Ezekelo 6:9 - Amazwi Yakwe Leza 2013

⁹ Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Ezekelo 6:9 ပူးပေါင်းရင်းမြစ်များ

2 Yamwene 16:10

Lyene Aazi aya uku Damasiko uku kukomenkanya Tigilati Pilesa umwene waku Asilya. Alino atumila simapepo Uliya icipimo ca kavuwa wa cilangililo cakwe cico cino caya vivi kwene sile ndi muno kakuulilwa.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Masamu 137:1

Uku nguzi zyaku Babiloni, twatangi nga twikala pansi twalilanga na minsonzi apa kwiusya Zioni.

Masamu 78:40

Pasi pa maila nu wingi lino yasangukilanga Leza umu lwanga nupya pasi pa maila nu wingi, lino yamusakamikanga!

Ezaya 43:24

Mwemo musisumba ulupiya lwinu apakunkalila ubani, nupya musifika penepo apakunsansamusya na mafuta ya nyama zinu. Mwemo mwakomela sile ukuncuzya pamulandu nu uyi winu, nu kumfisya uku mwenzo uku uyi winu uno mukacita.

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Ezaya 7:13

Lyene Ezaya avwanga ati, “Uvwa kuno, we mwizikulu wakwe Davidi! Wemo wamanya mpiti ukuti ukucuzya antu icintu cimwi iciipe sana. Ale lyene icani fwandi cino wemo ukulonda ukucuzya nu Mwene Leza wane kwene?

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 3:6

Umu manda ya utesi wa mwene Yosiya, Yawe wanenyile ne Yelemiya ati, “Uzye watulola ivyativicita umutalami Izlaeli? Vino akakwela apa mwamba utali uuli onsi. Aya nu mwisika lya cimuti icilembe cili consi nu kucita uzelele.

Yelemiya 51:50

Mwemuno mwapuswike ku lupanga lwakwe, fuminimo mutasyala mwenemo. Mwaiusya ne Yawe umu mpanga ya kutali nupya mwaiusya na Yelusalemu.

Ezekelo 12:16

Lelo ndasyako anono ampendwa yano yalapusuka ku nkondo, ku cipowe nu ku mpungo, apakuti uku nko zyuze kuno yalaya yalamanya ukwipa kuno imicitile yao yaipa. Lyene yazumile ukuti nene indi Yawe.”

Ezekelo 16:43

Wemo wakana ukwiusya amanda ya ukazyana wako, ukansonsomba na muli vii vyonsi. Nani kwene fwandi ndakuwezezya imicitile yako pa mutwe wako. Ivyalanda ne Yawe Simwandalali. Uzye kwene ukunena ndi vino utacisile iviipe umu mipitile yako iyamuselu?

Ezekelo 16:61

Lino ndatoola yakaci yauzo, nyokolenzi nu muto wako, nu kuyapeela kunuli, ukuti yangaya ana yako, nanti ntalavile ulayo uno napangine nawe, nga alino nawe uliusya imiyele yako yampiti ni nsonyi zilakulema.

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Ezekelo 20:24

Na cino nacitile cico apamulandu wakuti yene yasuuzile vipope vyane, yasuula kumwi ni Sabata lyane lyamuzilo, yafukamila utuluwi kwene tutu twa vikolwe vyao.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 20:43

Alino mulaiusya ivintu vyonsi vyawinyi vino mukacita, navino mukaikowezyako mwe eneco. Ku mwenzo kulasalokwa pamulandu wa vintu viipe vyonsi vino mukacita.

Ezekelo 20:7

Nemo nayanenyile ukusumba utuluwi twao utwipisye tuno yatemwa, nayanenyile nu kufuntunka ku ukowezya wa tuluwi, tuleza twaufi twamu Eguputo, pano nene nenga mpo indi Yawe Leza wao.

Ezekelo 23:30

Ukulukusi wako na uciizelele wako ivilakuletelela amacuzi. Pano pakucita uzelele ni mitundu, wemo waikowezya ku tuluwi twaiko.

Ezekelo 5:13

“Uluvwikisya apapela icipyu cane nu ukali wane ukufika sile na pano cilasilila. Lino vyonsi vivyo vilafikila, lyene mulasininkizya ukuti nemo ne Yawe navwanzile ukuti ndafulula ucisanguka wako.

Ezekelo 6:10

Yalamanya ukuti nene indi Yawe Leza, nu kuti vino nayasokanga vitali vyanseko foo.”

Ezekelo 7:16

Yayo alapusuka yalapukila mu myamba, lelo ndayakoma yonsi wa vipeele, cila muntu apa maifyo yakwe.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Amosi 2:13

“Uvwini, nemo ndamusyunola apa musili nupya mulalila wa maceleta yano yati yanyomelwa ni visendo vya ngano.

Mika 5:13

Ndonona amaunkolanya inu yonsi kumwi ni vipilala vya mawe vino mukapepela penepo mu mpanga inu. Mutalatala mufukamile vintu vivyo nupya, vino mwapanzile na makasa inu.

Zakaliya 10:9

Nanti nayasalanganyizizya mu inamasi, lelo namo kwene yalanjiusya mukwene muno yali. Yene yalapusuka pamwi na ana yao, nu kuwelulukila pamwi kumwao.

Mpendwa 15:39

Fwandi muli nu kucita vivyo kwene pakuti insita yonsi ndi mwazilola, imwiusya amasunde yakwe Yawe, pakuti mwayela kuti mutaca mumufutatile nu kulondela ulunkumbwa lwa mu myenzo inu nu lwa mu manso inu.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.