Ezekelo 7:11 - Amazwi Yakwe Leza 2013

¹¹ Ukali lyene wakatuka, Leza amaonona imikalile isuma ya antu aipe, ukwaula intazi nanti ukupamviwa.

Ezekelo 7:11 ပူးပေါင်းရင်းမြစ်များ

Masamu 125:3

Amauteko aipe yatalatala yatwalilile lyonsi ukuteeka impanga ya antu aololoke, pano ndi cali vivyo, aololoke yangasuka yaifye.

Masamu 73:8

Yakasoweka auze nu kulanda iviipe, yakwata ivilumba nu kupanga ivyakufyengelekezya auze.

Masamu 78:64

Yasimapepo yao nayo kwene yakomolwa uku lupanga. Yamama yao, yamukamfwilwa yaposiwa nu kuyalosya.

Ezaya 14:29

Mwe ina Filisti mwensi mutazanga foo, pamulandu wakuti intuwa ino yamupolanga yatikontoka. Mumanye ukuti mu luko lwa nzoka, ndi yonga yafwa, mulatumbuka yuze ilusile iyo. Iyayi lya nzoka lingulola icizoka icikapapuka.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Ezaya 9:4

Pano lyene watuputula umunyololo wao uwayacuzyanga. Watuvunola nu mukota uno wayanyambilanga apa viye. Watucimvya ndi vino wacimvizye aina Midyani.

Yelemiya 22:18

Caleka Yawe wavwanga apamulandu wakwe Yosiya umwana umonsi wakwe Yeoyakimu, umwene waku Yuda, ati, “Kusi nanti umwi alamulosya, ‘Silolini vino caipa wakwe cimwi mwe yacuza yane!’ Kusi nanti umwi alamulila ati, ‘Mwene wane! Musambazi wane!’

Yelemiya 25:33

Uwanda ulya yano yalakomwa kuli Yawe yalasalangana ntangali ntangali ukufuma ku mpela ya mpanga ukufika nu ku mpanga yuze. Na kaloosya aluulila kumwi. Kusi alayakonganika nanti ukuyaziika. Yalasyala yatambalile pa musili.

Yelemiya 6:7

Vino icifula cikafukoka amanzi, avino nu musumba uu ukafukoka uyi. Ukakasi nu ononyi ivikauvwika sile mwenemo. Indwala ni vilonda vikaloleka pee ku manso yane.

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Ezekelo 45:9

Yawe Simwandalali avwanga ati, “Mwe ntunguluzi zya ina Izlaeli, awe mwaifya pavula! Tiini ukakasi winu nu mucuzya winu. Mwacita vyaulungami, muye nu mulungikila. Mutakaswilizye nupya ukuzinga antu yane mu mpanga yane. Ivyalanda ne Yawe Simwandalali.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Ezekelo 5:4

Alino nupya utolepo inyele zimwi, uzisumbile umu moto, uleke zipye. Kuku ukumafumilila umoto uno umasalanganila uku koca umutundu onsi pyu uwa ina Izlaeli.”

Ezekelo 6:11

Yawe Simwandalali akuti, “Komelini inkufi, muinyanyantile, nupya losyini muti, ‘Kalanda kasikolo!’ Pa viipe vyonsi ni vyawinyi vyonsi vino mwacita mwe ina Izlaeli. Antu yalafwa ku nkondo, ku cipowe nu ku mpungo.

Ezekelo 7:16

Yayo alapusuka yalapukila mu myamba, lelo ndayakoma yonsi wa vipeele, cila muntu apa maifyo yakwe.

Ezekelo 7:2

“We mwana wa muntu vwanga uti, Yawe Simwandalali wanena impanga yakwe Izlaeli ukuti awe lyene casila, lyene ali kusila kwa mpanga yonsi.

Ezekelo 7:23

“Pangini umunyololo lemanini, pano impanga yatizula ukuzwisya uwazi, mu misumba namo muli impanzela zitupu.

Ezekelo 8:17

Yawe anena ati, “We mwana wa muntu, uzye walola vimisango vii? Ala antu yaa Ayuda, yatalata ukucita ivintu vii vyonsi vyawinyi vino walola muno. Ayano yalenga nu kuti kuye impanzela mu mpanga ino yonsi. Alenzile nu kuti icipyu cane cicile penepo. Watuilolela we mwisikulu vino yakunsaalula mu misango yonsi ino yakunsaalwilamo.

Amosi 3:10

“Yene yatamanya ukucita vyaololoke yayo akazuuzya ivisampwe vino yapokolola mu kwiya.” Avino Yawe wavwanga.

Amosi 6:3

Mwemo musizumila ukuti uwanda uwa kuvunukwa ukwiza, lelo ivicitwa vinu iviipe vikucincizya ukwiza kwa wanda ulya.

Mika 2:2

Yene yakakumbwa ivyalo nga yavipokolola. Lino yakwata ulwiswa lwa ng'anda, iyaipoka. Kusi umuntu na ang'anda yakwe nanti vino yakwata ivyacingililwa.

Mika 3:3

Mwacita kwati mukalya antu yane, nu kuyafuwa impapa, nu kukontola amafupa yao, nga nu kuyaputolela mu ntendo ungati inyama.

Mika 6:12

Antu akama yakaliila auze pa mutwe. Antu yonsi antumpu, yikalila sile ukusomba.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.