Ezila 7:6 - Amazwi Yakwe Leza 2013

⁶ Ezila wii atenuka ukufuma ku Babiloni. Wene wali akalemba, nupya inkonkotela yakwe yakasambilizya ya vyalembwa mu mpapulo zyakwe Mose vino Yawe Leza wa ina Izlaeli wayapezile. Kateeka Alitakisesi wamupile vyonsi vino wene walenzile, pano Yawe Leza wakwe wali nawe.

Ezila 7:6 ပူးပေါင်းရင်းမြစ်များ

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Ezila 5:5

Lelo kwene nanti cali vivyo Yawe wali ni ntunguluzi zya Ayuda. Icaleka aina Pesya yano yizile uku kuuzya, nayo kwene yatesile imyenzo iyalembela Dalyusi kalata nu kulolela uwasuko.

Ezila 6:22

Apa manda cinimbali aina Izlaeli iyazevya nu luzango Cimulo ca Mukate usi na citutumusi, pamulandu wakuti Yawe walenzile kuti yazange apakutonsya umwenzo wa mwene waku Asilya kuti ayakomelezye umu mulimo wa kukuula Ng'anda ikulu yakwe Yawe, Leza wa ina Izlaeli.

Ezila 7:21

“Lyene nene kwene ne mwene Alitakisesi, anene napeela isunde lii kuli yonsi akasunga icipao umu mbalama ya luzi lwa Yufulate kuti vyonsi vino simapepo Ezila, kalemba wa Masunde yakwe Leza wa mwiyulu, alamulenga, muce mu mupeele papo kwene.

Ezila 7:28

Wikwene aliwe walanga ukutemwa kwakwe ukusuma kunondi pa manso ya mwene na yampandamano yakwe nga ni ntunguluzi zyakwe zyonsi zyamaka. Yawe Leza wane wandenga ukuposya, nga nakweti amaka akulenga intunguluzi zivule zyamu Izlaeli kuti ziweluluke pamwi nani.”

Ezila 7:5

umwana umonsi wakwe Abisyua, umwana umonsi wakwe Pineasi, umwana umonsi wakwe Eleaza, umwana umonsi wakwe Aaloni simapepo mukulu.

Ezila 7:9

Alino nu kufika mu Yelusalemu umu mwezi wakwe cisano umu mwaka uwalenga cinimbali uwa utesi wakwe Alitakisesi. Ulongo lwakwe Leza ulwa mukolelelanga nu kumusunga.

Ezila 8:1

Uu, uli utantiko wa ntunguluzi zya ng'anda izyawelulwike pamwi na alio ukufuma ku Babiloni mu manda ya kuteeka kwa mwene Alitakisesi:

Ezila 8:18

Pamulandu wa luse lwakwe Leza witu, nayo yatutumila Syelebiya, umuntu umwi mulamoke, uwamu mupanda wakwe Maali, umwana umonsi wakwe Levi, umwana umonsi wakwe Izlaeli, pamwi na ana aonsi yakwe Syelebiya na ina yao. Yonsi pamwi yali aonsi ikumi na cinani (18).

Ezila 8:22

Nemo nakweti insonyi izyakulenga umwene Alitakisesi impuka ya vita, vya pa ngazo ni vya pa mfwalasi, ivyakutucingilila ku anisi pa lwendo lwitu. Pasipano alanga twanena umwene ukuti Leza witu alapolelela umutundu witu onsi uwamutaila, lelo wene alavunuka umuntu wensi uwamusangukile.

Ezila 8:31

Alino itufuma ku luzi lwa Aava pa wanda walenga ikumi na yaili mu mwezi wakutandika, nga ituya ku Yelusalemu. Leza witu wali naswe nu kutucingilila ku anisi itu, makamaka ku antu atufisamilanga umu nzila.

Neemiya 12:26

Yakwene atumikilanga mu manda ya kuteeka kwakwe Yoiyakimu umwana umonsi wakwe Yesyua, umwana umonsi wakwe Yozadaki, nga numu manda ya mulasi Neemiya na yakwe simapepo Ezila uwali a nyela wa Masunde.

Neemiya 12:36

Pali na aomvi yauze ndi vino yaa: Syemaya, Azaleli, Milalai, Gilalai, Maai, Netaneli, Yuda na Hanani. Yakwene yanyemulanga ivyakulizizya inyimbo, vyapanzilwe na Davidi umuntu wakwe Leza wilya. Kalemba Ezila uwatungululanga.

Neemiya 2:12

nga alino nakatwike usiku, ala tuli na antu yamwi. Intayanenyile vino Yawe Leza wane aisile umu mwenzo wane, ivya kucitila Yelusalemu. Ntakweti citeekwa nanti conga suka sile punda wino nakwezilepo.

