Galatiya 1:16 - Amazwi Yakwe Leza 2013

¹⁶ Wasokolwile Mwana wakwe kunondi, pakuti ningakosola Ilandwe Lisuma lya pali aliwe ku Akulukuwa, nemo ntaile ku muntu ali wensi kuti ampande mano,

Galatiya 1:16 ပူးပေါင်းရင်းမြစ်များ

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Mateo 26:41

Pempulini nu kupepa kuti mutaponela mu matunko. Umwenzo ukulondesya, lelo umwili uutonte.”

Milimo 22:21

Mwene anena ati, ‘Pitanga, Pano namakutuma kutali ku Akulukuwa.’”

Milimo 5:42

Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

Loma 1:5

Kupitila muli Klistu amuno Leza wampeela isyuko lyakuya mutumwa pakuti ntungulule antu amu nko zyonsi kuti yataile nu kuyela Leza na kuti Klistu acindikwe.

Loma 11:13

Nkuvwanga kunomuli ndakai mwe Akulukuwa. Nkuti vino nene mutumwa ku Akulukuwa namaikako mano nu kucindikisya mulimo wane.

1 Kolinto 15:50

Inane, nemo nkusenula ukuti mili itu iya minyefu nu wazi ilaola. Cii, cikusenula ukuti yene itangakumako ku Wene wakwe Leza uwa manda pe, nga ni cikaola citangingila mu cisiola.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Galatiya 2:1

Pacisila ca myaka ikumi na iini, naswilile ku Yelusalemu pamwi na Banaba nga na Tito.

Efeso 3:1

Caleka ne Paulo, munyepwe pamulandu wa kutumikila Klistu Yesu nkumupepela kuli Leza mwe Akulukuwa.

Efeso 6:12

Pano tusyakulwisya antu sile lelo tukulwisya mawene, mauteko, na maka yamfinzi amuno nsi nga ni mipasi yankota iya mulwelele.

Malango 33:9

Yene yalanzile ucumi wao kunuli Ukuluta vino yalanzile ku akwasi, nu ku ina yao, nanti nu ku ana yao. Yene yayezile amalamulo yako Nupya yali acumi ku upangano wako.

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

2 Timoti 1:11

Leza wansolola kuti inje kakosola, mutumwa na kasambilizya wi Landwe Lisuma.

Ayebulai 2:14

Twazana ukuti yano akwamwa ana, antu akwata munyefu nu wazi. Acino Yesu umwisikulu wizile akolana nayo ku mwili wa untu. Wene wacisile cii kuti mu mfwa yakwe amuno aonone Ciwa, wino uwakwata maka pa mfwa.