Ezekelo 40:8 - Amazwi Yakwe Leza 2013

⁸ Alino apima nu muputule wa kwingililamo, uno uli amamita yani. Ali uno wali umuputule wakusyalikizyapo, uno wapalamisye uku Ng'anda ikulu yakwe Leza.

Ezekelo 40:8 ပူးပေါင်းရင်းမြစ်များ

1 Milandu 28:11

Alino Davidi apeela Solomoni umwanakwe uwanziko wa Ng'anda iyo ikulu yakwe Yawe, ni vikulwa vyuze vyakweyo, ni miputule yakweyo yakusungilamo ivyuma, ni laali lyaiko, ni miputule yakweyo yamukasi nga ni ncende yakwelelapo amaifyo.

Yelemiya 31:39

Nu mwando wakupimilako ulalungama ku kamwamba ka Galebu ukusenukila ku Gowa.

Ezekelo 40:7

Ukwingila lwa kasi, mwali utumiputule twakwe yakalinda tutatu. Na cila konga kakweti amakona yani alingane, amamita yatatu umu mbali zyonsi, nu kutikama kwa viumba pakasi kaviko kwali amamita yaili na citika. Ukupitilila patumiputule twakwe yakalinda, pali akafyototi akatalimfile amamita yatatu ukutungulula uku wingililo wa muputule uwalolenkine ni Ng'anda yakwe Leza.

Ezekelo 40:9

Alino uku mpela ya muputule kwene uo kwali iviumba vino vyatikime citika wakwe mita wenga.