Neemiya 2:18

Alino njanena navino umwene Leza uku luse lwakwe watangazwa nu kuyalandila amazwi yano umwene Alitakisesi wanenyile. Nayo iyatandika papo kwene ukupunda, iyati, “Katutandike ukukuula.” Nao yaasuka yati, “Lekini tutandike uku kuula cipya cipya.” Acino yaiteyanya ukutandika umulimo uu usuma.

Neemiya 2:8

Alino na kalata wakuyapeela Asafu, kasunga wa mutengo wa mwene apakuti ace aka mpeele imiti iyakulepula imbao izya kuti ince mpangile impongolo zya Ng'anda ikulu yakwe Leza, ni zi linga lya musumba alino ni zya ng'anda yane kwene. Fwandi vyonsi vivyo umwene wanzumilizye apakuzana ukuti uluse lwakwe Leza lwali nani.

Neemiya 4:15

Walanga anisi itu yuvwa ukuti swemo twatitumanya vino yakwelenganya, yiluka nu kumanya ukuti Leza uwatavulunganya amapange yao. Fwandi ali vino yawelulwike. Nga naswe kwene ali vino cila muntu aswilila uku mulimo wakwe, uwi kuule li linga.

Neemiya 8:1

Umu mwezi uwalenga cinimbali aina Izlaeli yonsi pyu iyakongana pamwi kwati akwe nyina wenga, apa nkolelo ya mpongolo iyamwangwa ukuti Mpongolo ya Manzi, uku Yelusalemu. Nga alino iyuzya Ezila nga kalemba na simapepo, kuti alete ulupapulo lwa masunde yakwe Mose yano Yawe wapile aina Izlaeli.

Neemiya 8:13

Apa wanda wakwe ciili uwa mwezi ulya, aikolo amu nko zyao zyonsi, kumwi na yasimapepo na ina Levi, ali pakukongana kuli kalemba Ezila uku kuya sundwa amazwi amu Mpapulo zyakwe Mose.

Neemiya 8:4

Ezila wimilile apa cipango ca mbao cino yateinye apamulandu kwene uu, uwakuwelengela antu Lupapulo lwa Masunde. Apa mbali nawe ukwilunji lyakwe paimi Matitiya, Syema, Anaya, Uliya, Hilikiya, na Maaseya. Nga ukwimani lyakwe paimi Pedaiya, Misyaeli, Malikiya, Hasyumu, Hasyibadana, Zakaliya na Mesyulamu.

Neemiya 8:9

Alino lyene umulasi Neemiya, Ezila simapepo na kalemba, nga na ina Levi nayo ale yakulondolwela antu yonsi. Iyayanena iyati, “Uwanda wilelo upolelelwe, upaatwilwe kuli Yawe, Leza winu. Cisi cakwezya kuti muuzikwe nanti ukulukusya aminsozi.” Pano antu yonsi yalilanga aminsozi lino yuvwa amazwi ya Masunde yayo. Ali cino yavwangile vivyo.

Neemiya 9:13

Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

Masamu 109:27

Leka anisi yane yamanye ukuti awewe sile ukampususya.

Masamu 147:19

Akapeela ilandwe lyakwe ku antu yakwe, amasunde yakwe na malamulo yakwe.

Masamu 45:1

Nemo ninkwata amazwi yamwi asuma, a lwimbo luno natinsika ulwa kulumbanya kateeka. Izwi lyane limatololokanga kwati akalembelo kakwe kalemba uwi lembo ilisuma.

Masamu 80:18

Swemo tutalatala tukusangukile foo nupya. Utupususye, utupuputule nga naswe tumakulumbanyanga.

Mapinda 3:6

Waiusya Yawe muli vyonsi vino ukucita, nga nawe amakulanganga muno ungacitila pe.

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Ezaya 59:1

Ikasa lyakwe Yawe litipimpala cakuti liposiwe ukupususya, nanti amatwi yakwe yatapuulama cakuti yakane ukuuvwa.

Yelemiya 8:8

Uzye mungalanda uli ukuti mwemwe yamano nupya mwakwata na masunde ya Mwene. Silolini vino amasunde yasenulwa na yakalemba incenjezi.

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Mateo 23:2

“Yakasambilizya ya Masunde na Afaliseo ali yano yapeelwa nsambu yakulondolola Masunde yakwe Mose.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!

1 Kolinto 15:1

Inane, nkansi kumwiusya pamulandu wi Landwe Lisuma lino nakosozile kunomuli. Mwemo mwalipokelile, nga nu utailo winu iukomeleka.

Malango 28:1

“Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.