Galatiya 4:9 - Amazwi Yakwe Leza 2013

⁹ Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

Galatiya 4:9 ပူးပေါင်းရင်းမြစ်များ

1 Yamwene 8:43

uli nu kuvwa kuko ukwako kwiyulu. Upeele nu mwinamasi wensi cino akulenga, pakuti imitundu yonsi ya pano nsi ice ikamanye izina lyako nu kukoopa, ndi vino antu yako aina Izlaeli yakacita. Lyene nu kumanya ali kwene pano yalasininkizya ukuti Ng'anda ii ikulu, ino nakuula ali ncende ino tulinzile twakupepela mwenemo.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Masamu 1:6

Pano Yawe wasakamala antu akacita vyaololoke, lelo yakaifya yene yalalowelela sile.

Masamu 9:10

Antu amanya we Yawe yangala yakutaila. Akakulonda we Yawe usiyatazyela.

Kufuma 33:17

Lyene Yawe anena Mose ati, “Cisuma pamulandu wakuti nakumanya ningo nupya nkazangila munuli, namacita wakwe vino wavwanga.”

Mapinda 2:5

Ndi wacita vivyo, lyene uliluuka ukoopa Yawe vino kwaya, nu kuzana vino ukumanya Leza kwaya.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Habakuku 2:14

Lelo insi nu kukwata umanyililo wa ucindami wakwe Yawe, ndi vino yayemba yakulu yazula amanzi.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Luka 5:38

Acino waini mupya alinzile kwitulwilwa mu nyambi zipya.

Yoane 10:14

Nene mucemi musuma. Namanya mfwele zyane nga nazyo zyamanya.

Yoane 10:27

Mfwele zyane zikauvwa izwi lyane. Nazimanya nga nazyo zikandondela.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

1 Kolinto 8:3

Lelo Leza wene asyatwisika umuntu wino wamutemwa.

2 Kolinto 11:20

Mukazumilizya antu kuti yamucite uzya nu kumucenjezya nga nu kwiya kufuma kuno muli. Mukaleka kuti yamusule nga nu kumuma impi pa manso.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Galatiya 3:3

Uzye lyene mungaya viwelewele uli? Uzye vino Mupasi Wamuzilo watandike kuomba munomuli lyene avino mukwelenganya mungamalila na maka ya untunze?

Galatiya 4:3

Vii, avino cali na kuli sweswe. Twali wa ana atungululwanga na masambilizyo ya ntambi zya nsi.

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 7:18

Lyene ilamulo lyampiti likwa pa mbali, pano litali na maka nupya litali na mulimo.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.