Galatiya 2:7 - Amazwi Yakwe Leza 2013

⁷ Ku mbali yuze, yene yaweni ukuti Leza wampile mulimo wa kukosola Ilandwe ku Akulukuwa, wakwe vino wapile Petulo mulimo wa kukosola Ilandwe ku Ayuda.

Galatiya 2:7 ပူးပေါင်းရင်းမြစ်များ

Milimo 15:12

Onsi akongine yaya cele lino yakuuvwa kuli vino Banaba na Paulo yalandanga, pamulandu wa vilangililo nga ni vizungusyo vino Leza wacisile pakasi ka Akulukuwa kupitila munoyali.

Milimo 18:6

Lino yamukana nu kulanda viipe pali aliwe, wene akunta lukungu ku vizwalo vyakwe kuti ayalange vino wapaluka kunoyali, nga ayanena ati, “Ndi mwalowa, ale umulandu winu mweisikulu! Usi mulandu wane. Ukufuma ndakai namaya ku Akulukuwa.”

Milimo 28:28

Paulo atwalilila ati, “Mulinzile kumanya vino ilandwe lyakwe Leza ilya ufyusi lyatumwa ku Akulukuwa. Yene yalalyuvwa!” [

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 11:13

Nkuvwanga kunomuli ndakai mwe Akulukuwa. Nkuti vino nene mutumwa ku Akulukuwa namaikako mano nu kucindikisya mulimo wane.

1 Kolinto 9:17

Ndi nkukosola pamulandu wakuti nkulonda kukosola, ale lyene ndalipilwa. Lelo nkacita cii pa kwangalilwa, pano Leza wandasika mulimo uu.

Galatiya 1:16

Wasokolwile Mwana wakwe kunondi, pakuti ningakosola Ilandwe Lisuma lya pali aliwe ku Akulukuwa, nemo ntaile ku muntu ali wensi kuti ampande mano,

Galatiya 1:18

Cali pacisila ca myaka itatu lino naile ku Yelusalemu ku kulanzyanya na Petulo, nga natenzi pamwi nawe kulingana ni milungu iili.

Galatiya 1:6

Nkuzunguka pamulandu wa miyele inu! Kwaula kusumba insita mwemo mukufutatila Leza wiyo uwamusolwile kupitila mu cikuku cakwe Klistu, nga nupya mukutaila ilandwe lyuze.

Galatiya 2:11

Lelo lino Petulo wizile ku Antioki, nemo namukalipile pa manso ukuti wene waluvyanya.

Galatiya 2:14

Lelo lino naweni ukuti cino yacita citaine ni cumi icaya mwi Landwe Lisuma, nakalipile Petulo inti, “Petulo, wemo wewe Muyuda. Lelo ukaikala wa Mukulukuwa, asi wa Muyuda. Uzye lyene, ungapatikizya uli Akulukuwa kuti yaikala wa Ayuda?”

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

1 Timoti 1:11

Usambilizyo usuma ukazanwa mwi Landwe Lisuma lino Leza, uwa lulumbi nupya uwa kulumbanya wampile.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:11

Leza wansolola kuti inje kakosola, mutumwa na kasambilizya wi Landwe Lisuma.

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.