Ezekelo 7:9 - Amazwi Yakwe Leza 2013

⁹ Ntakukulola luse luse, ntakukutezela foo, pano namalinganya pa miyele yako na pa vicitwa vyako iviipe, ivikaloleka mukasi kako. Lyene alino mulamanya ukuti nene indi Yawe wino akafulula.”

Ezekelo 7:9 ပူးပေါင်းရင်းမြစ်များ

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

Yelemiya 13:14

Lyene ndatola yaisi na ana yao nkayapumanye wa nkolo. Nemo ntalayuvwila nu luse foo. Ntaluvwa ulanda nanti sile uluse. Ndayalovya pyu.’ ”

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Yelemiya 36:31

Ndamuvunuka mwensi pamwi ni mpyanyi zyakwe kumwi na aomvi yakwe pamulandu sile wa uyi wao! Aikazi amu Yelusalemu nanti amu Yuda ndayaletela amasyamo yonsi yano nasowile, pamulandu wakuti yatanguvwile.”

Nyimbo zya ndosya 2:17

Umwene lyene wasuka wacita vino walanga wapanga ukucita. Wene watatulovya ukwaula nu luse, ndi mumu kwene muno watunenyile mpiti. Wataleka ukuti anisi itu yatucimvye. Acino lyene nu kuyuvwa yakuyuvwa wakwe cimwi.

Ezekelo 22:22

Vivi kwene vino yakaengulula siluva mwi lungu, avino mulengululwa mukasi ka musumba. Alino lyene mulamanya ukuti nemo ne Yawe, nene namuponyezizye ukali wane.”

Ezekelo 23:49

Alino lyene namwe, mwe yakaci yaili, nemo ndamufulula pa ukulukusi winu na pa uyi winu wakupepa tuluwi. Alino mulamanya ukuti nene indi Yawe Simwandalali.”

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Ezekelo 7:10

Eya! Asi papo uwanda wafikila wi lovyo! Awe lyene lwatatala. Ee, apapelela icilumba!

Ezekelo 7:8

Nasya nkuletele icipyu cane nu kuvuzya ukali wane pa kukufulula. Namakupingwila kulingana ni miyele yako nu kukulolwela pa vicitwa vyako vitaiipila.

Mika 6:9

Icintu camano ukoopa izina lyakwe Yawe. Wene akulaizya ku ikazi amu Yelusalemu ati, “Uvwini kuno, mwe ikazi amu Yelusalemu mwensi.

Galatiya 6:7

Mutaisomba mweisikulu. Kusi umwi angatumpika Leza. Muntu akazombola kulingana na vino wakomela.

Umbwilo 20:13

Lyene yemba afumya afwe ali mwenemo. Imfwa ni cifulo ca antu afwe navyo kwene vifumya afwe ali mwenemo. Na onsi yapingwilwe kulingana ni vintu vino yacisile.