Galatiya 2:11 - Amazwi Yakwe Leza 2013

¹¹ Lelo lino Petulo wizile ku Antioki, nemo namukalipile pa manso ukuti wene waluvyanya.

Galatiya 2:11 ပူးပေါင်းရင်းမြစ်များ

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Yona 4:9

Lelo Leza anena Yona ati, “Uzye ukweti insambu yakusoka pamulandu wa cimelwa?” Yona nawe aasuka ati, “Endi, nkweti nsambu, nupya nene musoke cakuti cinganzipila nu kufwa.”

Mpendwa 20:12

Nga alino Yawe anena Mose na Aaloni ati, “Pano mwali mwakana ukuzumila ukuti indi na maka akulanga ucindami wane pa manso ya ina Izlaeli, mutalingizya iuvi lii mu mpanga ya ulayo ino nayapeela.”

Mateo 16:23

Lelo Yesu aseleuka, asinkola Petulo ati, “Fuma pano, Ciwa! Kunondi ukoline wa cisiki mu nzila, pano amelenganyo yako yatafumile kuli Leza, lelo auntunze.”

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Milimo 11:19

Yao ataile yasalangine pamulandu wakuzunyiwa ukwatandike lino yakomile Sitivini. Yamwi yafisile ku Fonisya, ku Kupulo mpaka nu ku Antioki, ala yakukosola ilandwe ku Ayuda yatupu.

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 11:22

Impwelo pali cii yafisile nu kwi iuvi lyaku Yelusalemu, caleka yatumile Banaba ku Antioki.

Milimo 11:27

Mu manda yalya yakasema yamwi yafumile ku Yelusalemu iiza ku Antioki.

Milimo 15:1

Antu yamwi afumile ku Yudeya iiza ku Antioki, yasambilizya ataile yati, “Mutalatuulwa ndi mutasilamwilwe kulingana nu lutambi luno Mose watusilile.”

Milimo 15:5

Lelo ataile yamwi ali mu kaungwe ka Afaliseo, iimilila yavwanga yati, “Akulukuwa yalinzile kusilamulwa nu kunenwa kuti yayela Masunde yakwe Mose.”

2 Kolinto 11:5

Nkwelenganya vino nemo ntacepa pali wenga uwa mu atumwa yano mwemo mukati yacindamisya.

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Galatiya 1:18

Cali pacisila ca myaka itatu lino naile ku Yelusalemu ku kulanzyanya na Petulo, nga natenzi pamwi nawe kulingana ni milungu iili.

Galatiya 2:14

Lelo lino naweni ukuti cino yacita citaine ni cumi icaya mwi Landwe Lisuma, nakalipile Petulo inti, “Petulo, wemo wewe Muyuda. Lelo ukaikala wa Mukulukuwa, asi wa Muyuda. Uzye lyene, ungapatikizya uli Akulukuwa kuti yaikala wa Ayuda?”

Galatiya 2:5

Lelo pakuti tucingilile cumi ci Landwe, swemo tutayasilile mweko nanti panono.

Galatiya 2:7

Ku mbali yuze, yene yaweni ukuti Leza wampile mulimo wa kukosola Ilandwe ku Akulukuwa, wakwe vino wapile Petulo mulimo wa kukosola Ilandwe ku Ayuda.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

1 Timoti 5:20

Wakalipila apaswe yao yonsi akaifya, pakuti asyala yuvwe intete.

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.