Filipi 2:26 - Amazwi Yakwe Leza 2013

²⁶ Lelo ndakai akulondesya kulola mwemwe mwensi. Wene watasakamikwa pamulandu wakuti muvwa vino wali mulwale.

Filipi 2:26 ပူးပေါင်းရင်းမြစ်များ

2 Samueli 13:39

Umwene Davidi atandika ukuluuka Abusalomu, pano watekeziwe pa mfwa yakwe Amunoni.

2 Samueli 24:17

Lino Davidi walola umungeli uwakomanga antu, anena Yawe ati, “Nene ndi nu mulandu, nupya nene natinifya. Uzye antu yaa apelelwe yacita cani? Ulinzile ukuvunuka nene sile pamwi na aluko lwane.”

Yobo 9:27

Ndi nelenganya nati, ‘Manye kante sile uku ilizyanya, imwentule nu kulanga insansa apa manso.’

Masamu 69:20

Intusi zyao, nemo zikundepola umwenzo, na kazwa nemo ntakwata. Nemo ntakwata. Nemo natailanga ukulola uwakundilila kweneko ulanda, awe cumi ntamuweni. Nanti uwakumyalalika umwenzo nawe kwene atalolike.

Mapinda 12:25

Ukutwisika kwa muntu kwaya ngi cisendo cinyome mu mwenzo wakwe, lelo amazwi ya mutembo yene yakasansamusya.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Mateo 26:37

Alino asenda Petulo na ana yakwe Zebedi yaili, nga atandika kunyunguluka nu kusakamikwa,

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Loma 1:11

Pano nkulondesya kumulola kuti tukize tukankane wila wakwe Mupasi Wamuzilo uno napokelela pakuti mukomeleke.

Loma 12:15

Muzange pamwi na yao akuzanga, losyini pamwi na yao akulosya.

Loma 9:2

mwenzo wane ukunyunguluka nupya ndi nu ulanda ukulu cuze pamulandu wa inane, antu amu luko lwane.

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

2 Kolinto 9:14

Mu kutemwa kukulu yalamupepela pamulandu wa cikuku cakwe Leza cino wakwata kuno muli.

Galatiya 6:2

Mwaazwana kusenda visendo, nga mu musango kwene uu, mukaayela Masunde yakwe Klistu.

Efeso 3:13

Caleka namupapata mutatovoka pamulandu wa kucula kwane pamulandu winu. Kucula kwane ukwakumulenga kuya nu lulumbi.

Filipi 1:3

Lyonsi lino nkaiusya mwemwe, nkataizya Leza wane.

Filipi 1:8

Leza ali kambone wane ukuti nkulanda cumi. Wene amanyile vino nkalondesya kumulola. Namutemwa mwensi nu kutemwa kwakwe Klistu Yesu.

Filipi 2:25

Nelenginye ukuti calondekwa kutuma mwina witu Epaflodito kunomuli. Wene mulondezi, nupya muomvi ni cita ca Mwene, ndi vino indi. Mwemo mwamutumile kuti aiize mukungazwa.

Filipi 2:27

Cumi kwene, wene wali mulwale pipi nu kufwa. Lelo Leza wali nu luse panoli, na pali nene kwene, nga wansunzile ku kuntanyomelwa nu ulanda.

Filipi 4:1

Caleka, mwe inane nupya akundwe yane, nkulondesya ku mulola. Endi, lolini vino mukanzanzya, na vino nemo nkaitumika pamulandu winu. Nkumupapata kuti muye azyansye mu Mwene.

1 Petulo 1:6

Sansamukini pali cii, nanti angala ndakai cingalondekwa kuti muvwe ulanda pamulandu wa mezyo aingi yano mukuculamo.