Ezekelo 7:7 - Amazwi Yakwe Leza 2013

⁷ Isyamo lyala lyamuponela mwe ikala nsi. Kasita kafika, uwanda wapalama, kusi luzango pa myamba, pali sile malanda.

Ezekelo 7:7 ပူးပေါင်းရင်းမြစ်များ

Utandiko 19:15

Ku macaca angeli yacincizya Loti yati, “Kalaufya! Toola umuci wako na ana yako yakaci oili mufumemo, kuti mutalovya umi lino umusumba ukononwa.”

Utandiko 19:24

Yawe aponya makala ya moto wakwe pali Sodoma na Gomola.

Ezaya 13:22

Yacimbwi ayano yalatonkomala umu mpungu, na yankusa nayo umu masano. Ala insita iliiza, nupya yatipalamila isikulengela foo.”

Ezaya 16:10

Kusi nanti wenga asansamwike mu vyalo vya muvundo. Kusi nanti umwi akupunda nanti ukwimbila umu vyalo. Kusi nanti aumwi akufena amatingi apakupanga waini.

Ezaya 17:14

Apa nsita ya manguzi yonsi pasi pa ntete! Lelo lino kutali kuce, yonsi yasalangana. Endi, avino cilaya ku antu akatusampa ivintu.

Ezaya 22:5

Ndakai ili nsita ya malanda, iya wilikizi na kanyati nupya iya cimvundawila muno umu Cifoloma ca Cilolwa. Na vii vyonsi Yawe Wamaka yonsi aliwe avilesile kunotuli. Uli wanda wa kuwisya kwa malinga, Ni mpooma zyakwe tutulwe, zyati zyuvwika papela ya myamba.

Yelemiya 20:7

Iye mwe we Yawe! Avino wandyongwisye nani ala nkuzumila. Wemo wanduta amaka, nu kunyata wanyata. Cila muntu akunseka. Yonsi kwene yakunsoweka uwaca nu wila.

Yelemiya 50:27

Komolini alumendo ya nkondo yano yakwata yonsi. Muyafyemfyente! Iye mwe, amanda yayazana! Amanda yafika akuvunuka aina Babiloni!

Ezekelo 12:28

Caleka uyanene uti, ‘Yawe Simwandalali wavwanga wati, Amazwi yane yatalalengela ukufikiliziwa. Vyonsi vino nala nalanda ala nindanda, nupya vilafikiliziwa. Ivyalanda ne Yawe.’ ”

Ezekelo 30:3

Pano uwanda watiupalama, uwanda wakwe Yawe watiupalama. Ulaya uwanda wa cifutika, uwanda wakupezya imitundu.

Ezekelo 7:12

Insita yafika. Wanda wapalama. Uculuzi wakukala ivintu nu kuvikazya umasila, pano Leza amakatukila yonsi ukali ukali.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Amosi 4:13

Wiyo kwene wino akapanga imyamba, nu kupanga icipunga, nu kuumbula ukwelenganya kwakwe ku muntu, aliwe kwene akasenula umusanya iuya usiku, aliwe kwene akapita pa kansonsi ka panonsi. Izina lyakwe a Yawe Wamaka yonsi!

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?