Ezekelo 5:12 - Amazwi Yakwe Leza 2013

¹² Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Ezekelo 5:12 ပူးပေါင်းရင်းမြစ်များ

Ezaya 1:24

Ali cino fwandi Yawe Wamaka yonsi, Wamaka wilya wa ina Izlaeli wavwanga wati, “Ndalandula kuli mwe anisi yane, nu kuncuzya mutalancuzya nupya foo.

Yelemiya 13:24

Ala mwemo yayame Yawe alamwelulula wakwe cungu. Mulasendwa nu muza uno ukafuma mu lwanga.

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Yelemiya 15:9

Nyina wi kwata cinimbali alazyenguka, mpaka umwenzo ukuputuka. Uluswepo lwakwe lwa kasanya lulasanguka imfinzi. Wene insonyi zilamulema mpaka azewane. Yao aalasyala impondo, yalayamalila ku anisi yao. Ne Yawe natindanda.”

Yelemiya 21:9

Wiyo wensi wino alasyala mu musumba uu alafwa ku lupanga, ku cipowe nu ku mpungo. Lelo wiyo wensi wino alafuma mwenemo nu kucimbila aina Babiloni yano yati yauzinguluka, wene alapita ulumi nupya alapususya umi wakwe.

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 42:22

Fwandi mucimanye ukuti mulafwa ku lupanga, ku cipowe nu ku mpungo mu ncende ino mukulonda ukuya mu kwikalamo.’ ”

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yelemiya 9:15

Acino wemo unguvwe, uvwe vino namacita ne Yawe Wamaka yonsi, Leza wa ina Izlaeli. Namaliisya antu yane ivilule, namayamwesya na manzi umuli sumu.

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”

Ezekelo 12:14

Yonsi aikala apipi na aliwe, yakazwilizya yakwe nga ni vita vyakwe, ndayasalanganyizizya ku ntunga zyonsi zya nsi. Ndayazinganya nu lupanga mu minwe.

Ezekelo 14:17

“Nanti uzye ndi naponya inkondo umu mpanga kwene iyo nu kupeela ilamulo lyakuti inkondo isansantike mu mpanga kwene iyo nu konona antu kumwi ni nyama,

Ezekelo 14:19

“Nanti naponya impungo apa mpanga iyo nu kupongolwela mwenemo ukali wane apakuzwisya uwazi, kukomola antu avule kumwi ni nyama kwene,

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 16:42

Avino ndamyalalika icipyu cino nakukwatila. Alino uzuwa wane ulakutaluka, umwenzo wane ulamyalala, nu ukali wane ulasila.

Ezekelo 21:22

Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Ezekelo 33:27

“Caleka yanene uti, ‘Yawe Simwandalali walapa wati, Awe cumi kasili, antu aikala mu matongwa yalakomwa umu nkondo. Na yano yikala mu mpanga ndaleka yalike ku nyama zyamu mpanga. Na yano yafisama mu macele nu mu myamba nayo yalafwa ku mpungo.

Ezekelo 36:19

Nayapile umulandu pa mikalalile yao, na pamicitile yao, alino kuyasalanganya na yasalanganyizizye umu mpanga zya antu ya mitundu yuze.

Ezekelo 43:8

Lino yakuuzile viimbili vya milyango yao apipi ni ciimbili ca mulyango wane, na maingwe yao apipi na maingwe yane, yasya sile ulung'umba longa apakasi kao na kane, yene yasawisye izina lyane lyamuzilo uku vicitwa vyao vyawinyi. Acino nani nayononyile ku ukali wane.

Ezekelo 5:10

Munuli wemo we Yelusalemu, ali muno akwasi yalaalya ana yao, nga na ana nayo yalaalya akwasi yao. Ala ndakufulula na alasyalapo apuma nayo ndayasansantila monsi.

Ezekelo 5:17

Ndakuletela cipowe, ndakutumila vilyanyi vyakukoma ana yako, ndakuletela impungo, ni mpanzela alino nu kukukatusizya inkondo pakuti yace yakukome. Ivyalanda ne Yawe.”

Ezekelo 5:2

Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Ezekelo 6:8

“Yamwi ndaleka yakapusukepo, nu kusansantikila mu mitundu yuze.

Ezekelo 7:15

Ukunzi kuli inkondo, mukasi muli mpungo ni cipowe. Wiyo alazanwa mu mpanga alafwa ku lupanga, na wino alazanwa mu musumba icipowe ni mpungo vilamulya.

Ezekelo 7:3

Impela yafikila. Ndakutumila ukali wane, ndakupingwila kulingana ni miyele yako, nupya ndakulolwesya pa vicitwa vyako vyonsi vitaiipila.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Amosi 9:9

“Pano ndapeela ilamulo, alino ndapukanya aina Izlaeli ku na ku pakasi ka mitundu yonsi ya antu ndi vino yakapukanya imbezu mu lunyungo, nga kutalaya akaliwe konga akalaponela pansi.

Zakaliya 7:14

Pali pakuvwanga ati, ‘Uli mulandu kwene ukalenga ukuti nasalanganyizizya antu yane mu mpanga zya inamasi. Mpanga itaizipila apali pakuisyalila amapooli, umwaula nanti umwi wakwikalamo.’ ”

Malango 28:65

Mutalatala muzane umutende ukuli konsi, nanti kukwata uwikalo uwakwinu. Kuku kwene akuno Yawe alamulenga ukukwata intete, mulaponzya upaalilo, nupya mulatovoka.

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.