Ezekelo 5:6 - Amazwi Yakwe Leza 2013

⁶ Lelo Yelusalemu wii, wene wakana ukulondela amasunde yane, waipisya ukuluta imitundu yuze, watalama ukuluta ni mpanga zyuze zino zyamuzinguluka. Yelusalemu wakana ukusunga vipope vyane na masunde yane.

Ezekelo 5:6 ပူးပေါင်းရင်းမြစ်များ

2 Yamwene 21:11

“Manase umwene waku Yuda watacita ivintu vii iviipe ivilusile vino aina Amoli yacita, yayo amukolelile. Nupya aliwe kwene uwalenga kuti aikazi amu Yuda yaifya apa kupepa utuluwi twakwe.

2 Yamwene 21:9

Lelo aikazi amu Yuda yatatontelanga Yawe foo. Manase walenzile nu kuti yacita ivintu iviipe, ivilusile na pali vino inko zino Yawe wononyile zyacitanga, lino aina Izlaeli yayanga mwenemo.

Neemiya 9:34

Ivikolwe vitu, yamwene itu, intunguluzi zitu, na yasimapepo itu, yonsi yakanyile kulondela amasunde yako. Yakana ukuwaka amalamulo yako navino wayasokanga.

Neemiya 9:35

Lino yali umu mpanga yao isalale ino wayapile, iyo iyali ivunde, ivyuma vya mwenemo ala vili mbwee, lelo nalyo kwene yaposiwe ukuzenzuka nu kukutumikila.

Masamu 106:20

Yezya uwamuzilo umucindami yalondelela icinkolanya iciluwi ca ng'ombe yonsi, ikalya umulemvwe.

Masamu 78:10

Yatasunzile ningo upangano uno yapangine na Leza, yakanyile nu kulondela amasunde yakwe.

Kufuma 16:28

Lyene Yawe auzya Mose ati, “Uzye kufika insita cii lino mumakana kuyela malamulo yane?

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Ezekelo 11:12

Alino mulamanya ukuti nene Yawe, wino mwakananga ukulondela amasunde yane nu kuwaka ivipope vyane, mukulondelela sile imisango ya mitundu ino yamuzinguluka umu mbali.”

Ezekelo 16:51

“Iviipe vino Samaliya wacitanga, vyacepapo apa viipe vino wemo ukacita. Wemo wamuluta umukucita ivintu vyawinyi, icaleka na yakaci yauzo yakaloleka yakacita ya vyaololoke kuluta wewe.

Danieli 9:15

“Caleka ndakai twatitwifya kunuli, we Mwene Leza witu, wemuno walumbwike lino wafumizye antu yako umu Eguputo, ku maka yako akulu, nga antu yacili iusya amaka yako.

Danieli 9:5

“Silola vino twifya nu kucita inkota. Twakutalamila nu kufutatila amalamulo na masunde yako.

Danieli 9:8

We Mwene, ala sweswe kumwi na yamwene itu, na yakateeka itu nga ni vikolwe vitu twaipupanya pamulandu wakuti twifya kunuli.

Zakaliya 7:11

“Lelo antu nayo ku mufulo sile yakana ukuuvwa, yene ku kutalama kwao sile, yakana ukwika amano kuli vii vyonsi.

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.