Ezekelo 7:4 - Amazwi Yakwe Leza 2013

⁴ Ntakumupanya, nupya ntakumutezela foo. Namamufulula pamulandu wa vintu vyawinyi vino mwemo mwacita, ali pakuti musininkizye ukuti nene indi Yawe.”

Ezekelo 7:4 ပူးပေါင်းရင်းမြစ်များ

Yelemiya 13:14

Lyene ndatola yaisi na ana yao nkayapumanye wa nkolo. Nemo ntalayuvwila nu luse foo. Ntaluvwa ulanda nanti sile uluse. Ndayalovya pyu.’ ”

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Yelemiya 25:14

Pano antu amitundu yonsi ilya nayo kwene yalateekwa uzya ku antu amitundu iingi na kuli yamwene. Ndayavunuka apakulinganya vino nayo yacita.

Ezekelo 11:21

Lelo ndavunuka antu yano yatemwa ukupepa amaunkolanya aipe nu tuluwi twawinyi. Ndayavunuka pamulandu wa vintu vyonsi viipe vino yacita. Ivyalanda Yawe Simwandalali.”

Ezekelo 12:20

Imisumba muno mwikala antu tupu, ilawa ni mpanga ilasanguka amatololo. Alino mulamanya ndi vino nene indi Yawe Leza.’ ”

Ezekelo 16:43

Wemo wakana ukwiusya amanda ya ukazyana wako, ukansonsomba na muli vii vyonsi. Nani kwene fwandi ndakuwezezya imicitile yako pa mutwe wako. Ivyalanda ne Yawe Simwandalali. Uzye kwene ukunena ndi vino utacisile iviipe umu mipitile yako iyamuselu?

Ezekelo 22:31

Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”

Ezekelo 23:31

Walondelelanga imisango yakwe nyokolenzi. Caleka nani kwene ndakufulilwamo.

Ezekelo 23:49

Alino lyene namwe, mwe yakaci yaili, nemo ndamufulula pa ukulukusi winu na pa uyi winu wakupepa tuluwi. Alino mulamanya ukuti nene indi Yawe Simwandalali.”

Ezekelo 24:14

Ne Yawe Simwandalali nalanda. Insita yatifika yakuti incicite. Insikuta sile foo, nupya nsikukutezela nanti ukuvwa uluse, awe. Wemo namakuvunuka pa vicitwa vyako. Ivyalanda ne Yawe Simwandalali.”

Ezekelo 33:29

Alino yalamanya ukuti nene indi Yawe, lilyo lino ndasangula impanga ulwanga umutaya akantu nanti kamwi, pamulandu nu uyi wao uno yacita.’ ”

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Ezekelo 6:14

Endi, cacumi nemo ndayatitikizya, ndonona ni mpanga yao. Ndaisangula ulwanga, ukutandikila sile ku lwanga lwaku kayeya ukuyafika nu ku musumba wa Dibula, mupipi nu ku kayeya. Ntalasya nanti ponga pano aina Izlaeli yikala. Lyene yalamanya ukuti nene indi Yawe.”

Ezekelo 6:7

Antu yalafwa ntangali ntangali, na alasyalapo alino yalasininkizya ukuti fwandi nene indi Yawe.

Ezekelo 7:27

Umwene alalosya, intunguluzi nayo ilaya nu ulanda ukalamba, na makasa ya antu aikala nsi yalazakaza ku ntete. Ndayalinganya pa miyele yao, ndayapingwila ukulingana ni mipingwile yao. Lyene yalamanya ukuti nene indi Yawe.”

Ezekelo 7:3

Impela yafikila. Ndakutumila ukali wane, ndakupingwila kulingana ni miyele yako, nupya ndakulolwesya pa vicitwa vyako vyonsi vitaiipila.

Ezekelo 7:9

Ntakukulola luse luse, ntakukutezela foo, pano namalinganya pa miyele yako na pa vicitwa vyako iviipe, ivikaloleka mukasi kako. Lyene alino mulamanya ukuti nene indi Yawe wino akafulula.”

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Ezekelo 9:10

Caleka nani ne Leza insikusya nanti wenga, nsikutezela umuntu foo. Nemo namayacita sile ukulingana na vino yene yacita auze.”

Oseya 12:2

Yawe akweti umulandu wakupeela aluko lwakwe Yuda. Wene alavunuka amu mutundu wakwe Yakobo pamulandu wa miyele yao, alayalambula ukulingana ni milimo yao iipe.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.

Amosi 7:8

Alino Yawe anguzya ati, “We Amosi, uzye icani cino walola?” Nani imwaasuka inti, “Umwando wakupimilako ulung'umba.” Lyene Yawe avwanga ati, “Nkwika umwando kwene uu pakasi ka antu yane aina Izlaeli kuti ciloleke vino yene yatiyafuma mu nzila. Nanti ciye uli, mpaka njavunuke.

Zakaliya 11:6

Yawe wavwanga wati, “Lyene nemo ntalatala ntezele aikala nsi. Antu yonsi wenga wenga nemo ndaleka intunguluzi zyao nanti yamwene yao ayano yakayateeke uku kalili. Intunguluzi zizyo zilonona impanga, nani ntalayapususya kuno yali, awe.”

Ayebulai 10:30

Pano twamanya wino uwavwanzile ati, “Ndalandula nu kumuswilizizya” nu wavwanzile ati, “Mwene alapingula antu yakwe.”