Ezekelo 6:3 - Amazwi Yakwe Leza 2013

³ Yanga ukanene myamba yamu Izlaeli pakuti yuvwe izwi lyane, ne Yawe Leza, yuvwe vino nkuinena, navino nkunena utwamba ni mikonko, na manyika, ukuti nemo ndiza nu lupanga ku konona incende zino antu yakapepelamo utuluwi.

Ezekelo 6:3 ပူးပေါင်းရင်းမြစ်များ

1 Yamwene 14:23

Yene yaikuulile utuvuwa, ni vipilala vyamuzilo nga nu unkolanya wakwe Asyela pa ncende zyonsi zino yakapepela mwenemo nu mwisika ya visao vya miti.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Ezaya 30:25

Uwanda uno amalinga ya anisi inu yalapokwa nu kukomolelwamo antu yano yikala mwenemo, ali lino mu myamba yonsi mulafunkuka tufukoka twa manzi.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Yelemiya 22:29

Iye mwe we mpanga we! Mpanga we!” Si uwauvwa izwi lyakwe Yawe!

Yelemiya 3:23

Cumi kwene ivintu vino vikacitika apapela ya twamba pamwi ni viila ivyayapo vyene ivyaufi utupu tupu. Yawe Leza witu mpo, ali kazwa witu swe ina Izlaeli.

Yelemiya 3:6

Umu manda ya utesi wa mwene Yosiya, Yawe wanenyile ne Yelemiya ati, “Uzye watulola ivyativicita umutalami Izlaeli? Vino akakwela apa mwamba utali uuli onsi. Aya nu mwisika lya cimuti icilembe cili consi nu kucita uzelele.

Ezekelo 36:8

Mu myamba yamu Izlaeli mwene mulamela imiti nupya nu kuseekamo iviseekwa ivyakuti muce mwalya mwe ina Izlaeli, mwe antu yane pano mwasya muswilile zuwazuwa ku mwinu.

Aina Levi 26:25

Ndalenga inkondo ukuya panomuli pa kumuvunuka pamulandu wa kutama upangano witu. Nupya ndi mwakongana mu misumba inu ku kuzina, indi nu kulenga indwala izisipoziwa kupona munomuli. Lyene muli nu kupatikiziwa ukucimba ku anisi inu.

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Amosi 7:9

Incende zya kupepelamo zya amu mupanda wakwe Isaki zilononwa. Incende zyakupepelamo zya ina Izlaeli zilatamolwa. Nupya ndawisya ang'anda yakwe Yeloboamu umu ulwi.”

Mika 6:1

Uvwini lyene vino Yawe akuvwanga ati, “Katuka, ulande umulandu wako pa manso ya myamba. Si leka ni milundu yuvwe amazwi yako.

Mika 6:2

Mwe myamba, uvwini umulandu uno Yawe wasiika, namwe kwene mwe mifula yamuyayaya ya nsi ii. Pano Yawe akupeela antu yakwe umulandu. Wene akupeela aina Izlaeli umulandu.”