Ezekelo 9:10 - Amazwi Yakwe Leza 2013

¹⁰ Caleka nani ne Leza insikusya nanti wenga, nsikutezela umuntu foo. Nemo namayacita sile ukulingana na vino yene yacita auze.”

Ezekelo 9:10 ပူးပေါင်းရင်းမြစ်များ

Ezekelo 7:4

Ntakumupanya, nupya ntakumutezela foo. Namamufulula pamulandu wa vintu vyawinyi vino mwemo mwacita, ali pakuti musininkizye ukuti nene indi Yawe.”

Ezekelo 11:21

Lelo ndavunuka antu yano yatemwa ukupepa amaunkolanya aipe nu tuluwi twawinyi. Ndayavunuka pamulandu wa vintu vyonsi viipe vino yacita. Ivyalanda Yawe Simwandalali.”

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Ezaya 65:6

“Nemo napanga mpiti ukuyafulula, nu mulandu wao walembwa mpiti. Nemo ntalasuula sile foo, lelo ndayapezya,

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Ayebulai 10:30

Pano twamanya wino uwavwanzile ati, “Ndalandula nu kumuswilizizya” nu wavwanzile ati, “Mwene alapingula antu yakwe.”

Yowelo 3:4

“Uzye mwemo mwe ina Tuli na ina Sidoni na mwensi mwe ikazi aku mpanga ya Filistia, mukupanga ukuncita cani? Uzye mukucita icilanduzi apa cintu cimwi cino nacita? Ndi cakuti mukulandula, ale lyene nani ntalalengela ukumuswilizizya ivicitwa vinu vyonsi apa mitwe inu zuwazuwa.

Ezekelo 22:31

Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”

Ezekelo 9:5

Nga nupya inuvwa kuno Leza akunena asyala yonsi ati, “Mulondelini, pitangini mu musumba, mukomemo antu. Cisi cakwezya ukusya nanti wenga, kusi kwezya kutezela umuntu foo.

2 Milandu 6:23

lyene we Yawe uvwe ukupela kuko kuno wikala, nga ucitepo cimwi nu kupingwila aomvi yako umulandu. Wiyo ali nu mulandu umuvunuke apa uyi wakwe nu wakayele nawe uleke aye umuntungwa.

Malango 32:41

ukuti indanyola ulupanga lwane uluyengese nu kusininkizya ukuti kwaya ukucita ulungami. Ndacita cilanduzi ku anisi yane nu kuvunuka yao yano yampata.

Ezaya 13:18

Yalakomola utwana utonsi tonsi uku maulapwa yao. Yene yatalaya na mizu uku twana twapi yele. Yatalakwatila ana anono uluse.

Nyimbo zya ndosya 1:5

Anisi yano yapokolola umusumba lyene asangwike aeneco ya musumba. Umwene uwatamuletela ucuzi uwo pamulandu wa maifyo yakwe avule. Ana yakwe yalemwa nu kusendwa uku uzya.

Ezekelo 9:11

Nga alino umuntu wiyo uwazwite insalu zisuma zyakuyembelamo, aswilila kuli Yawe ati, “Musambazi, ala lyene nemo namala ukuomba vino mwali mwankonkomezya.”

Ezekelo 23:49

Alino lyene namwe, mwe yakaci yaili, nemo ndamufulula pa ukulukusi winu na pa uyi winu wakupepa tuluwi. Alino mulamanya ukuti nene indi Yawe Simwandalali.”

Ezekelo 24:14

Ne Yawe Simwandalali nalanda. Insita yatifika yakuti incicite. Insikuta sile foo, nupya nsikukutezela nanti ukuvwa uluse, awe. Wemo namakuvunuka pa vicitwa vyako. Ivyalanda ne Yawe Simwandalali.”

1 Yamwene 8:32

we Yawe kuko kuno waya kwiyulu, uwauvwa nupya uwapingula aomvi yako. Umuntu mwipe wene uwamupezya ku anisi yakwe, lelo uwakaele wene uwamutungulula.

Ezekelo 7:3

Impela yafikila. Ndakutumila ukali wane, ndakupingwila kulingana ni miyele yako, nupya ndakulolwesya pa vicitwa vyako vyonsi vitaiipila.

Ezekelo 16:43

Wemo wakana ukwiusya amanda ya ukazyana wako, ukansonsomba na muli vii vyonsi. Nani kwene fwandi ndakuwezezya imicitile yako pa mutwe wako. Ivyalanda ne Yawe Simwandalali. Uzye kwene ukunena ndi vino utacisile iviipe umu mipitile yako iyamuselu?

Ezekelo 17:19

“Pamulandu wakusuula umulapo wane nu konona upangano wane, ndaviwezezya pa mutwe wakwe.

Ezekelo 43:3

Icilolwa cino naweni cali wa cilolwa cino naweni lino wene wizile ku konona umusumba wa Yelusalemu. Nupya cali wa cilolwa cino naweni pipi nu Luzi lwa Kebali. Lyene impona pansi, ala mfupime.

Zakaliya 11:6

Yawe wavwanga wati, “Lyene nemo ntalatala ntezele aikala nsi. Antu yonsi wenga wenga nemo ndaleka intunguluzi zyao nanti yamwene yao ayano yakayateeke uku kalili. Intunguluzi zizyo zilonona impanga, nani ntalayapususya kuno yali, awe.”