Ezekelo 41:11 - Amazwi Yakwe Leza 2013

¹¹ Pakufuma mu miputule yamu mbali nu kwiza pa ciumba cazingulwike Ng'anda ikulu yakwe Leza, pali umulyango onga ku katutu nauze ku kayeya, ni ciumba cakupitapo catikime amamita yaili na citika monsi monsi.

Ezekelo 41:11 ပူးပေါင်းရင်းမြစ်များ

Ezekelo 41:5

Nupya umuntu wiyo wapimile umutika wa ciumba ca kunzi ya Ng'anda ikulu yakwe Leza, naco cali yamita yatatu. Alino kulondela ciumba kwene cico consi ca Ng'anda ikulu yakwe Leza kwaliko tumitande twa miputule tunono utwasintilileko, ukulu wakweto wali manye amamita yaili.

Ezekelo 41:9

Ciumba ca miputule ya mumbali ca kunzi catikime amamita yaili na citika. Pasiile apakupita lwa kunzi ya miputule yazingulwike Ng'anda ikulu yakwe Leza.

Ezekelo 42:4

Uku nkolelo ya miputule iyo kwali incende yamukasi yakupitamo, ino mu kusalala yali amamita yasano, nu mu utali yali amamita amakumi yasano. Imilyango yakweyo yalozizye uku katutu.