Ezekelo 41:18 - Amazwi Yakwe Leza 2013

¹⁸ Yakelubi pamwi nu tuncindu ali vino vyalenzilwe penepo. Akancindu konga pakasi kakwe yakelubi yaili, nga na cila kelubi ala ali ni vinso viili.

Ezekelo 41:18 ပူးပေါင်းရင်းမြစ်များ

1 Yamwene 6:35

Visasa vivyo waviyemvizye ni vyakuwaza vikoline na yakelubi, ni vikambalala, na maluwa awalule. Vyonsi vivyo avipomela na zaabu musule.

1 Yamwene 7:29

Uku vipampa vya mbao izipapatale pali ivintu vimwi ivikuloleka wakwe yacisama, na yacipambasi na yakelubi. Alino pisika lyakwe vivyo pali ivipangwe vimwi, vipikolezye.

1 Yamwene 7:36

Nupya pa vintu vivyo ivyatungilile umupango, ni mbao zipapatale, Hulamu walenzile penepo ivikoline na yakelubi, na yacisama, alino nu tuncindu apa kacende konsi akasile penepo. Alino azifilizya ni nkata zya maluwa ukuzinguluka.

2 Milandu 3:5

Alino umu muputule ukalamba mwene yapampamile imbao zya mikelide. Alino nu kukulumbila zaabu mutuputupu. Alino iyazifilizya apakulemba apapela utuncindu uku ng'umba, na vimwi ivipikolezye ivikuloleka kwati umunyololo.

2 Milandu 3:7

Wapomile zaabu mutuputupu uku lung'umba, uku nsondo, nu ku visasa. Uku viumba aomvi iyalenga kweneko yakelubi.

Ezekelo 1:10

Icipazyo cakwevyo cali vii, cila conga cali ni cinso ca muntu. Vyonsi vini vyali ni cinso cakwe cisama ukwi kasa lilunji, vyonsi vini vyali ni cinso cakwe masaye ukwi kasa limani, vyonsi vini vyali ni cinso cakwe lyang'anda'anda uku nsizi.

Ezekelo 10:14

Cila kelubi wakweti ivinso vini. Icinso cakwe kelubi wenga cali icakwe kelubi. Cakwe ciili cali ica muntu. Cakwe citatu icakwe cisama. Alino cakwe cini icakwe lyang'anda.

Ezekelo 10:21

Fwandi cila wenga wakweti ivinso vini, amapa yani, navino vyalolekanga wavizanza vi kasa lya muntu umwisika lya mapa.

Ezekelo 40:16

Umu ng'umba zya miputule yonsi, mwali inzota lwa kunzi na lwa mukasi kwene. Apa ng'umba zya mukasi izyalozyanyizye amanso, pakalawilwe ni vilengwe vya miti ya ncindo.

Ezekelo 40:22

Umuputule wa wingililo, inzota zyakweo, nu tuncindu utulengwe pa ciumba, vyonsi vyakweti icipimo icili conga kwene ni vyaku mpongolo yaku ufumondaka. Kwali nu ukwelelo uwakweti intampulo cinimbali, uwaku kwelela apakuya uku mpongolo, nu muputule ukulu uwayelile ukumpela ulunga nu musolo wa kwi linga lya kunzi.

Ezekelo 41:17

Pa lung'umba lwa mukasi ka Ng'anda ikulu yakwe leza, palenzilwe ivintu vimwi ukuzinguluka sile ulung'umba lonsi, ukutandikila sile lwa mwisika ukuyafika na pafisile imilyango.

Ezekelo 41:20

Vyatandikile sile umwisika, ukufika sile na papelelile imilyango.

Ezekelo 41:25

Apa mulyango wa mankumbili kwene, palenzilwe penepo ya kelubi nu tuncindu, ndivino cali apa ng'umba. Alino ukunzi kwali kweneko ipaala lya mbao apa mulyango wa kwingililapo umu muputule.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.