Ezila 4:7 - Amazwi Yakwe Leza 2013

⁷ Nupya mu manda yakwe Alitakisesi mwene waku Pesya, Bisyilamu, Mitiledati, Tabeele nauze, yalembile Alitakisesi mwene waku Pesya kalata. Kalata wiyo walemvilwe umu Cialamu, wali uwakusitaka. Fwandi wali uwakusenula apa kuwelenga.

Ezila 4:7 ပူးပေါင်းရင်းမြစ်များ

2 Yamwene 18:26

Alino Eliakimu kangalila wakwisano, umwana wakwe Hilikiya na Syebina nga na Yowa, iyanena umukalamba wa vita vyao iyati, “Si nena antu yako umu lulimi lwa Cialamu, luno naswe kwene tukauvwa. Utaavwanga umu Ciyebulai pano limwi antu akwezile apapela yi linga yanguvwa kweneko.”

Ezila 4:1

Anisi ya luko lwakwe Yuda na lwakwe Benjamini lino yuvwa ukuti awezile ukufuma ku uzya yakukuulila Yawe, Leza wa ina Izlaeli, Ng'anda ikulu.

Ezila 4:17

Kateeka nawe walanga uvwa, wawezizye uwasuko ndi uu: “Kuli Leumu umulasi na kalemba Syimusyai, nu ku auze yonsi, kuli yao aikala umu Samaliya nu kwasyala konsi, uku mbalama ya luzi lwa Yufulate. Mwensi kwene nkuti, mwakata mukwai.

Ezila 4:8

Na Leumu kwene uwali umulasi uwaku Yelusalemu, na kalemba Syimusyai iyalembela mwene Alitakisesi kalata, nu kumunena ivili ku Yelusalemu. Amazwi ya muli kalata yalemvilwe wakwe vii:

Ezila 4:9

“Ukufuma ku mulasi Leumu na kalemba Syimusyai, iumba lyakwe na yakapingula ya milandu, yakapitao na yacilolo pa antu afuma ku Tilipoli, na ina Pesya, Eleki na Babiloni, na ina Susa aku mpanga ya Elamu,

Ezila 5:6

Wii ali kalata wino Tatenai, umulasi wa muputule wa mpanga uku mbalama ya luzi lwa Yufulate, alino na Syetali Bozenai ni vilolo vyuze ivyali mu mbalama ya luzi lwa Yufulate, wino yalembile umwene Dalyusi.

Ezila 7:1

Apacisila ca vintu vii, umu manda ya kuteeka kwakwe Alitakisesi umwene waku Pesya, kwali kweneko umuntu wino yatemile izina Ezila. Wene wali umwana umonsi wakwe Selaya, umwana umonsi wakwe Azaliya, umwana umonsi wakwe Hilikiya,

Ezila 8:36

Yatola na kalata wino umwene Alitakisesi wayapile, yatwalila alasi na yamusika akuno mbalama ya luzi lwa Yufulate, nayo ali pakwazwilizyako antu nu kwazwilizya Ng'anda ikulu yakwe Leza.

Neemiya 2:1

Umu mwezi wakwe Nisani, umwaka uwalenga amakumi yaili akuteeka kwa mwene Alitakisesi, natoozile waini nu kupeela umwene. Wene atatazile alole vino nkuloleka umu undalile.

Ezaya 36:11

Alino lyene Eliakimu, Syebina na Yoa iyanena umukalamba wa vita yati, “Tunene umu lulimi lwa Cialamaiki. Tukacuuvwa, lelo utatuvwanzizya mu Ciyebulai, ala na antu yonsi kwene yano uweni api linga yakukutika kuno.”

Danieli 11:2

Lyene vino namakunena ivyacumi.” Umungeli wilya avwanga ati, “Yamwene nayauze yatatu yalateeka umu Pesya, nga lyene wakwe cini alaya umukama ukuluta yonsi asyala. Apa nsita ino wene alaya na maka, alatunkola antu kuti yalwisye uwene wa Gilisi.

Danieli 2:4

Lyene nayo yaasuka umwene mu Cialamaiki, “Si kalukuwala kunuli we mwene! Tunene iciloto cako, nga naswe tumakulotwela.”