Ezila 3:7 - Amazwi Yakwe Leza 2013

⁷ Lyene iyasangula ulupiya ulwa kulipila yakaconga ya mawe na yakalepula ya mbao, nga yapeela ivyakulya ni vyakumwa pamwi na mafuta ku ina Sidoni na ina Tuli, apakuti nayo yangafumya imiti ya mikelide uku Lebanoni. Alino yailete kuli yemba, ifike uku Yopa ndi muno Kilusi mwene waku Pesya wapelile insambu.

Ezila 3:7 ပူးပေါင်းရင်းမြစ်များ

2 Samueli 5:11

Lyene Hilamu umwene waku Tuli atuma inkombe kuli Davidi ni vilongelelwa ivya uculuzi. Wayalongelizye imilando ya mikelide, pamwi na yakawaza ya mbao na yakaconga ya mawe, nga nayo iyakuulila Davidi isano.

1 Yamwene 5:6

Acino peela ilamulo ku antu yako yaye ku Lebanoni yakansindile imikelide. Antu yane yalaombela pamwi na antu yako. Nani ndalipila antu yako consi cino ulapingula. Ndi vino umanyile, antu yane na antu yako kwene yonsi yatamanyile ivya kusinda imiti wa ina Sidoni.”

2 Yamwene 12:10

Ulupiya nga lwavula sana umu mbokosi, kalemba uwakwisano pamwi na Simapepo Mukulu, yayanga kweneko nu kusungulula siluva alino yamupima pakuti yamanye icipimo vino wanyoma.

2 Yamwene 12:13

Kutali ulupiya ulwasumbwangwa uku kukala amabeseni yakwe siluva, nanti ingeso zyakukanyizizya, ni ntandala nanti iciviya icili consi cakwe zaabu nanti siluva icalesilwe ku Ng'anda ikulu yakwe Yawe.

2 Milandu 34:10

Hilikiya nawe atoola impiya zizyo nu kupeela yayo angalilanga umulimo wakuzifya Ng'anda ikulu yakwe Yawe. Nayo kwene ali zino yatoola nu kulipila

Ezila 3:6

Ukutandika apa wanda kwene uwakutandika umwezi uwalenga cinimbali, yatandike ukupeela amawila yakoca kuli Yawe, nanti angala umufula wa Ng'anda ikulu yakwe Leza walanga utacili wimbwe.

Ezekelo 27:17

Ayuda na ina Izlaeli nayo kwene yaculuzyanyanga nawe, yakuletelanga ingano zyaku Miniti, ipula, uci, amafuta, ni cinyamuti ca bamu.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Milimo 12:20

Helodi wasokile antu amu Tuli na Sidoni. Caleka antu yaya yapita iumba kuya mulola. Inkolelo yatala yatandana icuza na Blasito, uwali umwangalizi mwi sano. Lyene yaile kuli Helodi nu kumuuzya ukuti paye mutende, pano impanga yao yafumyanga ivyakulya ku mpanga yakwe.

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

Milimo 9:38

Ku Yopa kutaali ukutali kufuma ku Lida, nga alino alondezi ali mu Yopa yuvwa ukuti Petulo ali mu Lida, yatuma aonsi yaili na mazwi yakuti, “Twapapata, pitisya iza kuno.”

Milimo 9:43

Lyene Petulo watenzi mu Yopa pa manda aingi pamwi nu muntu umwi uwali kanyuka wa mpapa, zina lyakwe a Simoni.