Filipi 3:17 - Amazwi Yakwe Leza 2013

¹⁷ Mutwalilile kukolanya vino nkacita, inane. Mwike mano pali yao alondela cilangililo cisuma cino twamulanga.

Filipi 3:17 ပူးပေါင်းရင်းမြစ်များ

Masamu 37:37

Mwalolekesya umuntu musuma, mucecete umololoke umwenzo. Pano umuntu walongo awiyo akasya impyanyi zyakwe pano nsi.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 11:1

Mulinzile kulondela cilangililo cane mu micitile ndi vino nani nkalondela cilangililo cakwe Klistu mu micitile.

1 Kolinto 4:16

Acino ndakai nkumulenga kuti mukolane nani mu micitile.

Filipi 4:9

Mwacita vino mwasambilila kufuma kunondi, vyonsi vino navwanzile na vino mwaweni nkucita. Alino Leza wino akatupeela mutende, alaya namwe.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

2 Tesalonika 3:14

Umwi uwa munomuli ndi wakana kuyela mazwi yano twamulembela muli kalata wii, muwakini nupya cenjelini nawe kuti aye ni nsonyi.

2 Tesalonika 3:7

Mweisikulu mumanyile ningo ukuti mulinzile kukolana naswe mu micitile. Swemo tutali akasu lino twali namwe.

2 Tesalonika 3:9

Swemo twacisile cii asi kuti tutakweti nsambu zyakutwazwa. Twacisile cii kuti tumupele cilangililo cakuti namwe mwalondela.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

Ayebulai 13:7

Mwaiusya yao ali ntunguluzi zinu, yano amunenyile ilandwe, mazwi yakwe Leza. Elenganyini musango uno ikalanga na vino yafwile, nga mukolane na alio mu utailo wao.

1 Petulo 5:3

Mutaezya kukulizya yao yano mukasunga, lelo muye cilangililo pakasi ki uvi.