Ezekelo 5:14 - Amazwi Yakwe Leza 2013

¹⁴ Antu yonsi amitundu yakuzinguluka lino yakupita, yalakuwela sile.

Ezekelo 5:14 ပူးပေါင်းရင်းမြစ်များ

Neemiya 2:17

Lelo nayanenyile inti, “Mwe yayame, silolini intazi ino tukweti pamulandu wakuti musumba wa Yelusalemu usile amatongwa. Impongolo zyakweo zyonsi nazyo izyononeke! Silekini tumane akapi, tukuule cipya cipya ilinga lya mawe, nga tumasisya umuzewanya pakasi kitu.”

Yelemiya 19:8

Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Yelemiya 23:40

Nupya ndayaletela ukupupana kwa muntaputuka ni nsonyi izilayelelela pee, ukwaula kwililika.”

Yelemiya 42:18

“Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Nyimbo zya ndosya 1:4

Kusi nanti wenga wino akuya nupya ku Ng'anda ikulu yakwe Leza ku kupepa umu manda amuzilo. Akazyana yano iimbilanga inyimbo pasi pakucula. Yasimapepo nao yakuteta. Impongolo zya musumba zili pwanku. Icumi kwene Zioni ali umu ucuzi.

Nyimbo zya ndosya 1:8

Yelusalemu waifya apakalamba, nga acino wataikowezya asyala tupu! Yonsi amucindikanga mpiti yatiyamusuula. Ali cino lyene akufuteka nu kuvimba apa manso pamulandu ni nsonyi.

Nyimbo zya ndosya 5:18

pamulandu wakuti Mwamba wa Zioni mutacili umuntu, nga yankusa yakapita mu vitalang'anda vyakweo.

Ezekelo 12:20

Imisumba muno mwikala antu tupu, ilawa ni mpanga ilasanguka amatololo. Alino mulamanya ndi vino nene indi Yawe Leza.’ ”

Ezekelo 16:57

lino yatacili yakuzule usyale tupu? Fwandi lyene awewe kwene wino yakusoweka ku ana yakwe Edomu anaci, ku anaci yonsi amu mbali zyako nu ku anaci aina Filisti. Ala yakusuula kuli yonsi akuzinguluka.

Ezekelo 22:4

Acino pamulandu wa kukoma antu nupya waikowezya ku tuluwi tuno waipangila. Caleka amanda yatiyakuzana, ni mpela yako yatifika. Acino nani ndaleka antu amu nko zyuze yakusoweke na amu mpanga zyuze nayo yakuseke.

Ezekelo 23:32

Ne Yawe Simwandalali nakunena ukuti, nawe kwene ulamwela mu lwako lwakwe nyokolenzi, mu lwako lukulu nupya luzike. Antu yonsi yalakuseka nu kukuweleketa, pano ivilatapwilwa mwenemo vilazulisya.

Ezekelo 33:28

Ndasangula impanga iye ulwanga, umutaya akantu nanti kamwi. Ndamala ni cilumba ca maka yao. Imyamba yamu Izlaeli ilononeka, mutalaya nu wakupita mwenemo.

Ezekelo 36:34

Yonsi akapita mu vyalo vinu yakalola vino vyasapilwa, lelo nemo ndaleka ukuti muce mwalimamo nupya.

Ezekelo 6:6

Imisumba yonsi yamu Izlaeli ilasanguka vitalang'anda, ni ncende muno yakapepela utuluwi zilononeka, utuvuwa nato tulononeka kumwi nu tuluwi kwene. Tuvuwa twakocelapo ubani tulasandoka na vyonsi vino yapanga navyo vilononekelela kumwi.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.