Ezekelo 47:3 - Amazwi Yakwe Leza 2013

³ Alino umuntu wiyo uwali nu mwando wakupimilako umu minwe yakwe, apima na mamita imyanda isano kutentemukila kuno kaluzi kakonkolokonga. Ali pakundamvya uluzi na manzi yamfika mu tunkulungu.

Ezekelo 47:3 ပူးပေါင်းရင်းမြစ်များ

Ezekelo 40:3

Ampalamika umu pipi, nga indola umuntu uwayengesanga wa mukuwa. Umu minwe yakwe mwali umwando upyatwe nu usavu wakwe katani ni ntuwa ya kupimilako, ala aimilile na pa mpongolo.

Ezekelo 47:2

Amfumizya pa mpongolo yaku katutu nu kunzingulusya ukunzi, mpaka nu ku mpongolo ya kunzi yaku ufumondaka, apafumilanga amanzi lwaku kayeya.

Ezekelo 47:4

Apima amamita nayauze imyanda isano nu kundamvya uluzi, na manzi yamfika mu makokola. Nupya apima na mamita yauze imyanda isano nu kundamvya na manzi yamfika mu musana.

Zakaliya 2:1

Lyene insanzula amanso, nga nupya indola umuntu alemile umwando wakupimilako mu minwe yakwe.

Zakaliya 2:5

Yawe wavwanga ukuti aliwe umwisikulu alaya ilinga lya moto ukulizizya umusumba ulya, nu kuti acingilile umusumba nga nu kwikala mwenemo mu lulumbi lwakwe.”

Luka 24:49

Nani ndatuma panomuli cino Tata wandaya. Lelo mulinzile mulolele mu musumba, kufika lino mulapokelela maka kufuma kwiyulu.”

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Umbwilo 11:1

Pacisila cakwe cico yampela cakupimila cikoline ni nsonzo, nga mungeli anena ati, “Yanga ukapime Ng'anda ikulu yakwe Leza pamwi na kavuwa, nu kupenda yao akupepa mwenemo.

Umbwilo 21:15

Mungeli wino uwavwanzile kunondi wakweti nsonzo yakwe zaabu iyakupimila kweneko musumba ukulu, ni mpongolo zyaiko, pamwi ni linga lyauko.