Ezekelo 9:1 - Amazwi Yakwe Leza 2013

¹ Nupya ne Ezekelo nuvwile kuno Yawe walaizya wati, “Mwe muno mwasonsilwe uku fulula Yelusalemu, aleni izini kuno, mwize ni vyanzo.”

Ezekelo 9:1 ပူးပေါင်းရင်းမြစ်များ

2 Yamwene 10:24

Acino Yeu na Yeonadabu yingila ku kupeela impolelwa na mawila yakoca kuli Baali. Lilyo ala Yeu wataika antu yamwi apanzi ukufika ku mpendwa ya makumi cinani, nu kuyanena ati, “Antu yonsi ali mu ng'anda ii yamapepo muyakome. Wensi amaleka umuntu umwi pali yaa apuuke, ale wene amafwila penepo.”

1 Milandu 21:15

Lyene Leza atuma umungeli wakwe kuti akonone umusumba wa Yelusalemu. Lelo ala umungeli acili akonona, Yawe amunena ati, “Ta! Calingana!” Apa nsita kwene ilya walanga umungeli wilya wakwe Yawe acili aimi pa lwano lwa kupuulila lwakwe Alauna umwina Yebusi.

Kufuma 12:23

Lino Yawe alasalala mu mpanga ya Eguputo kulenga kuti aina Eguputo yafwe, alalola uwazi ku meema na pali pungwe wa ng'anda inu. Cii cilalenga kuti Yawe atazumilizya mungeli mononyi kuti aingile mu mang'anda inu ku kulenga kuti mufwe.

Ezaya 6:8

Alino nuvwa Mwene uuzya ati, “Uzye aweni wino namatuma? Aweni amaya inkombe itu?” Nani imwasuka inti, “Mukwai namayako! Ntumini nene!”

Yelemiya 4:6

Tumpulini cimanyililo cakulanga ukuya ku Zioni. Simulini muipususye, ukwaula kuzingota! Pano nasya ndete uzanzo ukufuma ku kayeya, nu uononyi uwipe wakwe cimwi.

Ezekelo 43:3

Icilolwa cino naweni cali wa cilolwa cino naweni lino wene wizile ku konona umusumba wa Yelusalemu. Nupya cali wa cilolwa cino naweni pipi nu Luzi lwa Kebali. Lyene impona pansi, ala mfupime.

Umbwilo 14:7

Alino avwanga ni zwi likulu ati, “Oopini Leza nu kulumbanya ukulu wakwe! Pano insita yatifika yakuti wene apingule antu! Pepini wino uwaumvile iyulu ni nsi, yemba nu tufukoka twa manzi.”