Filipi 2:22 - Amazwi Yakwe Leza 2013

²² Lelo mweisikulu mumanyile vino Timoti waya ni cumi, na vino wene nani twaombanga pamwi wa mwana ni si pamulandu wi Landwe Lisuma.

Filipi 2:22 ပူးပေါင်းရင်းမြစ်များ

Milimo 16:2

Onsi aina ali mu Lisitala nu mu Ikoniamu yatasyanga milimo yakwe Timoti.

Loma 5:4

nu kuposya kukalenga Leza azumilizye ukuti sweswe ya cumi, nu kuzumilizya kwakwe kukatupela upaalilo.

1 Kolinto 16:10

Ndi Timoti waca wafika kunomuli, muce musininkizye ukuti mwamuzengela ningo ataca anyinyinzika pano wene akutumikila Mwene, ndi vino nani nkucita.

1 Kolinto 4:17

Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.

2 Kolinto 2:9

Nalemvile kalata wiya kuti nezye kumanya ndi mukaposya mu mezyo nupya ndi munganjela muli vyonsi.

2 Kolinto 8:22

Nupya tumatuma mwina witu mu utailo namuze pamwi na Tito. Wene twamusininkizya ningo. Mu cumi twalola maila aingi ukuti wene akulonda kwazwa. Na ndakai kwene acili akulonda kwazwa yauze nu kuluta, pamulandu wakuti mwemo wamutaila cuze.

2 Kolinto 8:24

Mulange kutemwa kwinu kuno yali, pakuti mauvi yonsi yasininkizye cii, vino tukuitumika pali mwemwe.

2 Kolinto 8:8

Nemo nsyakupeela ilamulo lili lyonsi. Lelo apa kumulanga vino antu yauze yakalondesya kwazwa, nkwezya kumanya kutemwa kuno mwakwata ndu kwa cumi.

Filipi 1:12

Inane nkulonda kuti mumanye ukuti vintu vino vyancitikile, mucumi vyacitike kuti mulimo wakusalanganya Ilandwe Lisuma uye nkolelo.

Filipi 1:16

Yaa yakacita cii nu kutemwa, pamulandu wa kumanya ukuti Leza wampeela mulimo wakucingilila ilandwe.

Filipi 1:5

pamulandu wa musango uno mwangazwilizye mu mulimo wakusalanganya Ilandwe Lisuma kufuma pa wanda wakutandika kutaila kufika na ndakai.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Filipi 2:20

Kusi namuze wakwe Timoti angaya nu mwenzo ndu wane wakusakamala pali mwemwe.

1 Timoti 1:18

We Timoti, uli wa mwana kunondi. Ilamulo lino nkukupeela limikwa pa mazwi ya usemo yano mpiti yavwanzilwe pamulandu wako. Omvya mazwi yaa wa vyanzo kuti ulwe ningo,

1 Timoti 1:2

Kuli Timoti wino mu utailo witu ali wa mwana kunondi. Leza Tata nu Mwene witu Klistu Yesu akupeele cikuku, mizu, nu mutende.

1 Timoti 4:6

Ndi watungulula vii ku ina itu, lyene ulaya muomvi musuma wakwe Klistu Yesu. Lyene ulalanga ukuti wemo wimulwa na mazwi ya utailo nga nu usambilizyo usuma uno walondela.

2 Timoti 1:2

Kuli Timoti, mwanane mukundwe mu utailo. Leza Tata nu Mwene witu Klistu Yesu aye ni cikuku na mizu kunuli, akupeele nu mutende.

2 Timoti 3:10

Lelo wemo walondela usambilizyo wane, kuteeka mwenzo kwane, kutemwa kwane, kuposya kwane,

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.