Ezila 3:1 - Amazwi Yakwe Leza 2013

¹ Lino umwezi wakwe cinimbali wafika, aina Izlaeli alanga yonsi pyu ikala umu misumba yao. Lyene yonsi yiza yakongana pamwi ni lango lyonga uku musumba wa Yelusalemu.

Ezila 3:1 ပူးပေါင်းရင်းမြစ်များ

Neemiya 7:72

Alino antu yonsi asyala nayo yapeela icuma cakwe zaabu ukulingana na makilogalamu 168, alino na cakwe siluva naco ukulingana na makilogalamu 140, ni nsalu zya usimapepo nazyo 67.

Neemiya 7:73

Yasimapepo aina Levi na antu yamwi, aikalanga umu Yelusalemu, yakatumikila amu Ng'anda ikulu yakwe Leza na yakalinda ya mpongolo pamwi na yakiimba ya nyimbo, pamwi na ina Izlaeli asyala yaile yikala umu mizi ni misumba yamu Yuda.

Neemiya 8:1

Umu mwezi uwalenga cinimbali aina Izlaeli yonsi pyu iyakongana pamwi kwati akwe nyina wenga, apa nkolelo ya mpongolo iyamwangwa ukuti Mpongolo ya Manzi, uku Yelusalemu. Nga alino iyuzya Ezila nga kalemba na simapepo, kuti alete ulupapulo lwa masunde yakwe Mose yano Yawe wapile aina Izlaeli.

Neemiya 8:14

Umu vyalembwa umu Mpapulo zyakwe Mose vino umwene Leza wavwanzile ukupitila muli Mose, ali muno yazana ndi vino aina Izlaeli yali nu kwikala umu nsakwe apa manda ya kwiusya Cimulo ca Nsakwe.

Aina Levi 16:29

Malamulo yaa, yali nu kusungwa ku nkulo zinu zyonsi. Pa wanda uwalenga ikumi, uwa mwezi uwalenga cinimbali, aina Izlaeli pamwi na inamasi yano yakwikala pakasi kao, yatalinzile ukulya nanti cakulya cimwi. Nupya yatalinzile ukuomba umulimo uli onsi.

Aina Levi 23:24

“Nena aina Izlaeli uti, ‘Pa wanda wakutandika uwa mwezi uwalenga cinimbali, mwasunga uwanda, pano uwanda uwa kupuza, nupya mwakongana pamwi ku mapepo lino intandala yalila.

Zefaniya 3:9

“Lyene ndasangulula amazwi ya antu amu mitundu yonsi, nga lyene yalapepa kuli ne Yawe nenga mpo nupya yatalapepa tuleza tuze lelo yalanjela.

Milimo 2:46

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

Malango 16:16

“Fwandi aonsi yonsi amu luko lwinu yalinzile yiiza ku kulongana nu kupepa Yawe amaila yatatu pa mwaka pa ncende yonga iya kupepela penepo, pa nsita ya Cimulo ca Mukate usi na Citutumusi, ni Cimulo ca Uzombozi, nga ni Cimulo ca Nsakwe. Cila muntu alinzile ukuleta uwila

Yakapingula 20:1

Lyene aina Izlaeli yonsi pali pakukatuka ukufuma ku Dani ukufika ku Belisyeba nu ku mpanga ya Gileadi, iyasya uwikalo wao yiiza iyakongana wa muntu wenga pa manso yakwe Yawe ku Mizipa.