Ezekelo 8:3 - Amazwi Yakwe Leza 2013

³ Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Ezekelo 8:3 ပူးပေါင်းရင်းမြစ်များ

1 Yamwene 18:12

Nga cakuti nala nafumapo, limwi Mupasi wakwe Yawe amakutwala ku ncende yuze, ino nemo nsikumanya. Lelo ndi cakuti naya nanena Aabu ukuti wemo uli kuno, alino ndi cakuti wene wiza wazana usi penepo, ale lyene angiza ankomole sile. Uwaiusya ukuti nemo naipelesya ukupepa Yawe ukufuma ku wance wane.

2 Yamwene 16:14

Kavuwa akapangilwe Yawe, kene kali aka mukuwa, nga kayelile ulunga na pa manso yakwe Yawe, nako akafumya apa nkolelo ya Ng'anda ikulu yakwe Yawe. Alino akapalamika umupipi na kavuwa nupya uku lusansa lwi kasa limani.

2 Yamwene 2:16

Alino yavwanga yati, “Lola, swe aomvi yako tukweti antu amakumi yasano, aonsi yamaka sana. Leka tufume tukulonda ukuli Eliya umusambazi wako, pano limwi Umupasi wakwe Yawe watiumutwala kumwi kuno ungaya ukamusye papela ya mwamba umwi nanti mu cifoloma cimwi.” Elisya nawe aasuka ati, “Awe mutaya kweneko.”

2 Yamwene 21:7

Lyene Manase atoola iciluwi cico icakolana nu mwanaci nga aya aciika mu Ng'anda ikulu yakwe Yawe, mu cifulo cino Yawe wavwanzile kuli Davidi nu mwana wakwe Solomoni ati, “Mukwene umu Yelusalemu, umu Ng'anda ikulu kwene ii, umu ncende ino nemo nasolola ukufuma mu mpanga yonsi ya mitundu yakwe Izlaeli, ali muno yalampepela amanda pe.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Kufuma 20:4

“Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Yelemiya 32:34

Nanti umu ng'anda ikulu ya mapepo, ino ikaamilwa umwi zina lyane, iika mwenemo ivintu vimwi vyakuzunguka vyamankowezya.

Yelemiya 7:30

“Antu yakwe Yuda yatiyacita iviipe pa manso yane. Ivyalanda ne Yawe. Yene yatiyika ivyauwelewele vyao, ivya muselu mu Ng'anda yane ikulu nu kuikowezya.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Ezekelo 10:3

Lino akuya kweneko, yakelubi yaya yimilila ku Ng'anda ikulu yakwe Leza ku lusansa lwaku katutu, nga ni kumbi lyafupa mu musolo lwa mukasi.

Ezekelo 11:1

Nupya mupasi wankatwisye nu kuntwala ku mpongolo ya Ng'anda ikulu yakwe Leza iyalozizye umulyango uku ufumondaka. Papa kwene apa mpongolo apali aonsi ukulingana ni mpendwa ya makumi yaili na yasano. Pali alio apali na Yazaniya umwana wakwe Azuli na Pelatiya umwana wakwe Benaya, intunguluzi zya yantu.

Ezekelo 11:24

Pacisila Mupasi wakwe Yawe iunyemula nga untwala ku azya ku mpanga ya Babiloni. Vyonsi vii vyacitike umu cilolwa, ndi muno Mupasi wakwe Yawe wandanzile. Lyene cilolwa cino nakweti icipita,

Ezekelo 2:9

Lyene lino nalolekesya, indola ikasa likonzolwike, lilemile na kalata umupombwe.

Ezekelo 3:12

Mupasi ali pakunkatusya, na pacisila cane nuvwa impooma zya nkuta zikalamba wakwe cimwi ala zikuti, “Lumbanyini Yawe mucindami uwaya umwiyulu!”

