Ezila 1:2 - Amazwi Yakwe Leza 2013

² “Lii ilamulo lyakwe Kilusi, umwene waku Pesya. Yawe, Leza wa kwiyulu, watampela amaka akuteeka impanga yonsi. Watanena ukumukuulila Ng'anda ikulu uku Yelusalemu mu mpanga yakwe Yuda.

Ezila 1:2 ပူးပေါင်းရင်းမြစ်များ

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

2 Milandu 2:12

Nga Hilamu alundapo ukuvwanga ati, “Alumbanyiwe Yawe, Leza wa ina Izlaeli, kaumba uwiyulu ni nsi! Wapeela umwene Davidi umwanakwe uwa mano wiyo uwakwata amalango yakwiluka. Nupya fundi akweti amapange a kukuulila Yawe Ng'anda ikulu ni sano lyakwe umweneco.

Ezila 1:5

Lyene intunguluzi zya ng'anda zya mitundu yakwe Yuda na Benjamini, yasimapepo na ina Levi, iyakatuka pamwi nu muntu wensi wino wakuntikilwe na Leza iyaiteyanya ukuya ku kukuula cipya cipya Ng'anda ikulu yakwe Yawe uku Yelusalemu.

Ezila 3:7

Lyene iyasangula ulupiya ulwa kulipila yakaconga ya mawe na yakalepula ya mbao, nga yapeela ivyakulya ni vyakumwa pamwi na mafuta ku ina Sidoni na ina Tuli, apakuti nayo yangafumya imiti ya mikelide uku Lebanoni. Alino yailete kuli yemba, ifike uku Yopa ndi muno Kilusi mwene waku Pesya wapelile insambu.

Ezila 4:3

Lelo Zelubabeli, Yesyua nga na akalamba asyala ya ndupwa zya ina Izlaeli yaasuka yati, “Umulimo uu uwa kukuulila Yawe Ng'anda ikulu, utakupazi awe. Sweswe swenga tuli nu kuikuulila Ng'anda ikulu yakwe Leza ukulingana namuno Kilusi mwene waku Pesya watupelile ilamulo.”

Ezila 5:15

Wamunenyile ati, Toola ivintu vii uviswilizye mu ng'anda yakwe Yawe uku Yelusalemu. Muleke nupya ukuti Ng'anda yakwe Leza ikuulwe apa ncende ino yakuulilwe inkolelo.

Ezila 6:10

Cico cilinzile ukucitika apamulandu wakupeela kuli Yawe impolelwa ino ingapokelelwa na aliwe, nu kuti yapapatile mwene na ana yakwe aonsi upolelelo usuma uwa umi.

Ezila 6:3

Umu mwaka wakutandikila penepo uwa kuteeka kwakwe, mwene Kilusi wapingula apamulandu ni Ng'anda yakwe Leza yaku Yelusalemu, ukuti ng'anda iyo ikakuulwe cipya cipya. Mumo amuno yalinzile ukupeelela mwenemo ivya mawila yakoca. Ice itumpuke papeela amamita ukulingana na makumi yaili na cinimbali, nu mukusalala namo vivyo kwene, amamita amakumi yaili na cinimbali.

Ezila 7:12

Mwali amazwi akuti, “Ukufuma kuli Alitakisesi umwene mukalamba. Nalemba kuli Ezila, simapepo, kalemba wa masunde yakwe Yawe Leza wa mwiyulu.

Neemiya 1:4

Nalanga nuvwa vivyo, inikala pansi indila, inkungumala. Apa manda yamwi intandika ukulosya ukwaula ukulya ala nkupepa kuli Yawe, Leza wa mwiyulu.

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Masamu 136:26

Taizini Leza wa mwiyulu, pano luse lwakwe ulwa pe na pee.

Masamu 85:2

Antu yako watuyayela nu luse kuli vino yakwifya. Watufuta uyi wao onsi.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Ezaya 41:2

Aweni wiyo uwakatusya umusambazi kacimvya wa nkondo ukufuma ku ufumondaka? Aweni wiyo akalenga nu kuti acimvya konsi kuno waya? Uzye aweni akalenga ukuti musambazi wilya acimvya antu kumwi na yamwene kwene? Ulupanga lwakwe lukayasantola nu kuyulula ungati ulukungu! Inceto zyakwe nazyo zikayasalanganya ungati insaawa izikaulululwa ku muza.

Ezaya 44:26

Lelo umuomvi wane wenga ndi wasowela cimwi, lino natuma inkombe yonga uku kukosola vino nateyanya, awe cumi ala lyene vino nateyanya vilacitika. Nene nkalanda vya musumba wa Yelusalemu kuti antu yataca yize yikalemo nupya. Inkavwanga nu kuti imisumba ya mpanga ya Yuda ilatutululwa cipya cipya. Icacumi, imisumba iyo anene ndaikuululula muno yononeka.

Ezaya 44:28

Nene nkanena Kilusi inti, ‘Wewe kacema uwakwane, ulafikilizya amapange yane yonsi.’ Wene alavwanga ati, ‘Lekini Yelusalemu akuulululwe.’ Ni Ng'anda ikulu yakwe Leza nayo ulati, ‘Ikini umufula wakweyo.’ ”

Ezaya 45:1

Yawe wavwanga kuli Kilusi umusololwe wakwe, wino walemelela ikasa lyakwe lilunji, kuti acimvye imitundu yuze ya antu, nu kupokolola yamwene amaka, nu kupankula ivisasa kuti impongolo zitayalwa.

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Yelemiya 10:11

Mwe antu fwandi muyanene ukuti tuleza ututaumvile iyulu nanti insi, tulalowa. Tutalatala tuvwike muno nsi awe.

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Danieli 1:21

Danieli wasile kuku kwene kwisano mpaka nu mu mwaka wa kutandika kwa kuteeka kwa mwene Kilusi.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 2:28

Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Danieli 6:25

Lyene umwene Dalyusi alembela antu amu nko zyuze zyonsi, ni misango ya antu yonsi, ni ndimi zyonsi, ati, “Nkumulamuka!

Yona 1:9

Nawe aasuka ati, “Nene Muyebulai nga nkapepa Yawe, Leza wa mwiyulu, uwaumvile yayemba ni mpanga kwene ii.”