Ezekelo 40:2 - Amazwi Yakwe Leza 2013

² Kwati uku tulo sile, wansenzile nu kuntwaka uku mpanga ya Izlaeli nu kuntonkomalika apapela ya mwamba uutali ku lusansa lwa kukatutu ki lunji, apali icalolekanga wa musumba ukuulwe.

Ezekelo 40:2 ပူးပေါင်းရင်းမြစ်များ

1 Milandu 28:12

Wene amupeela uwanziko wa vintu vyonsi vino Mupasi wamulenzile ukwelenganyizizya imisolo ya Ng'anda ikulu yakwe Yawe, kumwi ni miputule yonsi ukuzinguluka, yakusungilamo icuma ca Ng'anda ikulu yakwe Leza, nga ni miputule yakusungilamo amawila apaatwilwa Yawe.

1 Milandu 28:19

Davidi avwanga ati, “Vi vyonsi vili mu wanziko ulembwe ukulingana na mazwi ya utunguluzi yano Yawe umwisikulu wampeela kuti mfikilizye.”

Masamu 48:2

Umwamba wakwe Leza uwa Zioni, waya utumpuke nupya uusuma. Ee, icacumi umwamba wa mwene Mucindami ukasansamusya antu yonsi aya pano nsi!

Ezaya 14:13

We muno welenganyanga uti, “Ndakwela ukwiyulu nu kuteeka icilimba cane ca wene apapela ya ntanda zyakwe Leza. Nupya ndikala apa mwamba wa ukongano, api kasa limani, lwaku ufumondaka ukutali.

Ezaya 48:2

Pano kwene mukayama mweisikulu ukuti mwemwe ikazi amu musumba wamuzilo. Nu kutaila sana muli Leza wakwe Izlaeli, wino izina lyakwe a Yawe Wamaka yonsi.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Ezekelo 20:40

“Pano Yawe Simwandalali wavwanga ukuti pa Mwamba wane wamuzilo, pa mwamba utali wakwe Izlaeli, apano ang'anda yonsi yakwe Izlaeli yalikala nu kumpepa. Apano nemo ndamuzengela, nu kupokelela impolelwa zinu, amawila inu asuma, pamwi na mawila yauze amuzilo.

Ezekelo 37:22

Ndayuminkanya pamwi apakuti yakaye umutundu sile onga umu mpanga, umu myamba yamu Izlaeli. Yalakwata umwene sile wenga awino alayateeka, kutalaya nupya imitundu iili nu wene wao utalapatukana paili foo.

Ezekelo 41:1

Lyene umuntu wilya antwala mu muputule wapakasi nankasi. Lyene atandika nu kupima wingililo wauko, nao wali amamita yatatu mu utali,

Ezekelo 43:12

Likwene lili lamulo lya Ng'anda ikulu yakwe Leza ino ilakuulwa papela ya mwamba. Incende yonsi apapela ya mwamba ukuzinguluka ing'anda iyo ilaya iyamuzilo kuluta. Likwene lili lamulo lya Ng'anda ikulu yakwe Leza.”

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Danieli 7:1

Mu mwaka uwakutandika uwa kuteeka kwakwe Belisyazali umwene waku Babiloni, ne Danieli nalosile iciloto nga naweni icilolwa usiku. Nalemvile iciloto cici.

Danieli 7:7

Lino ncili lolekesya, icinyama cakwe cini ciloleka. Cene cali icikome, cakoofya, icakuleta intete. Cali na mino yacela akulu cuze yano caomvizye pakulumola nu kulyatola vyasyala vyonsi. Cene citakoline ni vinyama vyuze vyasyala, pano cali ni mpembe ikumi.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Milimo 16:9

Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

Milimo 2:17

‘Umu manda yampelelekezyo ndapongolwela Mupasi wane pa antu onsi. Ana inu aonsi na anaci yalasema, ana inu alumendo yalalola vilolwa, na ikolo yalalota viloto.

Galatiya 4:26

Lelo Yelusalemu wa mwiyulu umuntungwa, nupya wi kwene ali mayo witu.