Ezekelo 6:7 - Amazwi Yakwe Leza 2013

⁷ Antu yalafwa ntangali ntangali, na alasyalapo alino yalasininkizya ukuti fwandi nene indi Yawe.

Ezekelo 6:7 ပူးပေါင်းရင်းမြစ်များ

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

Kufuma 14:18

Lino ndacimvya vita vyao, alino aina Eguputo yalamanya ukuti Nene indi Yawe.”

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Yelemiya 25:33

Uwanda ulya yano yalakomwa kuli Yawe yalasalangana ntangali ntangali ukufuma ku mpela ya mpanga ukufika nu ku mpanga yuze. Na kaloosya aluulila kumwi. Kusi alayakonganika nanti ukuyaziika. Yalasyala yatambalile pa musili.

Nyimbo zya ndosya 4:9

Yayo akomilwe ku lupanga yasyusile wakwe cimwi ukuluta yano yafwile pacisila, yayo yongokanga panono panono, apa kuulilwa ivyakulya kuti yaye nu umi.

Ezekelo 11:10

Mulalukuta muno mpanga yakwe Izlaeli uku lupanga. Ndalinganya apakuti mukamanye ndivino icumi nene indi Yawe.

Ezekelo 11:12

Alino mulamanya ukuti nene Yawe, wino mwakananga ukulondela amasunde yane nu kuwaka ivipope vyane, mukulondelela sile imisango ya mitundu ino yamuzinguluka umu mbali.”

Ezekelo 12:15

Lyene yalamanya ukuti nene indi Yawe, nene nayasalanganyizizya mu nko zyuze nu kuyasansanta mu mpanga izivule.

Ezekelo 12:19

Unene aikala mpanga ilya uti, ‘Avino Yawe Simwandalali walanda pamulandu wa ikazi amu Yelusalemu pamwi na amu mpanga ya Izlaeli. Uyanene ndi vino yene yalalya icakulya cao ni sakamika ilikulu. Nupya yalakanka sile uku ntete pa nsita ino yakumwa amanzi. Umu mpanga inu mutalasyala kantu nanti kamwi, pamulandu wa umpulamasunde wakwe yayo yonsi aikala mwenemo.

Ezekelo 13:14

Ndawisya ilinga lino mwakupawilile nu mula, ndalisumba pansi nu kusya imifula pambiliwili. Lilawa, namwe kwene lice limwilikizye, nu kumulovya. Alino mulamanya ukuti nene indi Yawe.’

Ezekelo 13:21

Ndalepola ni vitambala vinu vyaku mitwe nu kukulula antu yane ku makasa yinu, yatakatale nupya iyaya umu makasa yinu wa nyama zino yakalunga. Alino lyene mulamanya ukuti nene indi Yawe.

Ezekelo 13:23

Lelo ukuya kwene, mutalatala nupya mulole ivilolwa vya uwelewele nanti ukusowela ivyaku nkolelo. Pasi pano ndakulula antu yane ku makasa yinu. Alino mulasininkizya ukuti nene indi Yawe.”

Ezekelo 13:9

Nkutumpula ikasa lyane nu kukatusya nu kulwisya yakasema ya vya uwelewele. Yatalazumiliziwa ukwiza umwitengo lya yantu yane, yatalalembwa nu mu lupapulo lwakwe ya mwana Izlaeli. Alino mulamanya ukuti nene indi Yawe Simwandalali.

Ezekelo 14:8

Kuli kuti ndapezya umuntu wiyo nu kuleka ukuti aye icakulolela kweneko kuli yauze. Ndamusukula mu antu yane nga lyene mulamanya ukuti nene indi Yawe.

Ezekelo 15:7

Kwene namasumbangako amanso yane pano yali apakuyalwisya. Yati yapusuka uku moto, lelo umoto uliza uyalye. Alino mulamanya ukuti nene Yawe, lino ndasumba amanso pa kumulwisya.

Ezekelo 20:26

Nupya nayatile ukuti yakweyowezya aisikulu ku mawila ni mpolelwa zyao, apakuleka ukuti yatoola na ana yao aonsi amayeli nu kuyoca impolelwa. Na cino nacitile cico apakuyafulula, na pakuyalanga ukuti nene nenga mpo indi Yawe.

Ezekelo 20:38

Pali mwemwe kwene ndafumyapo yacisanguka antalamila. Kwene ndayafumya mu mpanga muno yacili yakwikala, lelo ntalayata ukuti yakawelele mu mpanga ya ina Izlaeli foo. Lyene alino mulasininkizya ukuti nene indi Yawe.

Ezekelo 20:42

Lino ndamuwezezya mu mpanga ya Izlaeli, ino nalavile ukupeela ivikolwe vinu, alino mulasininkizya ukuti nene indi Yawe.

