Ezekelo 7:8 - Amazwi Yakwe Leza 2013

⁸ Nasya nkuletele icipyu cane nu kuvuzya ukali wane pa kukufulula. Namakupingwila kulingana ni miyele yako nu kukulolwela pa vicitwa vyako vitaiipila.

Ezekelo 7:8 ပူးပေါင်းရင်းမြစ်များ

2 Milandu 34:21

“Pitini mukanguzizye kweneko kuli Yawe, muzizyeko na antu yano yasyala penepo mu Izlaeli nu mu mpanga ino kwene iya Yuda. Mulondelezye apamulandu na masunde yano yalembwa mu lupapulo luu.”

Masamu 79:6

Sungala usokele antu ya mitundu yuze, yayo asikupepa, na yano yakana uku kuyela,

Ezaya 42:25

Acino wene watusokile apakalamba, nu kutuletela inkondo ikakate. Asonteka nu moto konsikonsi ukutuzinguluka, ukwaula na kuti tumanye icacitikanga. Umoto watoosile, lelo swemo tutasambililepo nanti cimwi.

Yelemiya 36:31

Ndamuvunuka mwensi pamwi ni mpyanyi zyakwe kumwi na aomvi yakwe pamulandu sile wa uyi wao! Aikazi amu Yelusalemu nanti amu Yuda ndayaletela amasyamo yonsi yano nasowile, pamulandu wakuti yatanguvwile.”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Nyimbo zya ndosya 2:17

Umwene lyene wasuka wacita vino walanga wapanga ukucita. Wene watatulovya ukwaula nu luse, ndi mumu kwene muno watunenyile mpiti. Wataleka ukuti anisi itu yatucimvye. Acino lyene nu kuyuvwa yakuyuvwa wakwe cimwi.

Nyimbo zya ndosya 2:4

Akukana ulapwa nu kutusonta ni nceto ungati sweswe anisi yakwe. Watakomola vyonsi vino ilinso lingatemwa ukulola. Watapongolwela icipyu cakwe wa moto, umu mang'anda yakwe swe ina Zioni.

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Ezekelo 11:21

Lelo ndavunuka antu yano yatemwa ukupepa amaunkolanya aipe nu tuluwi twawinyi. Ndayavunuka pamulandu wa vintu vyonsi viipe vino yacita. Ivyalanda Yawe Simwandalali.”

Ezekelo 14:19

“Nanti naponya impungo apa mpanga iyo nu kupongolwela mwenemo ukali wane apakuzwisya uwazi, kukomola antu avule kumwi ni nyama kwene,

Ezekelo 16:43

Wemo wakana ukwiusya amanda ya ukazyana wako, ukansonsomba na muli vii vyonsi. Nani kwene fwandi ndakuwezezya imicitile yako pa mutwe wako. Ivyalanda ne Yawe Simwandalali. Uzye kwene ukunena ndi vino utacisile iviipe umu mipitile yako iyamuselu?

Ezekelo 16:59

Nupya Yawe Simwandalali avwanga ati, “We Yelusalemu, nemo ndakulinganya sile pa vintu vino wemo ukacita, pano onona nu upangano.

Ezekelo 18:30

“Fwandi lyene ne Yawe Simwandalali namunenelapo mwe ina lzlaeli ukuti nemo ndamupingwila mwemwe mwensi wenga wenga ukulingana ni vicitwa vinu. Fwandi funtukini ku vintu vyonsi viipe vino mukacita, pano maifyo yinu yalamuletelela.

Ezekelo 20:13

Lelo kwene nu mu lwanga kwene namo kwene yansangukile nupya yatapitanga nu kulondela amasunde yane, yasuulanga ni vipope vyane, vino yali nu kuwaka kuti yalolelemo uumi. Yene yasuulilila ne wamuzilo yonona na Masabata yane. Nani ali pakupanga kuyaponyezya ukali wane mu lwanga nu kuyalovya mumu kwene.

Ezekelo 20:21

“Lelo nupya kwene inkulo iya nayo kwene yansangukile. Yene yasya umwi sunde lyane, yakana nu kuwaka ivipope vyane, ivintu ivilinzile kuyaletela yonsi umi ndi yakuvilondela. Yasuulila kumwi ni Sabata kwene. Nani ali pakulonda kuyafulula ukali ukali nu kuyakoma yonsi mumu kwene mu lwanga.

Ezekelo 20:33

Nupya Yawe wavwanzile ati, “Nkulapa ne Leza wa umi, nemo ndamuteeka ku maka yane yonsi uluku uluku.

Ezekelo 20:8

Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Ezekelo 22:31

Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”

Ezekelo 24:14

Ne Yawe Simwandalali nalanda. Insita yatifika yakuti incicite. Insikuta sile foo, nupya nsikukutezela nanti ukuvwa uluse, awe. Wemo namakuvunuka pa vicitwa vyako. Ivyalanda ne Yawe Simwandalali.”

Ezekelo 30:15

Ndapongolwela ukali wane pa musumba wa Pelusiumu, ilinga likome lyakwe Eguputo, nu konona icuma cakwe Teebesi.

Ezekelo 33:20

Alino, lyene mwemo mwe ina Izlaeli, mukulanda muti, ‘Vino nemo ne Yawe nkacita vitalolamo, vwile? Ala nkumunena mwemo mwensi ndamupingwila wenga wenga ukulingana ndi vino mukacita.’ ”

Ezekelo 6:12

Akutali yalafwa ku mpungo, amupipi yalafwa ku nkondo. Asyalapo nayo yalafwa ku cipowe. Yalasininkizya vino icipyu cane cikapezya antu.

Ezekelo 7:27

Umwene alalosya, intunguluzi nayo ilaya nu ulanda ukalamba, na makasa ya antu aikala nsi yalazakaza ku ntete. Ndayalinganya pa miyele yao, ndayapingwila ukulingana ni mipingwile yao. Lyene yalamanya ukuti nene indi Yawe.”

Ezekelo 7:9

Ntakukulola luse luse, ntakukutezela foo, pano namalinganya pa miyele yako na pa vicitwa vyako iviipe, ivikaloleka mukasi kako. Lyene alino mulamanya ukuti nene indi Yawe wino akafulula.”

Ezekelo 9:10

Caleka nani ne Leza insikusya nanti wenga, nsikutezela umuntu foo. Nemo namayacita sile ukulingana na vino yene yacita auze.”

Ezekelo 9:8

Nga lino yakukomola antu, nemo ne Ezekelo nsyala nimilile sile nenga. Awe mukwai niza naifwanta icinzamba pansi ufupime, indila inti, “Kalanda we Yawe, uzye icani cino wasokela umusumba wa Yelusalemu, cakuti ukomole aina Izlaeli yonsi yano yasyala mu mpanga ii?”

Danieli 9:11

Izlaeli wensi wavuna amasunde yako nu kukufutatila, nupya wene wakana ukukuyela. “Caleka swemo twifya kunuli nu kuiletelela intipu zino zyalembwa mu Masunde yakwe Mose, umuomvi wako we Leza.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

Oseya 12:3

Walanga acili mu ndilwa yakwe nyina, Yakobo wapilikisyinye nu mwina, nga lino wakuzile alwisyanya na Leza.

Oseya 5:10

Yawe akuti, “Intunguluzi zyamu Yuda zikoline na yayo akacita inkondo kuti yasezye yanande. Pamulandu kwene uu nemo ndapongolwela ukuvunuka kwane ungati a mulamba.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.