanga ukupitila muli kasema Hagai wati,

Hagai 2:10

Pa wanda walenga amakumi yaili na yani, umu mwezi wakwe fundimbali uwamu mwaka wakwe ciili, uwa kuteeka kwakwe Dalyusi, umwene waku Pesya, nupya kwene Yawe wapile izwi kuli kasema Hagai ilyakuti,

Hagai 2:20

Pa wanda kwene uwalenga amakumi yaili na yani uwa mwezi kwene ulya, Yawe wapiile Hagai izwi iila lyakwe cili ilyakuti,

Hagai 2:21

“Umunene Zelubabeli umulasi waku Yuda ukuti indi nu kutensya iyulu kumwi ni nsi yonsi iya pansi.

Hagai 2:4

Lelo nanti cingaya vivyo kwene ne Yawe nkuti, uposye mwine Zelubabeli, uposye mwine Yoswa we mwana monsi wakwe Yeozadaki, we simapepo mukalamba, muposye mwe antu mwensi kwene, mwe ikazi amu mpanga. Acino tandikini umulimo pano nene ne Yawe namayanga namwe lyonsi pe.

Zakaliya 1:1

Mu mwezi wakwe cinani, uwa mwaka wakwe ciili lino Dalyusi wali umulasi waku Pesya, Yawe wavwanzile ilandwe lii kuli kasema Zakaliya, umwana umonsi wakwe Belekiya nupya umwizikulu wakwe Ido.

Zakaliya 3:1

Umu cilolwa cuze Umwene Leza wandanzile Simapepo Mukulu Yoswa, ala aimilile lwa pambali ya mungeli wakwe Yawe. Nupya wandanzile na Satana wiyo uwimilile ukwilunji lyakwe Yoswa apakuti angamuvwangila kweneko.

Malaki 1:8

Yawe Wamaka yonsi wavwanga wati, ‘Lino mukaleta inyama impafu nu kuzipela wa mpolelwa, uzye mukacita icisuma? Lino mukaleta inyama zilemale ni zilwale imuzipela impolelwa, uzye mukacita icisuma? Mwezye ukupeela inyama zizyo ku mulasi! Uzye mungamuzanzya pa kucita cico? Uzye wene angamucitila cimwi icisuma?’ ”

Luka 3:27

mwana wakwe Yoanani, mwana wakwe Lesya, mwana wakwe Zelubabeli, mwana wakwe Salatieli, mwana wakwe Neli,