Galatiya 6:2 - Amazwi Yakwe Leza 2013

² Mwaazwana kusenda visendo, nga mu musango kwene uu, mukaayela Masunde yakwe Klistu.

Galatiya 6:2 ပူးပေါင်းရင်းမြစ်များ

1 Milandu 19:12

Yoabu anena Abisyai ati, “Ndi cakuti aina Alamu yanduta amaka, lyene wize ungazwe. Lelo ndi walola ukuti aina Amoni yakuluta amaka, lyene namaiza nkwazwe.

Kufuma 23:5

Punda wa mwanisi wako ndi wapona pa kunyomelwa cisendo, utapuzya nu kumusya. Lelo uwazwilizye mwanisi wako kukatusya punda nupya.

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Mateo 8:17

Cii cacitike kuti cifikiliziwe cino kasema Ezaya wavwanzile ati, “Wene watozile indema zitu, asenda ni ndwala zitu.”

Luka 11:46

Yesu amunena ati, “Kalanda kuno muli namwe kwene yakasambilizya ya Masunde! Mukatwika antu visendo vinyomesye nupya vitale ukusenda. Lelo mwemo mutangakatusya nanti umunwe kuti muyazwe kusenda visendo vivyo vya masunde inu.

Yoane 13:34

Ndakai namupeela isunde lipya lyakuti mwatemwana. Ndi vino nani namutemwa, avino namwe mulinzile kutemwana.

Yoane 15:12

Lii lili sunde lyane lyakuti mutemwane ndi vino nemo namutemwa.

Loma 15:1

Swe muno twakoma mu utailo twaazwilizya yano atali yakome pakuti yaposya mu macuzi yao. Tutacita vyakutuzanzya sweisikulu.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

1 Kolinto 9:21

Mu musango uli onga kwene, lino nkuomba pamwi na Akulukuwa, nemo nkaikala wa Mukulukuwa, kwaula kulondela Masunde ya Ciyuda, pakuti ndonke Akulukuwa. Cii cisyakusenula ukuti nsyayela Masunde yakwe Leza. Mucumi nemo nkateekwa na Masunde yakwe Klistu.

Galatiya 6:5

Pano umuntu wensi alinzile kuisendela cisendo cakwe umwisikulu.

Malango 1:12

Lelo uzye cingacitika uli kuti umutembo wakuputula imilandu inu unyomele pali nene nenga sile?

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

Yakobo 1:25

Lelo wino wensi akaceceta ningo mu masunde afumaluke yano akalenga antu kuya antungwa, ndi watwalilila kusumba mano kunoyali kwaula kuvwa sile nu kwilila, lelo akacita vino yene yakulanda, muntu wiyo Leza alamupolelela muli vino akacita.

Yakobo 2:12

Mwavwanga nu kucita vintu wa antu yano yalapingwilwa kwi sunde lino likatulenga kuya antungwa.

Yakobo 2:8

Ndi mukuyela Isunde lya Wene ilyaya mu malembelo likati, “Uwatemwa umuzo ndi vino waitemwa.” Ale mukucita ningo.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

2 Petulo 2:21

Cange cizipe cuze ndi cakuti yatamanyile nzila ya wololoke, kuluta yafutatile isunde lyamuzilo lino Leza wayapile.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

1 Yoane 4:21

Ilamulo lino Klistu watupeela likati wino wensi uwatemwa Leza wene alinzile kutemwa nu mwina wakwe kwene.