Ezekelo 20:44

Mwemo mwe ina Izlaeli, mulasininkizya ukuti nene indi Yawe, pano nemo nsimucita ukulingana ni mipitile inu iipe, ni misango inu ivulungane, awe. Vino nemo ndamucita, ivyakusunga sile umucinzi wane epela. Ivyalanda ne Yawe Simwandalali.”

Ezekelo 22:16

Cacumi, ulazewana pa manso ya antu ya mitundu yuze, nu kumanya ulamanya ukuti nene indi Yawe.”

Ezekelo 23:49

Alino lyene namwe, mwe yakaci yaili, nemo ndamufulula pa ukulukusi winu na pa uyi winu wakupepa tuluwi. Alino mulamanya ukuti nene indi Yawe Simwandalali.”

Ezekelo 24:24

Akuli Ezekelo ali kuno mwailolela vyakucita. Na cico lino cilafikila, alino mulamanya ukuti fwandi nene indi Yawe Simwandalali.’ ”

Ezekelo 24:27

Na pa wanda kwene uno ulalanda ku mbutusi iyo, ulavwanga nu kupola kuli uciulu. Ulaya icilangililo kunoyali, nga nayo yalamanya ukuti nene indi Yawe.”

Ezekelo 25:17

Ndayavunuka nu kucita cilanduzi kunoyali. Yalalola apapelela icipyu cane. Alino lyene yalasininkizya ukuti nene indi Yawe.”

Ezekelo 26:6

Antu ya mitundu yuze yalazanza Tuli, yalakoma na antu aikala mu mizi ino yafumamo ino yayela mu milundu. Nga alino aina Tuli yalasininkizya ukuti nene indi Yawe.’ ”

Ezekelo 28:23

Alakuponyezya impungo nu kuzwisya uwazi mu miseo yako, na akomwe yalaponela ku lupanga, ululakwizila ukufuma konsi konsi. Alino yalamanya ukuti nene indi Yawe.’

Ezekelo 30:26

Ndasalanganyizizya aina Eguputo umu nko zyuze nu kuyasansantila mu mpanga izivule. Alino lyene yalamanya ukuti nene indi Yawe.”

Ezekelo 32:15

Eguputo ndamusangula ulwanga, nupya ndonona impanga ilya yonsi, nga lino ndakoma yonsi aikala mwenemo alino yalamanya ukuti nene indi Yawe.

Ezekelo 35:15

Pamulandu wakuti wasansamwike, lino impanga ya ng'anda yakwe Izlaeli yasangwike ulwanga, nawe kwene avino ndakucita umusango uli onga kwene. Ulaya ulwanga, we mwamba wa Sili, pamwi ni mpanga yonsi yakwe Edomu. Lyene alino yalamanya ukuti nene indi Yawe.”

Ezekelo 38:23

Ali vino nemo ndalanga antu ya mitundu yuze ukuti nene mukulu, nupya nene mucindami. Ali lino antu yalasininkizya ukuti fwandi nene, indi Yawe.”

Ezekelo 6:13

Ivyala vyao vilaya sile ntangali ntangali, kumwi nu tuluwi twao kwene. Vilaya sile monsi monsi umu mbali ya tuvuwa twao, vilaya ntangali ntangali pa twamba tonsi ututali, na papela ya myamba yonsi, nu mwisika lya miti yonsi itambilile, nu mwisika lya miti yonsi ilembe, kuli kuti apali ponsi sile pano yakatuulila utuluwi impolelwa zyakoca. Nga alino yonsi yalasinkizya ukuti fwandi nene indi Yawe.

Ezekelo 6:6

Imisumba yonsi yamu Izlaeli ilasanguka vitalang'anda, ni ncende muno yakapepela utuluwi zilononeka, utuvuwa nato tulononeka kumwi nu tuluwi kwene. Tuvuwa twakocelapo ubani tulasandoka na vyonsi vino yapanga navyo vilononekelela kumwi.

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Ezekelo 7:4

Ntakumupanya, nupya ntakumutezela foo. Namamufulula pamulandu wa vintu vyawinyi vino mwemo mwacita, ali pakuti musininkizye ukuti nene indi Yawe.”

Ezekelo 7:9

Ntakukulola luse luse, ntakukutezela foo, pano namalinganya pa miyele yako na pa vicitwa vyako iviipe, ivikaloleka mukasi kako. Lyene alino mulamanya ukuti nene indi Yawe wino akafulula.”

Ezekelo 9:7

Nga nupya Leza anena ati, “Kowezini ing'anda ino yakumpepelamo. Mu misolo yakweyo tulumalikini ivyala vya antu. Pitangini!” Caleka nayo yapita yatandika ukukomola antu mu musumba.