Ezekelo 47:2 - Amazwi Yakwe Leza 2013

² Amfumizya pa mpongolo yaku katutu nu kunzingulusya ukunzi, mpaka nu ku mpongolo ya kunzi yaku ufumondaka, apafumilanga amanzi lwaku kayeya.

Ezekelo 47:2 ပူးပေါင်းရင်းမြစ်များ

Ezekelo 40:35

Nupya kwene, umuntu wilya wansenzile, nu kuntwala uku mpongolo yaku katutu. Atandika nu kupima impongolo. Azana nu kuti ilingine sile ni mpongolo zyuze ukukula.

Ezekelo 44:2

Nga alino Yawe anena ati, “Impongolo ii, imasyalanga vikwene iiyalwe, italatala ikayulikwe foo. Patalatala pakingililepo umuntu nanti wenga, pasi pano ali pano ningililepo ne Yawe Leza wakwe Izlaeli. Icaleka imasyalanga vivyo kwene iyalikwe.

Ezekelo 44:4

Alino umuntu wilya ampisya umu mpongolo yaku katutu andeta ku nkolelo ya Ng'anda ikulu yakwe Leza. Nalolekesya nazana nu kuti ucindami wakwe Yawe wati uzula Ng'anda ikulu yakwe Leza, alino impona pansi mfupime.

Ezekelo 47:1

Nupya umuntu wilya ambwezya ne Ezekelo ku mulyango wa Ng'anda ikulu yakwe Leza, papo apafumanga amanzi pa mulyango wa ng'anda yi pepo, nu kukonkolokela lwa ku ufumondaka kuno Ng'anda ikulu yakwe Leza yalozizye mulyango. Amanzi yakonkolokelanga mu Ng'anda ikulu yakwe Leza mwisika, ku kayeya ki lunji lya kavuwa.

Ezekelo 47:3

Alino umuntu wiyo uwali nu mwando wakupimilako umu minwe yakwe, apima na mamita imyanda isano kutentemukila kuno kaluzi kakonkolokonga. Ali pakundamvya uluzi na manzi yamfika mu tunkulungu.