Ezekelo 40:16 - Amazwi Yakwe Leza 2013

¹⁶ Umu ng'umba zya miputule yonsi, mwali inzota lwa kunzi na lwa mukasi kwene. Apa ng'umba zya mukasi izyalozyanyizye amanso, pakalawilwe ni vilengwe vya miti ya ncindo.

Ezekelo 40:16 ပူးပေါင်းရင်းမြစ်များ

1 Yamwene 6:29

Viumba vyonsi vya miputule ya mukasi ni yakunzi kwene, ivya Ng'anda ikulu yakwe Leza, wene waviyemvizye ni vyakuwaza vikoline na yakelubi, ni vikambalala vya tuncindu, na maluwa awalule.

1 Yamwene 6:32

Visasa vivyo viili waviyemvizye ni vyakuwaza vikoline na yakelubi, ni vikambalala vya tuncindu, na maluwa awalule. Vyonsi vivyo avipomela na zaabu.

1 Yamwene 6:35

Visasa vivyo waviyemvizye ni vyakuwaza vikoline na yakelubi, ni vikambalala, na maluwa awalule. Vyonsi vivyo avipomela na zaabu musule.

1 Yamwene 6:4

Uku viumba vya Ng'anda ikulu yakwe Leza yisile amawindo yano amafulemu yingile mu ciumba lwa mukasi.

1 Yamwene 7:4

Cila lusansa ulwa viumba lwakweti imilongo itatu ya mawindo. Amawindo yayo yalozyanya cinso yatatu yatatu.

2 Milandu 3:5

Alino umu muputule ukalamba mwene yapampamile imbao zya mikelide. Alino nu kukulumbila zaabu mutuputupu. Alino iyazifilizya apakulemba apapela utuncindu uku ng'umba, na vimwi ivipikolezye ivikuloleka kwati umunyololo.

Masamu 92:12

Asuma yene yamalelemanga wa tuncindu, yamaikalanga wa miti italimpisye, imikelide iya ku Lebanoni.

Ezekelo 40:12

Apa miputule yonsi yakwe yakalinda, lwa pankolelo pali utu viimbili utwipi, utwali citika wakwe mita umu utali, nu kutikama kwa tuko nako kwene kwali citika wakwe mita. Imiputule iyo yakwe yakalinda, uukulu wakweyo yakweti amamita yatatu monsimonsi.

Ezekelo 40:15

Ukutandikila lwa panzi apa mpongolo ya kwingililamo, ukuyafika napa mpela ya muputule wakusyalikizya, paali amamita amakumi yaili na yani.

Ezekelo 40:25

Umu miputule yapa mpongolo iyo, mwali inzota wakwe zizi kwene izyali mu miputule ya mpongolo zyuze.

Ezekelo 40:26

Palipo nu mupanda wa makwelelo intampulo cinimbali, uwakukwelelako apa kuya uku mpongolo, nu muputule onga ukalamba uwayelile uku mpela ulunga nu musolo wakwi linga lya kunzi. Nu tuncindu utwalenzilwe uku lung'umba lwa mukasi ukulozyanya ni inzila.

Ezekelo 40:29

Utumiputule, incesi nu muputule wa kwingililapo, navyo kwene vyakweti ivipimo ivili vimwi kwene. Impongolo kwene nu muputule wakwingililamo vyakweti inzota ukuzinguluka. Nu kutalimpa vyatalimfile yamita amakumi yaili na yani, umukusalala namo yamita ikumi na yaili.

Ezekelo 40:30

Umuputule wakwingililamo, ukuzinguluka wali yamita amakumi yaili na yasano na mamita yasano ukuzika.

Ezekelo 40:31

Kwali kweneko nu muputule umwi ukulu, uwalungatine nu musolo wa mwilinga lya kunzi. Palenzilwe penepo nu tuncindu apa viumba vya mukasi ukulolenkana ni nzila. Pali penepo nu ukwelelo uwa ntampulo cinani, uwa kukwelela apakuya ku mpongolo kwene iyo.

Ezekelo 40:33

Ni miputule yakwe yakalinda, umuputule ukalamba, ni viumba kwene ivya mukasi, vyonsi vyalingana sile ni vyampongolo zyuze. Kwali kweneko ni nzota konsi konsi, nu mu muputule ukalamba namo kwene amuno zyali. Ni nzila iyali pakasi yali amamita amakumi yaili na yani umu utali, mu kusalala namo yamita ikumi na yaili.

Ezekelo 40:34

Umuputule ukalamba walungatine nu musolo wa mwilinga lya kunzi. Palenzilwe penepo nu tuncindu pa viumba vya mukasi ivyalungatine ni nzila. Pali penepo nu ukwelelo, uwakweti intampulo cinani, uwakukwelelapo pakuya uku mpongolo kwene iyo.

Ezekelo 40:36

Nako kwene kwali imiputule yakwe yakalinda, ni viumba umukasi ivilengwepo, nu muputule onga ukulu, ni nzota cinani. Ni nzila iyalipo yakweti amamita amakumi yaili na yani umu utali, umu kusalala amamita ikumi na yani.

Ezekelo 40:37

Umuputule ukalamba walungatine nu musolo wa mwilinga lya kunzi. Palenzilwe penepo nu tuncindu pa viumba vya mukasi, ivyalungatine ni nzila. Pali penepo nu ukwelelo, uwakweti intampulo cinani, uwakukwelelepo pakuya uku mpongolo kwene iyo.

Ezekelo 40:7

Ukwingila lwa kasi, mwali utumiputule twakwe yakalinda tutatu. Na cila konga kakweti amakona yani alingane, amamita yatatu umu mbali zyonsi, nu kutikama kwa viumba pakasi kaviko kwali amamita yaili na citika. Ukupitilila patumiputule twakwe yakalinda, pali akafyototi akatalimfile amamita yatatu ukutungulula uku wingililo wa muputule uwalolenkine ni Ng'anda yakwe Leza.

Ezekelo 41:18

Yakelubi pamwi nu tuncindu ali vino vyalenzilwe penepo. Akancindu konga pakasi kakwe yakelubi yaili, nga na cila kelubi ala ali ni vinso viili.

Ezekelo 41:25

Apa mulyango wa mankumbili kwene, palenzilwe penepo ya kelubi nu tuncindu, ndivino cali apa ng'umba. Alino ukunzi kwali kweneko ipaala lya mbao apa mulyango wa kwingililapo umu muputule.

Ezekelo 41:26

Umu mbali ya muputule uo, mwalimo ama windo, ni ng'umba zya uko zyalenzilwepo utuncindu.

Ezekelo 41:3

Nupya aya mu muputule wakusyalikizya, atandika nu kupima mulyango wauko, incesi zyene zyali mita wenga mu kuzika, nu mu wipi namo wali yamita yatatu, nu mutika wa viumba konsikonsi wali yamita yatatu na citika.

Ezekelo 42:3

Ku lusansa longa yalozizye cinso ku ncende iyali amamita amakumi yatatu na yani lwa mu mbali ya Ng'anda ikulu yakwe Leza. Nga ku lusansa luze nako yalozizye icinso ku museo waku musolo wakunzi. Yene yakuzilwe umu vintunti vitatu, na cila cintunti icali cisila, calusile icali uku nkolelo.

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.