Ezila 4:2 - Amazwi Yakwe Leza 2013

² Acino yiza kuli Zelubabeli nu ku akalamba ya lupwa nga iyayanena iyati, “Lekini tumwazwe uku kuula, pamulandu wakuti naswe kwene tukalondesya Leza winu wakwe vino mukamulonda. Tukaapeela ni mpolelwa kunoli ukutandika sile apa nsita yakwe Esalaadoni mwene wa ina Asilya, wiyo uwatulesile kuno.”

Ezila 4:2 ပူးပေါင်းရင်းမြစ်များ

Utandiko 10:11

Afuma ku mpanga ilya aya aikala ku Asilya, aya akuula imisumba ya Ninive, Leoboti Ili, Kala

2 Yamwene 17:24

Pacisila cakwe vii umwene waku Asilya wasenzile antu ukufuma mu misumba ii: Babiloni, Kuta, Ava, Hamati, na Sefalavaimu. Ayaleta kuti yize yikale mu misumba yaku Samaliya, umwikalanga aina Izlaeli yano yasenda uzya. Yakukile umu misumba ilya amuno iyaikala.

2 Yamwene 17:41

Fwandi antu yayo yene yapepanga Yawe. Nga lelo na pa kasita akali konga kwene, yatwalilile ukupepa utuluwi twao. Na ana yao ukufika na pilelo kwene, yacili yakacita icili cimwi kwene.

2 Yamwene 19:37

Uwanda umwi lino Senakelibu wapepanga umu ng'anda ikulu yakwe Nisiloki, kaleza kaluwi akakwakwe, ana yakwe yaili, Adilameleki na Syalezeli, yamukomile mumu kwene ni mpanga zyao, nga afwa nu kufwa. Nayo ali pakupuukila uku mpanga ya Alalati. Alino Esalaadoni umwana wakwe umonsi amupyana pa cilimba ca wene.

Ezila 1:5

Lyene intunguluzi zya ng'anda zya mitundu yakwe Yuda na Benjamini, yasimapepo na ina Levi, iyakatuka pamwi nu muntu wensi wino wakuntikilwe na Leza iyaiteyanya ukuya ku kukuula cipya cipya Ng'anda ikulu yakwe Yawe uku Yelusalemu.

Ezila 2:2

Yatungulwilwe na Zelubabeli, Yesyua, Neemiya, Selaya, Leelaya, Modekai, Bilisyani, Misipali, Bigivai, Leumu na Baana. Fwandi uwo uli utantiko wa ina Izlaeli, awelulwike. Utantiko uyelile mu nko zyao ni milimo yao, nga alino ni mpendwa yakwe cila luko nanti cila umba:

Ezila 3:12

Yasimapepo aikolo na ina Levi pamwi ni ntunguluzi zya mitundu, yano yaweni umufula wa Ng'anda ikulu yakwe Yawe iyampiti, vino yalolekanga yene iyalukusya sile aminsozi. Lelo antu ali ingi yene ala yakupunda ni nsansa.

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Masamu 73:8

Yakasoweka auze nu kulanda iviipe, yakwata ivilumba nu kupanga ivyakufyengelekezya auze.

Ezaya 37:37

Alino Senakelibu, umwene mukalamba wa ina Asilya, nawe ali pakusya insakwe nu kuswilila ku Ninive akuno aya aikala.

Ezaya 37:38

Walanga uwanda umwi lino acili akupepa mu ng'anda yakwe Nisiloki, kaleza kakwe akaluwi, awe mukwai ana yakwe yaili aonsi, Adilameleki na Syalezeli, yamukoma ku lupanga, yutukila nu ku mpanga ya Alalati. Umwana wakwe muze umonsi wi zina lyakwe Esalaadoni awino amupyana pa cilimba ca wene.

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

2 Timoti 3:8

Wakwe vino Yanesi na Yambulesi yalwisyanga Mose, vivyo kwene antu yaa yakalwisya cumi. Antu yaa a myenzo yaukakasi nu utailo wao usi uwa mpomvu.