Ezekelo 3:14

Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Ezekelo 37:1

Nemo ne Ezekelo nuvwile amaka yakwe Yawe yanjizila, nu mupasi wakwe ali pakunsenda antwala nu mucifoloma umwazile amafupa ya antu.

Ezekelo 40:2

Kwati uku tulo sile, wansenzile nu kuntwaka uku mpanga ya Izlaeli nu kuntonkomalika apapela ya mwamba uutali ku lusansa lwa kukatutu ki lunji, apali icalolekanga wa musumba ukuulwe.

Ezekelo 43:5

Umupasi wakwe Leza pali pakunkatusya nu kuntwala mu musolo wa mukasi, nga nu ucindami wakwe Yawe iuzula mu Ng'anda ikulu yakwe Leza.

Ezekelo 43:8

Lino yakuuzile viimbili vya milyango yao apipi ni ciimbili ca mulyango wane, na maingwe yao apipi na maingwe yane, yasya sile ulung'umba longa apakasi kao na kane, yene yasawisye izina lyane lyamuzilo uku vicitwa vyao vyawinyi. Acino nani nayononyile ku ukali wane.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Ezekelo 7:20

Pa mpiti yayuvwanga pa viyembelo vyao vya usaka, lelo pali ndakai avino yakutola pakuipangila utuluwi twawinyi. Uli mulandu kwene uno ne Yawe Leza namalenga ukuti ivyuma vyao visenulwe viye ivya usali.

Ezekelo 8:5

Nawe ali pakunena ati, “We mwana wa muntu, silola amanso yako lwaku katutu. Nani avino niza nalolekesya kweneko. Apa mulyango wa mpongolo yaku katutu, iya kavuwa, pali akaluwi kauzuwa.”

Ezekelo 9:2

Awe mukwai papo kwene aonsi mutanda yafuma nu ku mpongolo ya panzi, ino yayela lwaku katutu ku mpongolo ya Ng'anda ikulu yakwe Leza, cila wenga ala ali ni canzo. Pali penepo nu monsi wenga uwazwite insalu zisuma izitelepelele, wene ala akweti ni vyakulembelako. Awe yonsi yiza yimilila lusansa lwaku kavuwa ka kutuulilapo aka mukuwa.

Danieli 10:10

Lyene ikasa ilindema nu kunkatusya ala nkuzakaza mu makasa nu mu nteo.

Danieli 10:18

Nupya kwene umungeli wilya ankumya, nga nani inkoma ukuluta.

Danieli 5:5

Umukupumikizya ikuloleka ikasa lya muntu nga ilitandika ukulemba apa lung'umba lutakase lwamwi sano, apipi na pano uluswepo lwayengesanga ukuluta. Nga umwene alola ikasa lili lino likulemba.

Milimo 8:39

Lyene lino wafuma mu manzi, Mupasi wa Mwene usenda Filipo. Mutungwi nawe atamuweni nupya, lelo atwalilila nu lwendo lwakwe, azanga cuze.

Malango 32:16

Ukupepa kwao ukwa tuluwi ukwalesile ukuti Yawe asuke akwate uzuwa. Ni vicitwa vyao ivyankota vyalenzile kuti asoke.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

Malango 4:24

pamulandu wakuti Yawe Leza winu akoline wa cimbilimbili ca moto. Wene asizumilizya kupepa tuleza tuze.

Malango 5:9

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Malango 6:15

Ndi cakuti mwapepa tuleza tuze, ukali wakwe Yawe ulamukatukila umonone pyu, pamulandu wakuti Yawe Leza winu, wino ali pakasi kinu a Leza wino asilonda uwakucimvyanya nawe.

Yoswa 24:19

Yoswa avwanga ku antu ati, “Mungaposiwa kutumikila Yawe, pano wene a Leza uwamuzilo. Wene a Leza asilonda wakucimvyanya nawe. Wene atalamwelela pali ucisanguka winu na pa maifyo inu.