Ezekelo 8:16 - Amazwi Yakwe Leza 2013

¹⁶ Alino lyene ansenda nu kuntwala mukasi ka musolo wa Ng'anda yakwe Leza, nga kuku kwene apa wingililo wa Ng'anda ikulu yakwe Leza, pakasi ka lukungu na kavuwa, pali manye antu amakumi yaili na yasano. Yene yafutatile Ng'anda ikulu yakwe Leza ala ni vinso vyao vilozizye ku ufumondaka, nga ala yakupepa ilanzi lwaku ufumondaka.

Ezekelo 8:16 ပူးပေါင်းရင်းမြစ်များ

1 Yamwene 8:29

Uwalu kusumba amanso apa ng'anda ino ya kukupepela mwenemo usiku nu musanya, umu ncende ino twatitusolola ukuti twakupepela mwenemo. Sungala unguvwe likwene lino nkukupepa mu ng'anda yako.

2 Yamwene 16:14

Kavuwa akapangilwe Yawe, kene kali aka mukuwa, nga kayelile ulunga na pa manso yakwe Yawe, nako akafumya apa nkolelo ya Ng'anda ikulu yakwe Yawe. Alino akapalamika umupipi na kavuwa nupya uku lusansa lwi kasa limani.

2 Yamwene 21:5

Umu misolo yoili kwene iyayelile umu Ng'anda ikulu yakwe Yawe, namo akuula mwenemo utuvuwa twakupeelelapo impolelwa ku ntanda.

2 Yamwene 23:11

Yosiya afumya ni mfwalasi zino yamwene aku Yuda yatuzile apa kupepa ilanzi nu koca amaceleta yano yaomvyanga. Vyonsi vivyo, vyasungilwanga umu musolo wa Ng'anda ikulu yakwe Yawe, pipi ni ng'anda yakwe Natani Meleki, umwi apa nkombe zikalamba.

2 Yamwene 23:5

Yosiya azinga pali usimapepo, yasimapepo yonsi yano yamwene aku Yuda yasonsile, yao aocelanga ubani pa tuvuwa umu ncende zyakupepela mwenemo utuluwi izyayelile mu misumba yaku Yuda kumwi ni zyali umu ncende izingulwike Yelusalemu. Fwandi tungati aya simapepo yonsi aocelanga Baali ubani, na yao kwene aocelanga ilanzi ubani, pamwi nu kocela mwezi, ni vintu vyuze ivya mulwelele, pamwi ni ntanda.

2 Milandu 29:6

Ivikolwe vitu vitali vyacumi. Vyene vyacisile iviipe pa manso yakwe Yawe Leza witu nu kumutazyela. Vyene vyasile Yawe, nu kumufutatila.

2 Milandu 7:7

Solomoni apaatula Ng'anda ikulu yakwe Leza kumwi ni ncende iya yonsi ino yali apakasi ka musolo wapa mulola wa ng'anda ipepo apamulandu wakuti ali pano wapelelanga amawila yakoca, na mafuta afumile ku mawila ya utandano. Wene wacisile cii pamulandu wakuti kavuwa ka mukuwa kali akanono cakuti atange alonge penepo amawila yakoca, na mawila ya mbezu nga ni viputulwa vya mafuta.

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Yelemiya 44:17

Swemo tumatwalilila ukucita vino twalaya. Tumaocelanga namwene wa mwiyulu ubani. Tumamupongolwelelanga na mawila ya vyakumwa. Vivi kwene sile vino twacitanga sweisikulu, ivikolwe vitu, yamwene itu, intunguluzi zitu, ndi vino antu yacitanga mu misumba yamu Yuda nu mu miseo yamu Yelusalemu. Pano lilyo lyene twakwatanga vyakulya ivivule, twayanga nu longo nupya ni syamo litatuponelanga, awe.

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Ezekelo 10:3

Lino akuya kweneko, yakelubi yaya yimilila ku Ng'anda ikulu yakwe Leza ku lusansa lwaku katutu, nga ni kumbi lyafupa mu musolo lwa mukasi.

Ezekelo 11:1

Nupya mupasi wankatwisye nu kuntwala ku mpongolo ya Ng'anda ikulu yakwe Leza iyalozizye umulyango uku ufumondaka. Papa kwene apa mpongolo apali aonsi ukulingana ni mpendwa ya makumi yaili na yasano. Pali alio apali na Yazaniya umwana wakwe Azuli na Pelatiya umwana wakwe Benaya, intunguluzi zya yantu.

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Ezekelo 23:39

Na pa wanda kwene ulya yakomile ana yao impolelwa yakutuulila utuluwi twao, izile mu ncende yane yamuzilo nu kuikowezya. Cumi kwene avino yacita mu ng'anda yane.

Ezekelo 40:28

Nupya umuntu wilya wampisizye ne Ezekelo apa mpongolo yaku kayeya, anjingizya nu mu musolo wa mwilinga lya mukasi. Alino apima ni mpongolo, alola nu kuti ilingine sile ni zyuze uku ukulu.

Ezekelo 40:6

Nga alino nupya alungama uku mpongolo yaku ufumondaka. Atampula intampulo ukuya apapela nu kupima umulyango wa mpongolo, uno wali amamita yatatu ukuzika.

Ezekelo 43:5

Umupasi wakwe Leza pali pakunkatusya nu kuntwala mu musolo wa mukasi, nga nu ucindami wakwe Yawe iuzula mu Ng'anda ikulu yakwe Leza.

Ezekelo 43:8

Lino yakuuzile viimbili vya milyango yao apipi ni ciimbili ca mulyango wane, na maingwe yao apipi na maingwe yane, yasya sile ulung'umba longa apakasi kao na kane, yene yasawisye izina lyane lyamuzilo uku vicitwa vyao vyawinyi. Acino nani nayononyile ku ukali wane.

Ezekelo 45:19

Simapepo ace atoola uwazi umwi apa wazi wa nyama ino yatuulilwepo impolelwa yakwelela amaifyo, nu kuupaka uku maingwe ya Ng'anda yakwe Leza, nu ku matungi yonsi yani ayela papela ya kavuwa, nga nuku maingwe ya mpongolo yakuila mu musolo wa mwilinga lya mukasi.

Ezekelo 46:1

Yawe Simwandalali wavwanga wati, “Impongolo ya kwingililapo apa kuya mu musolo wa mwilinga lya mukasi ili nu kusyala iyalikwe apa manda mutanda amilimo yinu, ukutandikila apa wanda wi Sabata mpaka na pa wanda wa kuzevya Ndoleko ya Mwezi Upya, alino ice ikayulikwe.

Ezekelo 7:23

“Pangini umunyololo lemanini, pano impanga yatizula ukuzwisya uwazi, mu misumba namo muli impanzela zitupu.

Ezekelo 8:15

Nupya Yawe anena ati, “Uzye walola cii, we mwana wa muntu? Ala lyene wasya ulole ni vicitwa vyakuzunguka ukuluta pali vii.”

Yowelo 2:17

Lekini yasimapepo, yao akatumikila Yawe, nayo yalosye apakasi ka musolo wapa wingililo na kavuwa. Lekini yavwange yati, ‘We Yawe, su ngala uye nu luse pa antu yako. Utazumilizya kuti umwi asausye antu yako asololwe.’ Utaleka ainamasi yayaseke apa kuvwanzyanya yati, ‘Uzye Leza wao ali kwi?’ ”

Malango 17:3

pakupepa nu kutumikila tuleza tuze nanti ilanzi nanti umwezi nanti intanda, vivyo ivitaine na malamulo yakwe Yawe.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.