Ezekelo 5:2 - Amazwi Yakwe Leza 2013

² Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Ezekelo 5:2 ပူးပေါင်းရင်းမြစ်များ

Yelemiya 13:24

Ala mwemo yayame Yawe alamwelulula wakwe cungu. Mulasendwa nu muza uno ukafuma mu lwanga.

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 38:2

“Yawe wavwanga ukuti, wiyo wensi uwala wasyala umu musumba uu, alafwa uku nkondo, uku cipowe, nu ku mpungo. Lelo wiyo wino wafuma mwenemo nu kuya uku lusansa lwa ina Babiloni, alapususya umi wakwe. Alapuuka nu umi wakwe, nu kwikala uwa umi.”

Yelemiya 39:1

Mu mwaka walenga fundimbali mu mwezi walenga ikumi wa kuteeka kwakwe Zedekiya mu Yuda, Nebukadineza umwene waku Babiloni wizile ni vita vyakwe vyonsi ku kwiza lwisya umusumba wa Yelusalemu

Yelemiya 39:2

Mu mwaka walenga ikumi na onga, uwa kuteeka kwakwe Zedekiya, mu mwezi wakwe cini, apa wanda walenga fundimbali, ilinga lyamokolwa.

Yelemiya 9:15

Acino wemo unguvwe, uvwe vino namacita ne Yawe Wamaka yonsi, Leza wa ina Izlaeli. Namaliisya antu yane ivilule, namayamwesya na manzi umuli sumu.

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”

Ezekelo 12:14

Yonsi aikala apipi na aliwe, yakazwilizya yakwe nga ni vita vyakwe, ndayasalanganyizizya ku ntunga zyonsi zya nsi. Ndayazinganya nu lupanga mu minwe.

Ezekelo 17:21

Ivita vyakwe vyampomvu vilapona pansi ku lupanga na alasyala impondo yalasalanganila mu ntunga zyonsi. Alino lyene mulamanya ukuti anene ne Yawe nalanda.”

Ezekelo 5:10

Munuli wemo we Yelusalemu, ali muno akwasi yalaalya ana yao, nga na ana nayo yalaalya akwasi yao. Ala ndakufulula na alasyalapo apuma nayo ndayasansantila monsi.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Ezekelo 5:3

Utoole inyele zimwi uzinyepe uku cisempe ca nsalu yako.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Zakaliya 13:8

Yawe Wamaka yonsi wavwanga wati, “Alino mu mpanga yonsi apa vipande vitatu vya antu, palakomwa vipande vili. Lelo mulasyala icipande conga.