Galatiya 3:9 - Amazwi Yakwe Leza 2013

⁹ Abulaamu wataile nga Leza amupolelela. Caleka yonsi ataila pamwi na Abulaamu Leza alayapolelela.

Galatiya 3:9 ပူးပေါင်းရင်းမြစ်များ

Utandiko 24:1

Lyene Abulaamu aya umukote cuze nga Yawe wamupolelile muli vyonsi vino wacitanga.

Loma 4:11

Wene wasilamwilwe pacisila. Ukusilamulwa kwakwe cali cili cilangililo cakuti cisininkiziwe vino Abulaamu wataile Leza lino atali kuti asilamulwe. Na Leza pali pa kumuzumila vino wene mololoke lino atali kuti asilamulwe. Acino Abulaamu ali cikolwe ca antu yonsi ataila Leza, yao yano Leza wazumila vino aololoke, nanti angala yatasilamulwa.

Loma 4:16

Acino ulayo wemelela pa kutaila Leza, pakuti Leza afikilizye ulayo pa kuya nu luse ku vizikulula vyakwe Abulaamu vyonsi. Asi sile kuli yao akuyela Masunde, lelo na kuli yao akataila ndi vino Abulaamu wataile. Pano Abulaamu ali cikolwe citu swensi,

Loma 4:24

Yalemvilwe na pali sweswe swensi swe muno Leza amatuzumila kuya aololoke, swe muno twataila Leza wiyo uwazyukwile Yesu Mwene witu kufuma ku afwe.

Galatiya 3:14

Klistu wacita cii kuti upolelelo uno Leza walavile kuli Abulaamu upelwe ku Akulukuwa muli Klistu Yesu. Cii cacitike kuti mu utailo tungapelwa Mupasi Wamuzilo wino Leza walavile Abulaamu.

Galatiya 3:29

Ndi mwemwe yakwe Klistu, lyene ale mwemwe vizikulula vyakwe Abulaamu nga mulapelwa vino Leza walaya.

Galatiya 4:28

Inane, ndakai mwemwe ana yakwe Leza avyalwa pamulandu wa ulayo wakwe, ndi vino Isaki wavilwe.