Ezekelo 41:16 - Amazwi Yakwe Leza 2013

¹⁶ vyene vyonsi vyapampamilwemo imbao pansi, nu ku n'gumba, ukuyafika sile na pa mawindo.

Ezekelo 41:16 ပူးပေါင်းရင်းမြစ်များ

1 Yamwene 6:15

Iviumba vya mukasi vyapampamilwe ni mbao zya mikelide, ukutandikila sile pansi ukufika nu mwi paala. Alino pansi napo yapampamile imbao zya milemo yakwe paini.

1 Yamwene 6:4

Uku viumba vya Ng'anda ikulu yakwe Leza yisile amawindo yano amafulemu yingile mu ciumba lwa mukasi.

2 Milandu 3:5

Alino umu muputule ukalamba mwene yapampamile imbao zya mikelide. Alino nu kukulumbila zaabu mutuputupu. Alino iyazifilizya apakulemba apapela utuncindu uku ng'umba, na vimwi ivipikolezye ivikuloleka kwati umunyololo.

Ezaya 6:4

Icilulumo ca mazwi yao citensya maingwe nu mufula wa Ng'anda ikulu yakwe Leza, nu mu Ng'anda ikulu yakwe Leza imuzula ni cunsi tupu!

Ezekelo 10:18

Alino nupya ucindami wakwe Yawe wafumile apa wingililo wa ng'anda ya mapepo nu kwiza imilila papela yakwe yakelubi.

Ezekelo 40:16

Umu ng'umba zya miputule yonsi, mwali inzota lwa kunzi na lwa mukasi kwene. Apa ng'umba zya mukasi izyalozyanyizye amanso, pakalawilwe ni vilengwe vya miti ya ncindo.

Ezekelo 40:25

Umu miputule yapa mpongolo iyo, mwali inzota wakwe zizi kwene izyali mu miputule ya mpongolo zyuze.

Ezekelo 40:6

Nga alino nupya alungama uku mpongolo yaku ufumondaka. Atampula intampulo ukuya apapela nu kupima umulyango wa mpongolo, uno wali amamita yatatu ukuzika.

Ezekelo 41:15

Lyene apima nu utali wa ng'anda ilya ukulozya lwa ku musolo lwa ku nsizi ya Ng'anda ikulu yakwe Leza, ukwikapo ni nzila zya mukasi uku lusansa ululi lonsi. Vyonsi vyali amamita amakumi yasano. Umuputule wa wingililo wa Ng'anda ikulu yakwe Leza, Ncende Yamuzilo, ni Ncende Yamuzilo kuluta,

Ezekelo 41:17

Pa lung'umba lwa mukasi ka Ng'anda ikulu yakwe leza, palenzilwe ivintu vimwi ukuzinguluka sile ulung'umba lonsi, ukutandikila sile lwa mwisika ukuyafika na pafisile imilyango.

Ezekelo 42:3

Ku lusansa longa yalozizye cinso ku ncende iyali amamita amakumi yatatu na yani lwa mu mbali ya Ng'anda ikulu yakwe Leza. Nga ku lusansa luze nako yalozizye icinso ku museo waku musolo wakunzi. Yene yakuzilwe umu vintunti vitatu, na cila cintunti icali cisila, calusile icali uku nkolelo.

Hagai 1:4

“Mwe antu yane uzye mwemo icamuzipila icani apakuti mwemo mwaikala umu mang'anda inu ausaka lino Ng'anda yane ikulu ili icipompa?”

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.