Ezekelo 7:23 - Amazwi Yakwe Leza 2013

²³ “Pangini umunyololo lemanini, pano impanga yatizula ukuzwisya uwazi, mu misumba namo muli impanzela zitupu.

Ezekelo 7:23 ပူးပေါင်းရင်းမြစ်များ

2 Yamwene 21:16

Antu aula umulandu, yano Manase wakomile, yali anyanya umwi, icakuti uwazi wao wakonkolokanga umu tumiseo twamu Yelusalemu. Icintu cico calunzile sile pali vino wene walesile kuti aikazi amu Yuda yapepa utuluwi nu kucita ivintu vyawinyi vyuze apa manso yakwe Yawe.

2 Yamwene 24:4

Makamaka apamulandu uwa uno wakomile antu akaele umu Yelusalemu. Apamulandu uo, awe kwene Yawe wene atalondanga nanti panono ukuyakwatila uluse.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Ezaya 59:3

Pano amakasa inu yafitisya pamulandu nu wazi, ni minwe inu nayo yafitisya pamulandu nu ukakasi winu, utunwa twinu tukalanda vyaufi, ni ndimi zinu nazyo zikatotoza vyautalami.

Ezaya 59:7

Mwemo insita zyonsi sile mukasimwilila uku kucita iviipe. Mukapamviwa ukuzwisya uwazi wakwe yayo akaele. Imyelenganyizizye inu iya lufyengo sile. Inzila zinu izya kutamola nu kukuululula.

Yelemiya 2:34

Uku vyakuzwala vyako kwazanwa uwazi wa antu akaele apina, yano utazanikizye yakoomola ing'anda yako. Lelo nanti cili vivyo

Yelemiya 22:17

Lelo wemo amanso yako nu mwenzo wako vyalola sile ku kuizanzya we mwisikulu. Wemo ukakoma antu akaele nu kuomvya uluku uluku antu yako.

Yelemiya 27:2

Yawe wavwanga wati, “Pyata umwando nu kupanga ikoli, ulikoweke mu nsingo yako.

Yelemiya 40:1

Yawe avwanga kuli ne Yelemiya apacisila ca nsita ino Nebuzaladani, umukalamba wakwe yakalinda ya mwene wamusapwile uku Lama, kuko kuno yamwisile wenga, ala watanyepwa mu minyololo, apali pamwi na antu yauze amu Yelusalemu nga na amu mpanga ya Yuda yano yasenzile ku Babiloni ku uzya.

Yelemiya 6:7

Vino icifula cikafukoka amanzi, avino nu musumba uu ukafukoka uyi. Ukakasi nu ononyi ivikauvwika sile mwenemo. Indwala ni vilonda vikaloleka pee ku manso yane.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Nyimbo zya ndosya 3:7

Wene wanzingulwisye ilinga lilyo ilyakuti nemo naposiwe ukufuma mwenemo, ala watanyepelela ni minyololo.

Ezekelo 11:6

Mwazuzya wakwe cimwi ivyala muno musumba, ivya yantu yano mwakomola nga nuku zuzya imiseo yonsi alaswe asyala impondo.”

Ezekelo 12:19

Unene aikala mpanga ilya uti, ‘Avino Yawe Simwandalali walanda pamulandu wa ikazi amu Yelusalemu pamwi na amu mpanga ya Izlaeli. Uyanene ndi vino yene yalalya icakulya cao ni sakamika ilikulu. Nupya yalakanka sile uku ntete pa nsita ino yakumwa amanzi. Umu mpanga inu mutalasyala kantu nanti kamwi, pamulandu wa umpulamasunde wakwe yayo yonsi aikala mwenemo.

Ezekelo 18:12

akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Ezekelo 22:13

“Walola, nakufundikila ikofi pamulandu wa wivi wako nu ukakasi wako.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezekelo 22:9

Antu yako yamwi yakatumpwila auze pakuti yayakome. Yamwi nayo yakalya impolelwa izikatuulilwa utuluwi mu ncende zino yakapepelamo mu myamba. Yamwi yakacina iviila vitazifile lyonsi sile.

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Ezekelo 8:16

Alino lyene ansenda nu kuntwala mukasi ka musolo wa Ng'anda yakwe Leza, nga kuku kwene apa wingililo wa Ng'anda ikulu yakwe Leza, pakasi ka lukungu na kavuwa, pali manye antu amakumi yaili na yasano. Yene yafutatile Ng'anda ikulu yakwe Leza ala ni vinso vyao vilozizye ku ufumondaka, nga ala yakupepa ilanzi lwaku ufumondaka.

Ezekelo 8:17

Yawe anena ati, “We mwana wa muntu, uzye walola vimisango vii? Ala antu yaa Ayuda, yatalata ukucita ivintu vii vyonsi vyawinyi vino walola muno. Ayano yalenga nu kuti kuye impanzela mu mpanga ino yonsi. Alenzile nu kuti icipyu cane cicile penepo. Watuilolela we mwisikulu vino yakunsaalula mu misango yonsi ino yakunsaalwilamo.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Naumi 3:10

Lelo kwene antu amu Teebesi yalemilwe nga yasendwa mu uzya. Ana yao yonsi kwene yasyunozilwe pansi mu miseo yonsi yamu musumba uwo. Anisi yapendozile apa kwankana antu acindame yano yaya mwenemo, kumwi ni ntunguluzi zyakweo iyazinyepa mu minyololo.