Ezekelo 5:13 - Amazwi Yakwe Leza 2013

¹³ “Uluvwikisya apapela icipyu cane nu ukali wane ukufika sile na pano cilasilila. Lino vyonsi vivyo vilafikila, lyene mulasininkizya ukuti nemo ne Yawe navwanzile ukuti ndafulula ucisanguka wako.

Ezekelo 5:13 ပူးပေါင်းရင်းမြစ်များ

Ezaya 1:21

Iye mwe vino umusumba wacumi watiusanguka wakwe cizelele! Zioni umusumba umwazile uwololoke, ali muno lyene mwatimuzula yacikoma.

Ezaya 1:24

Ali cino fwandi Yawe Wamaka yonsi, Wamaka wilya wa ina Izlaeli wavwanga wati, “Ndalandula kuli mwe anisi yane, nu kuncuzya mutalancuzya nupya foo.

Ezaya 59:17

Amazwala uwololoke wa cela cakucinga icisao cakwe. Ufyusi ali cisote ca cela ku mutwe wakwe. Icilanduzi ali mwingila uno amazwala nu kuipombelekezya mwi laya lya ukali.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 15:9

Nyina wi kwata cinimbali alazyenguka, mpaka umwenzo ukuputuka. Uluswepo lwakwe lwa kasanya lulasanguka imfinzi. Wene insonyi zilamulema mpaka azewane. Yao aalasyala impondo, yalayamalila ku anisi yao. Ne Yawe natindanda.”

Yelemiya 25:12

Imyaka iyo ndi yasila alino nemo ndavunuka umwene waku Babiloni, kumwi na antu amutundu kwene ulya, apa kwifya kwao. Ndonona impanga yao nu kuisya sile ntangali ntangali.” Ivyalanda ne Yawe.

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Ezekelo 13:15

Lino ndamalila uku myalalika icipyu cane apa kuwisya ilinga nu kupezya yano yakupawilile na cipau, alino ndamunena ukuti, ‘Asipapo lyene ilinga lisipo kumwi na yano yakupawilile na cipau,

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 16:42

Avino ndamyalalika icipyu cino nakukwatila. Alino uzuwa wane ulakutaluka, umwenzo wane ulamyalala, nu ukali wane ulasila.

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Ezekelo 17:21

Ivita vyakwe vyampomvu vilapona pansi ku lupanga na alasyala impondo yalasalanganila mu ntunga zyonsi. Alino lyene mulamanya ukuti anene ne Yawe nalanda.”

Ezekelo 20:21

“Lelo nupya kwene inkulo iya nayo kwene yansangukile. Yene yasya umwi sunde lyane, yakana nu kuwaka ivipope vyane, ivintu ivilinzile kuyaletela yonsi umi ndi yakuvilondela. Yasuulila kumwi ni Sabata kwene. Nani ali pakulonda kuyafulula ukali ukali nu kuyakoma yonsi mumu kwene mu lwanga.

Ezekelo 20:8

Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Ezekelo 21:17

Nga nani kwene namakomela inkufi ni cipyu cane cimasila. Ivyalanda ne Yawe Simwandalali.”

Ezekelo 21:22

Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.

Ezekelo 23:25

Ndaleka yakutakanye cipyu cipyu, pano nemo ninkusokela. Yalakuputula impuno na matwi, yalakoma na ana yako. Yalakupoka ana yako aonsi na anaci, yakayoce nu mu moto.

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Ezekelo 43:8

Lino yakuuzile viimbili vya milyango yao apipi ni ciimbili ca mulyango wane, na maingwe yao apipi na maingwe yane, yasya sile ulung'umba longa apakasi kao na kane, yene yasawisye izina lyane lyamuzilo uku vicitwa vyao vyawinyi. Acino nani nayononyile ku ukali wane.

Ezekelo 6:10

Yalamanya ukuti nene indi Yawe Leza, nu kuti vino nayasokanga vitali vyanseko foo.”

Ezekelo 6:12

Akutali yalafwa ku mpungo, amupipi yalafwa ku nkondo. Asyalapo nayo yalafwa ku cipowe. Yalasininkizya vino icipyu cane cikapezya antu.

Ezekelo 7:3

Impela yafikila. Ndakutumila ukali wane, ndakupingwila kulingana ni miyele yako, nupya ndakulolwesya pa vicitwa vyako vyonsi vitaiipila.

Ezekelo 7:8

Nasya nkuletele icipyu cane nu kuvuzya ukali wane pa kukufulula. Namakupingwila kulingana ni miyele yako nu kukulolwela pa vicitwa vyako vitaiipila.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 9:2

ne Danieli napitulwike mu Malembelo yamuzilo ukulingana na mazwi yano Mwene wanenyile kasema, nga niluka ukuti Yelusalemu alaya wa citalang'anda apa myaka amakumi cinimbali.

Oseya 10:10

Lino nkasi ukuvunuka antu aipe yaa, ndawela nu kwiza yavunuka. Antu amu mitundu yuze yalumana akapi nu kuyakatukila, nga nayo yalavunukwa apa uyi wao.

Zakaliya 6:8

Lyene umungeli anena ati, “Walola, zizi zino zyalungime uku katutu ku mpanga ya Babiloni, ali zino zyatekizye Yawe umwenzo, pasi pano walanga wene watasoka.”

Malango 28:63

Wakwe vivi kwene vino Yawe watemilwe ukuti muye nu longo nu kusanda mu mpendwa, ali vino wene alatemwa nu kumonona nu kumupekesa. Alamulovya ukwaula kusyalapo nanti wenga mu mpanga iyo ino mwasya mupoke nu kwikala mwenemo.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.