Galatiya 1:9 - Amazwi Yakwe Leza 2013

⁹ Vino twamunenyile mpiti avino nkumunena nupya. Muntu umwi ndi akukosola ilandwe kunomuli lipusane na lino mwataila, cingazipa kuti Leza amuvunuke!

Galatiya 1:9 ပူးပေါင်းရင်းမြစ်များ

Mapinda 30:6

Mu mazwi yakwe, kutaya uwakuti aungilizyemo kamwi, pa koopa ukuti angakukalipila, nupya ungasinilwa ukuti wewe wantumpu.

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Milimo 18:23

Pacisila ca kwikala kweneko pa nsita imwi, afumako, aya ku mpanga ya Galatiya nga na Fulugiya. Ala akukomelezya yonsi ataile.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

2 Kolinto 1:17

Pa kukwata pange lii uzye nemo nafutwike? Nanti uzye nkaloleka wa muntu umwi wino akati, “Ee” nanti “Awe” kuti azanzye sile antu yauze?

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Filipi 3:1

Mukumalila inane, muye nu luzango mu Mwene. Ntasakamile ndi namulembela nupya vintu vino namulembile nkolelo. Endi, cingamuzipila kuti ncite vii.

Filipi 4:4

Mwazanga mu Mwene. Nupya kwene nkuti mwazanga!