Ezekelo 7:20 - Amazwi Yakwe Leza 2013

²⁰ Pa mpiti yayuvwanga pa viyembelo vyao vya usaka, lelo pali ndakai avino yakutola pakuipangila utuluwi twawinyi. Uli mulandu kwene uno ne Yawe Leza namalenga ukuti ivyuma vyao visenulwe viye ivya usali.

Ezekelo 7:20 ပူးပေါင်းရင်းမြစ်များ

2 Yamwene 21:4

Wene wakuuzile nu tuvuwa umu Ng'anda ikulu yakwe Yawe, apa ncende ino Yawe wavwanzile ukuti ali pano yali nu kumupepela penepo insita zyonsi.

2 Yamwene 21:7

Lyene Manase atoola iciluwi cico icakolana nu mwanaci nga aya aciika mu Ng'anda ikulu yakwe Yawe, mu cifulo cino Yawe wavwanzile kuli Davidi nu mwana wakwe Solomoni ati, “Mukwene umu Yelusalemu, umu Ng'anda ikulu kwene ii, umu ncende ino nemo nasolola ukufuma mu mpanga yonsi ya mitundu yakwe Izlaeli, ali muno yalampepela amanda pe.

2 Milandu 2:9

yalaombela pamwi mu kutema imiti ivule, pamulandu wakuti Ng'anda ikulu ino namakuula ilinzile kuya ikulu nupya iya lulumbi.

2 Milandu 36:14

Alino akalamba yonsi yasimapepo kumwi na antu kwene yalunduluka ukuntaya acumi, yala yakulondela imisango iipe ya mitundu yuze iyazingulwike. Umu mipepele ya tuluwi, iyasuka yakowezya ni Ng'anda ikulu yakwe Yawe ino Yawe umweneco wacisile ukuya iyamuzilo.

Ezila 3:12

Yasimapepo aikolo na ina Levi pamwi ni ntunguluzi zya mitundu, yano yaweni umufula wa Ng'anda ikulu yakwe Yawe iyampiti, vino yalolekanga yene iyalukusya sile aminsozi. Lelo antu ali ingi yene ala yakupunda ni nsansa.

Masamu 48:2

Umwamba wakwe Leza uwa Zioni, waya utumpuke nupya uusuma. Ee, icacumi umwamba wa mwene Mucindami ukasansamusya antu yonsi aya pano nsi!

Masamu 50:2

Ukufuma uku Zioni, wawala nu usuma umwi uwacipezya mano.

Ezaya 30:22

Utuluwi twinu tuno yapomela na siluva, na tuno yapomelela na zaabu mulatutoola nu kutusumba ungati avino yakasumba usaali, ala mukuti, “Yangini ukutali mwe vintu vya ciwelewele mwe!”

Ezaya 64:11

Ng'anda itu yakupepelamo, iyo iyaya yamuzilo nupya yalulumbi, ino ivikolwe vitu vyakulumbanyizyanga mwenemo, nayo kwene yayoca uku moto. Incende zyonsi zino twazanganzilanga mwenemo nazyo kwene zyononeka.

Yelemiya 7:14

Acino, ivintu vino nacitile Syilo avino ndacitila Ng'anda ikulu ii iyakwane, ino mwemo mwataila mwenemo, incende ino napiile ku vikolwe vinu.

Yelemiya 7:30

“Antu yakwe Yuda yatiyacita iviipe pa manso yane. Ivyalanda ne Yawe. Yene yatiyika ivyauwelewele vyao, ivya muselu mu Ng'anda yane ikulu nu kuikowezya.

Nyimbo zya ndosya 1:10

Anisi yatiyamupoka ivyuma vyonsi. Wene watailolela nakuno ainamasi yakwingila umu Ng'anda ikulu yakwe Leza, yao yano we Yawe wainda ukwingila muno antu yako yakakongana.

Nyimbo zya ndosya 2:1

Iye mwe vino Yawe ku cipyu cakwe wataponyezya Zioni umu mfinzi. Ucindami wa kwiyulu uno Izlaeli wakwata, Umwene wataonona. Uwanda uno wasosile atasakamile nu kucilyatilo ca ngazo zyakwe.

Nyimbo zya ndosya 2:7

Umwene watakana kavuwa kakwe nga watafumya amano ku Ng'anda yakwe ikulu iyamuzilo. Watapela ivikulwa vya masano yakwe umu makasa ya anisi kuti yaviongolole. Lyene umu ng'anda yakwe kwene iya mapepo ali muno anisi yakufyuntwila amazya yakuzevya ucimvyo.

Ezekelo 11:18

Lino yalawela mu mpanga iyo, yalinzile yafumyamo utuluwi twao tonsi utwipe nupya utwawinyi.

Ezekelo 16:16

Watolanga ivyakuzwala vyako ivicindame, nu kuipangila utuvuwa umwa kupepelamo tuleza utuluwi, ali muno walongozyanga.

Ezekelo 16:19

Ivyakulya vino nakupeelanga vya usu utonyoleke, amafuta nu uuci vino nakwimulanga, ali vino wavyocelanga ukuya icinunu cisuma icakuvisansamusya! Ee, anene Yawe nakunenelapo.

Ezekelo 23:38

Nupya yancitila icintu nacuze. Yene yakowezya incende yane yamuzilo nu kukowezya Masabata yane pa nsita ili yonga kwene.

Ezekelo 24:21

‘Nena ang'anda yakwe Izlaeli uti Yawe Simwandalali uwavwanga wati lola namakowezya incende yane yamuzilo, cilumba ca maka inu, insansa zya manso inu nga ni ciluka ca myenzo inu. Ana inu aonsi na anaci yano mwasya ku cisila yalafwa ku lupanga.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Ezekelo 7:22

Ndayafutatila pakuti antu yakize yakakowezye icuma cane. Ainamasi yalingilamo nu kucikowezya.

Ezekelo 9:7

Nga nupya Leza anena ati, “Kowezini ing'anda ino yakumpepelamo. Mu misolo yakweyo tulumalikini ivyala vya antu. Pitangini!” Caleka nayo yapita yatandika ukukomola antu mu musumba.

Hagai 2:3

“Uzye pangayako yamwi pano muli atazile yalolako ululumbi ulwakweti Ng'anda ikulu ii yakwe Yawe? Uzye icumi kwene mutakuilolela ukuti lyene umucinzi nu lulumbi vyati visila?

Yakapingula 8:24

Nupya Gidyoni atwalilila kuyanena ati, “Nkamulenge sile icintu conga. Cila muntu ampeeleko akalielena api sala linu pali vino mwasamfile.” (Amu mupanda wakwe Isumeli yazwalanga amaelena wa antu yauze amu lwanga.)

Yakapingula 8:27

Zaabu kwene wiyo awino Gidyoni wapangileko efodi, nga amuika mu musumba wa Ofula, umusumba wakwe. Aina Izlaeli yonsi iyafutatila Yawe iyatandika ukuya kuku ku kupepa akaluwi kaka. Icintu cii lyene iciya iciteyo kuli Gidyoni na amu ng'anda yakwe.