Galatiya 2:2 - Amazwi Yakwe Leza 2013

² Napisile pamulandu wakuti Leza wasokolwile kunondi ukuti ndinzile mpite. Lino twakomenkine ni ntunguluzi mu nkama nalondolwile Ilandwe lino nakosozile ku Akulukuwa. Nalondanga kusininkizya vino mulimo wane pa mpiti nga nu mu nsita ikwiza utaya uwasilesile.

Galatiya 2:2 ပူးပေါင်းရင်းမြစ်များ

Kasambilizya 10:1

Insazi zifwe zingonona umusazi onsi uwa mafuta acinunu cisuma, nu kutumpa kunono kungonona amano aingi.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Milimo 15:12

Onsi akongine yaya cele lino yakuuvwa kuli vino Banaba na Paulo yalandanga, pamulandu wa vilangililo nga ni vizungusyo vino Leza wacisile pakasi ka Akulukuwa kupitila munoyali.

Milimo 15:2

Lyene Paulo na Banaba yapusana na antu yaa, yaikana ni vikanza cuze pamulandu uu, alino iuvi lipingula kuti Paulo na Banaba nayauze mwi uvi yaye ku Yelusalemu yakalole atumwa na ikolo pamulandu uu.

Milimo 15:4

Lino yafika mu Yelusalemu, iuvi, atumwa na ikolo yayazengela. Paulo na Banaba yayalandila vyonsi vino Leza wacisile munoyali.

Milimo 18:9

Usiku umwi Mwene aloleka kuli Paulo mu cilolwa, nga amunena ati, “Utuvwa intete, lelo twalilila nu kuvwanga, utata,

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Milimo 5:34

Lelo wenga uwa munoyali, Mufaliseo izina lyakwe Gamalieli, uwali a kasambilizya wa Masunde wino antu yonsi yacindike cuze, aimilila mwi Tengo. Alino apeela ilamulo kuti yatale yafumye atumwa panzi.

Loma 9:16

Caleka cisi pali cino umuntu akasi nanti cino akaezya kucita, lelo cili pali Leza wino akayela mizu.

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

1 Kolinto 2:2

Pano lino nali pamwi namwe naipingwile kwilila vintu vyonsi suka sile Yesu Klistu nu kuluta imfwa yakwe ya pa lupanda.

1 Kolinto 9:24

Cumi kwene mwamanya vino antu aingi yakasimula mu kucimvyanya kwa lwilo, lelo umuntu wenga sile akalonka cilambu. Caleka namwe simulini mu musango wakuti mulonke cilambu.

1 Kolinto 9:26

Uli mulandu uno nemo nkasimula kuti mfikilizye simwililo lyane. Nupya uli mulandu uno nemo nkoline wa muntu akacimvyanya mu makofi, wino asyasumba sile makofi yakwe mu muza.

2 Kolinto 12:1

Namaitumika, nanti angala musi cimwi cino ningalonka mukuitumika. Lelo ndakai namalanda pa vilolwa vino Mwene wampile nga ni vintu vino wene waumbula kunondi.

Galatiya 1:12

Ntalipokelile kufuma ku muntu, nupya kusi umuntu umwi uwansambilizye. Yesu Klistu umwisikulu uwalisokolwile kunondi.

Galatiya 1:16

Wasokolwile Mwana wakwe kunondi, pakuti ningakosola Ilandwe Lisuma lya pali aliwe ku Akulukuwa, nemo ntaile ku muntu ali wensi kuti ampande mano,

Galatiya 1:6

Nkuzunguka pamulandu wa miyele inu! Kwaula kusumba insita mwemo mukufutatila Leza wiyo uwamusolwile kupitila mu cikuku cakwe Klistu, nga nupya mukutaila ilandwe lyuze.

Galatiya 2:6

Lelo yao alolekanga kwati intunguluzi, nkulanda cii kunoyali pano kunondi ntasakamile vino yali. Leza asyapingula umuntu ku milolekele ya kunzi. Intunguluzi zizyo zitalunda cimwi cipya kwi Landwe.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Galatiya 5:7

Mwacitanga sile ningo nkolelo! Uzye lyene aweni uwamuongwile kuti mute kuyela cumi? Uzye wamupatikizye uli?

Filipi 2:16

lino mukuyanena mazwi yano yakapela umi. Ndi mwacita vivyo, lyene nemo ndailumba pamulandu winu pa Wanda uno Klistu alawela. Pano lyene ndamanya vino maka nu kuomba kwane kutali kwasilesile.

Filipi 2:29

Mumuzengele nu luzango wa mwina akatumikila Mwene. Mwapeela mucinzi ku antu yonsi ali nga aliwe,

1 Tesalonika 3:5

Uli mulandu uno natumile Timoti. Naposiwe kulolela. Caleka namutumile kuti aiize alondelezye nu kumanya ningo vya pa utailo winu. Cumi kwene nemo napaalile ukuti Ciwa atatunsile mwemwe nu kulenga mulimo witu kuya uwasilesile.

2 Timoti 4:7

Nemo nalwisya ningo mu kusimula, nupya nene wakutailwa.

Ayebulai 12:1

Swemo tukweti iumba likulu lyakwe yakambone, lino litulizizye. Acino lekini tufume ku vintu vyonsi vino vikatuvulunganya, na maifyo yano akatupalama lili lili. Lekini tusimule nu mukozya mu lwilo lwa kucimvya luno lwikwa nkolelo itu.