Ezila 1:3 - Amazwi Yakwe Leza 2013

³ Umuntu ali wensi uwamu antu yakwe, si Leza angaya nawe. Lekini aye ni nsambu iya kuswilila kumwao ku Yelusalemu, umu mpanga yakwe Yuda, aye akakuulile Yawe Ng'anda ikulu, Leza wino yakapepa mu Yelusalemu.

Ezila 1:3 ပူးပေါင်းရင်းမြစ်များ

1 Yamwene 18:39

Antu yonsi aweni kweneko yapona pansi, nga yavwanga yati, “Yawe ali Leza! Yawe ali Leza!”

1 Yamwene 8:23

nga apepa ati, “Iye, we Yawe, Leza wa ina Izlaeli, kutaya Leza akoline nawe pano pansi nu mwiyulu nanti pansi ya nsi! Wemo ukaiusya nu kusunga upangano wako na antu yako, nu kuyalanga ukutemwa ukwamuntaputuka, ndi yakucita ukulonda kwako.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

Ezila 1:4

Wiyo wensi acili nu umi konsi kuno angazanwa, antu yano wikala nayo yamupele icuma icili wakwe siluva na zaabu. Yike penepo ni viteekwa nga ni vya mawila vino angaya akapele mu Ng'anda ikulu yakwe Leza ku Yelusalemu.”

Ezila 4:3

Lelo Zelubabeli, Yesyua nga na akalamba asyala ya ndupwa zya ina Izlaeli yaasuka yati, “Umulimo uu uwa kukuulila Yawe Ng'anda ikulu, utakupazi awe. Sweswe swenga tuli nu kuikuulila Ng'anda ikulu yakwe Leza ukulingana namuno Kilusi mwene waku Pesya watupelile ilamulo.”

Ezila 5:13

Nga lelo umu mwaka wakutandikilapo wa kuteeka kwakwe Kilusi umwene waku Babiloni, umwene Kilusi wiyo wapile ilamulo lya kukuula cipya cipya Ng'anda ikulu yakwe Leza.

Ezila 5:3

Pa nsita ilya Tatenai, umulasi wa muputule wa mpanga uku mbalama ya luzi lwa Yufulate, nga na Syetali Bozenai na aomvi yauze iyaya kunoyali nga iyayuzya yati, “Uzye aweni uwamupeela insambu zya kukuula Ng'anda ii ikulu yakwe Leza nu kumalila vino yali?”

Ezila 6:7

Mutaezya kuvulunganya umulimo waku kuululula Ng'anda ikulu yakwe Leza. Lelo mutiini umulasi waku Yuda wiyo pamwi ni ntunguluzi zyakwe kuti yakuululule Ng'anda yakwe Leza, papa kwene apa ncende ino yakuulilwe inkolelo.

Masamu 132:13

Pano Yawe wasolola Zioni, ali wino watemwa kuti aye icifulo cakwe ca kwikalamo.

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Ezaya 37:16

“We Yawe Wamaka yonsi, we Leza wakwe Izlaeli, wemuno wikala pali yakelubi, awewe sile wenga mpo wewe wateeka uwene wa pano nsi. Awewe waumvile iyulu ni nsi.

Ezaya 44:28

Nene nkanena Kilusi inti, ‘Wewe kacema uwakwane, ulafikilizya amapange yane yonsi.’ Wene alavwanga ati, ‘Lekini Yelusalemu akuulululwe.’ Ni Ng'anda ikulu yakwe Leza nayo ulati, ‘Ikini umufula wakweyo.’ ”

Ezaya 45:5

Nene indi Yawe, nupya kutaya namuze, kutaya Leza muze suka sile nene nenga. Namakupeela amaka yano ungalonda, nanti angala wemo utamanyile.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Milimo 10:36

Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Malango 32:31

Anisi yao, yamanya ukuti tuleza twao tutakwata amaka, nupya tusi utwaulamba wakwe Leza wa ina Izlaeli.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”