Ezila 9:3 - Amazwi Yakwe Leza 2013

³ Lino nuvwile vii, alino ndepola vyakuzwala vyane nu mwingila wane kwene pamulandu wa nsonyi. Lyene mpela ni nyele ku mutwe wane kumwi ni vilezu kwene nga nikala pansi ulanda ulanda.

Ezila 9:3 ပူးပေါင်းရင်းမြစ်များ

2 Samueli 1:11

Lyene Davidi na antu yonsi yano wali nayo iyalepola insalu zyao apakulanga ulanda.

2 Yamwene 18:37

Lyene Eliakimu umwana umonsi wakwe Hilikiya kangalila wakwisano, na Syebina kalemba na Yowa umwana umonsi wakwe Asafu, kasunga wa milandu, yene iyaya kuli Hezekiya, ala yatiyalepola ivyakuzwala vyao umu ulanda, nu kuyanena umwene wao vino umukalamba wa vita vya ina Asilya avwanzile.

Neemiya 1:4

Nalanga nuvwa vivyo, inikala pansi indila, inkungumala. Apa manda yamwi intandika ukulosya ukwaula ukulya ala nkupepa kuli Yawe, Leza wa mwiyulu.

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Masamu 119:53

Lino nalola kuno antu aipe yakuvuna amasunde yako, awe cumi umwenzo wane iuwaya.

Masamu 143:4

Umwenzo wane usi namaka, nu munda yane mwati muzula intete.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Yelemiya 36:24

Umwene pamwi na aomvi yakwe, nanti angala yuvwile amazwi yaa yonsi, lelo yatakweti intete foo. Yatalepwile ni nsalu zyao.

Yelemiya 7:29

Losyini, mwe ina Yelusalemu. Pelini inyele zinu muzisumbe. Saulini ulwimbo lwa malanda pa tumpuke, apamulandu wakuti ne Yawe nene musoke, nupya natinkana antu yane.

Ezekelo 3:15

Nasuka nafika nu ku azya aikalanga ku Telabibi ku Luzi lwa Kebali. Natenzi kweneko amanda cinimbali, lilyo ala ncili nkwalangana sile.

Ezekelo 7:18

Yalazwala masaka, yalazakaza imili yonsi. Pa mausyu yao palaya insonyi na pa mitwe yao yonsi palapelwa inkuuzu.

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Danieli 8:27

Ne Danieli natembosile nu kulambalala amanda avule ala nene mulwale. Lyene inkatuka nu kuya ku kuomba umulimo uno umwene wampile. Lelo icilolwa campezizye amano nupya naposiwe ukwiluka muno calola.

Aina Levi 21:5

“‘Simapepo atakezye ukupela inyele ku mutwe wakwe nanti ukupela mumbali ya vilezu vyakwe, nanti kuicembola ku mwili wakwe, kulanga ukuti watafwilwa.

Mika 1:16

Mwe antu aku Yuda, pelini inyele, pakulanga ukuti mukulosya ana inu yano mwatemwa. Mule mupele ulukuzu mpaka muloleke wa makozi, pamulandu wakuti ana inu yalasendwa uku uzya.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.