Ezekelo 9:8 - Amazwi Yakwe Leza 2013

⁸ Nga lino yakukomola antu, nemo ne Ezekelo nsyala nimilile sile nenga. Awe mukwai niza naifwanta icinzamba pansi ufupime, indila inti, “Kalanda we Yawe, uzye icani cino wasokela umusumba wa Yelusalemu, cakuti ukomole aina Izlaeli yonsi yano yasyala mu mpanga ii?”

Ezekelo 9:8 ပူးပေါင်းရင်းမြစ်များ

Utandiko 18:23

Alino Abulaamu apalamila kuli Yawe amuuzya ati, “Uzye cumi ulonona akacita vyawololoke kumwi na ankota?

1 Milandu 21:16

Davidi asanzula amanso nga alola umungeli wakwe Yawe aimi pakasi ki yulu ni nsi, ala alemile nu lupanga umwi kasa lyakwe nu kulusonta ku Yelusalemu. Lyene Davidi na ikolo yamwi, azwite insalu zyakulanga ulanda, yafupama pansi.

Ezila 9:5

Lino insita yakupeelelapo impolelwa amanguzi yafika, mvwandamuka nga nimilila ni vyakuzwala vyane vilepoke. Lyene mfukama nu kukatusya amakasa yane umupela kuli Yawe Leza wane.

Yelemiya 14:13

Lelo nani naasuka inti, “We Yawe Simwandalali, umanyile ukuti yakasema yakunena antu yati umu mpanga mutalapona inkondo nanti cipowe, pamulandu wakuti wayalaya ukuti mulaya sile icituku.”

Yelemiya 14:19

We Yawe uzye watututazyela sile swe ina Yuda? Uzye watutupatilila sile swe ina Zioni? Uzye pacani cino watutimbwilila vii, ukali ukali cakuti twaposiwa nu kupola? Swemo twalondanga ukuikalila swenga ku matwi cele, lelo kutaya icuma nanti conga cino caloleka penepo. Swemo twalolelanga sile ukupola, lelo twikalila sile ukusokondwa.

Yelemiya 4:10

Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.

Ezekelo 11:13

Lyene mwalola, nalikwene lino nkusema, Pelatiya umwana wakwe Benaya awiyo wafwa. Nga nani inkupama pansi indaizya ni zwi ilikalamba inti, “Kalanda we, we Simwandalali Yawe! Uzye umala umalile ni nsyazi kwene izyasyalapo umu ina Izlaeli?”

Ezekelo 4:14

Lelo nani navwanzile nati, “Awe, vivyo foo we Yawe Simwandalali! Nemo ntatala nailikizya. Ukutandikila sile uku ulumendo wane ukufika na pilelo, ntatala nalya icintu iciifwile nanti icilemwe ni nyama zya mpanga. Inyama ya mifitalila itatala ingila umukanwa kane foo.”

Ezekelo 7:8

Nasya nkuletele icipyu cane nu kuvuzya ukali wane pa kukufulula. Namakupingwila kulingana ni miyele yako nu kukulolwela pa vicitwa vyako vitaiipila.

Mpendwa 14:5

Lyene Mose na Aaloni yafukama pansi yafupime pa manso yi umba lyonsi lya ina Izlaeli, ilyakongine.

Mpendwa 16:4

Lino Mose uvwa afukama pansi afupime.

Mpendwa 16:45

“Funtuka ku antu yaa kuti njonone yonsi pyu likwene!” Nga yonsi yoili yafukama pansi yafupime.

Malango 9:18

“Lyene nupya kwene impona pansi ala mfupime pa manso yakwe Yawe pa manda amakumi yani, musanya nu usiku. Ntalile cakulya nanti kumwa amanzi, pamulandu wi ifyo lino mwemo mwacisile, apakucita inkota pa manso yakwe Yawe nu kumulenga kusoka.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.