Ezekelo 40:7 - Amazwi Yakwe Leza 2013

⁷ Ukwingila lwa kasi, mwali utumiputule twakwe yakalinda tutatu. Na cila konga kakweti amakona yani alingane, amamita yatatu umu mbali zyonsi, nu kutikama kwa viumba pakasi kaviko kwali amamita yaili na citika. Ukupitilila patumiputule twakwe yakalinda, pali akafyototi akatalimfile amamita yatatu ukutungulula uku wingililo wa muputule uwalolenkine ni Ng'anda yakwe Leza.

Ezekelo 40:7 ပူးပေါင်းရင်းမြစ်များ

1 Milandu 23:28

Umulimo wa ina Levi wali uwakwazwa amu mupanda wakwe Aaloni mu kutumikila mu Ng'anda ikulu yakwe Yawe. Ukusunga imisolo ni miputule yakweyo, ukuswefya ivintu vyonsi vyamuzilo nu kuomba imilimo yuze yamu Ng'anda ikulu yakwe Yawe.

1 Milandu 9:26

Lelo aina Levi yamwi yani, yao ali intunguluzi zyakwe yakalinda yapa mpongolo, yapilwe umulimo wakusunga imiputule ya Ng'anda ikulu yakwe Yawe kumwi ni vyuma vya mwenemo.

2 Milandu 3:9

Insunga zyakwe zaabu zino yapampamile kweneko, kwasyalilile panono kuti zifike kuli kilogalamu wenga. Uku ng'umba zya miputule yapapela nako kwene yapomile zaabu.

2 Milandu 31:11

Alino lyene Hezekiya apeela ilamulo lyakuti antu yateyanye inkoma umu Ng'anda ikulu yakwe Yawe. Nga nayo yateyanya umwakuti yasezya.

Ezila 8:29

Mwavisunga ningo mpaka muce mukavifisye umu Ng'anda ikulu yakwe Leza. Muce mukavipimile mu miputule yakwe yasimapepo nga muce mukapeele yasimapepo yakalamba na akalamba ya ina Levi nga ni ntunguluzi zya ng'anda zya ina Izlaeli mu Yelusalemu.”

Yelemiya 35:4

Injatwala ku ng'anda yakwe Yawe yi pepo. Naingizya mu muputule wa ana yakwe Hanani, umwana wakwe Igidaliya umuntu wakwe Leza. Nu muputule uo wali mu pipi nu muputule wa vilolo, apapela nu muputule wakwe Maseya, umwana wakwe Syalumu kalinda wa mpongolo ya ng'anda yakwe Leza.

Ezekelo 40:10

Imiputule iyo yakwe yakalinda, ino yali konsikonsi umu mbali ya kafyototi, yonsi yali ilingane ukukula, nu kutikama kwa viumba nako kwene walingine sile navyo.

Ezekelo 40:21

Imiputule itatu yakwe yakalinda, ino yali itatu cila lusansa, ni viumba ivyali pakasi kaiko, nga nu muputule wa wingililo wamukasi, vyonsi vii vyali cili conga na vivi vya muputule wankolelo. Umuputule wakwe yakalinda umu utali wali amamita 25 nga mu kusalala wali amamita 12 na citika.

Ezekelo 40:29

Utumiputule, incesi nu muputule wa kwingililapo, navyo kwene vyakweti ivipimo ivili vimwi kwene. Impongolo kwene nu muputule wakwingililamo vyakweti inzota ukuzinguluka. Nu kutalimpa vyatalimfile yamita amakumi yaili na yani, umukusalala namo yamita ikumi na yaili.

Ezekelo 40:33

Ni miputule yakwe yakalinda, umuputule ukalamba, ni viumba kwene ivya mukasi, vyonsi vyalingana sile ni vyampongolo zyuze. Kwali kweneko ni nzota konsi konsi, nu mu muputule ukalamba namo kwene amuno zyali. Ni nzila iyali pakasi yali amamita amakumi yaili na yani umu utali, mu kusalala namo yamita ikumi na yaili.

Ezekelo 40:36

Nako kwene kwali imiputule yakwe yakalinda, ni viumba umukasi ivilengwepo, nu muputule onga ukulu, ni nzota cinani. Ni nzila iyalipo yakweti amamita amakumi yaili na yani umu utali, umu kusalala amamita ikumi na yani.

Ezekelo 40:8

Alino apima nu muputule wa kwingililamo, uno uli amamita yani. Ali uno wali umuputule wakusyalikizyapo, uno wapalamisye uku Ng'anda ikulu yakwe Leza.

Ezekelo 42:5

Imiputule yapapela yali ifyenkane ukuluta iyo iyali pakasi ni ya pisika, pamulandu wakuti yene yali apafuntuke ukuluta.