Ezekelo 8:10 - Amazwi Yakwe Leza 2013

¹⁰ Nani ali pakwingilamo, nailolela nenga, apa viumba palenzilwepo monsi pyu ukuzinguluka, imisango ni misango iya unkolanya wa vintu ivikasela nu wa nyama zya mifitalila, nga nu tuluwi tonsi utwa ng'anda yakwe Izlaeli.

Ezekelo 8:10 ပူးပေါင်းရင်းမြစ်များ

Kufuma 20:4

“Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Ezaya 44:13

Kapala wa mbao nawe akapima imbao. Alino asila ivisilwa uku cilembelo. Lyene atandika ukuwaza ni viombelo vyakwe ukulondela muno walasizile ivisilwa. Asuka awaza akaluwi akakolanya ku muntu nu kuyemba kwakwe ukwa kulingana ukwikala mu ng'anda yakwe ya mapepo.

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Yelemiya 3:9

Wene amaangupazya uzelele wakwe, wasuka wakowezya ni mpanga. Wacitanga uzelele ku mawe nu ku miti.

Yelemiya 44:21

“Apa ubani uno mocelanga umu misumba yamu Yuda nu mu miseo yamu Yelusalemu, mwemwe pamwi ni vikolwe vinu, yamwene inu, intunguluzi zinu na antu amu mpanga, uzye mwemo mukwelenganya ukuti Yawe atamanyilepo cimwi, nanti mukuti wene wilila kweneko vwilini?

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Ezekelo 11:12

Alino mulamanya ukuti nene Yawe, wino mwakananga ukulondela amasunde yane nu kuwaka ivipope vyane, mukulondelela sile imisango ya mitundu ino yamuzinguluka umu mbali.”

Ezekelo 23:14

Nawe alusyamo ku uzelele wakwe, watambanga na onsi yano yalenzile pa ciumba, unkolanya wa ina Babiloni, vino yalenzile kwi langi liyenzu.

Ezekelo 8:11

Apa nkolelo yakwevyo, paimi aonsi acikalamba amakumi cinimbali, ang'anda yakwe Izlaeli. Na muli yayo, mwali Yazaniya umwana umonsi wakwe Syafani. Cila wenga wali ni cifutikilo mu minwe yakwe, ala nu mununko usuma wa ubani ukukwela umupela.

Ezekelo 8:9

Wanena wati, “Ingila apakuti ulole ivyawinyi vino yakucita mwenemo.”

Loma 1:23

Mu cifulo cakupepa Leza asiifwa, yene yakapepa tuluwi tuno yapanga mu unkolanya wa muntu akafwa nanti vyunyi nanti nyama nanti visela.

Malango 14:3

“Mutakezye ukulya icintu icili consi cino Yawe walanda ukuti icikowele.

Malango 4:16

Pakuti cimuzipile mwemwe, musininkizye ukuti mutakezye ukwifya pa kuipangila akaluwi mu musango uli onsi, akakukolanya ku monsi nanti ku mwanaci,

Malango 4:18

nanti ku visela nanti ku nswi.

Malango 4:23

Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.